新加坡馬拉南部5天自駕遊【PART 1 – 新加坡篇 】

新加坡位於馬來西亞半島的南端,只是一個六百多平方公里的小國,在世界地圖上只是一個小紅點兒吧了。她的南面和印尼隔海相望,北面和馬來西亞只隔著柔佛海峽,由新柔長堤連接起來。其實新加坡在1965年8月9日獨立之前都係同馬來西亞(我的家鄉)同屬於英國的殖民地。所以無論種族語言、宗教信仰、飲食文化方面都十分之相似。新加坡的人民約七成是華人,兩成馬來人,剩下一成的是印度裔。不過因為新加坡的生活指數和貨幣匯率都比只隔咗一條柔佛海峽的馬來西亞都高好多好多,所以新加坡的食物、住宿、交通等都比馬來西亞貴好多倍。因為工作的關係,我曾到訪過新加坡超過20次了。呢個地方俾我既感覺係……..國家很小但很富裕,周圍環境好乾淨,治安良好,交通好方便,不過就比較缺乏大自然風景的吸引力。亦都係因為我工作的關係令我接觸了很多不同類型的新加坡人,多年來很大部分的新加坡人俾我既感覺係高傲、凡事怕輸、樣樣要爭第一、諸多挑剔,而且什麼芝麻綠豆之事都要投訴一番,所以俾人感覺佢地啲人好麻煩、好難相處。新加坡地方雖好但因為啲人既問題,所以令到我既印象分都已經大打折扣了。我覺得,新加坡人如果能謙虛一點,也許不致於令人這麼反感。

咁既然講到咁討厭新加坡人,咁又點解會再同朋友去新加坡旅行架呢?

話說我有2個我視同弟弟一樣的好朋友(豪和蘿記),在去年的12月有一日蘿記突然間WhatsApp我,話如果我下次返馬來西亞的話佢好想帶家人跟我去玩、去食果王「榴槤」同試下地道美食。咁我過幾日之後睇過今年應該仲可以拎到幾日假期所以就答應咗佢,而且立即邀請埋豪一齊去玩,順便拜託佢呢位機票格價專家幫我地手買平機票嘛。咁要食榴槤當然要揀榴槤季節(6月-8月)去啦,不過因為要就蘿記個仔放暑假,所以最後揀咗8月中出發。其實個行程原本只有馬來西亞的地方既,不過佢地從來都冇去過東南亞旅行,而且馬來西亞南部的柔佛新山又有阿豪很想去的Hello Kitty Town,咁既然去到南部咯,咁不如順便去埋新加坡啦,當見識多一個國家囉!

以下呢2張係馬來西亞的地圖,而南部嗰個小島就係新加坡喇 ~~

新加坡呢個地方我因為去過太多次所以感覺麻木了,導致我沒有興趣寫呢次的遊記。所以今次我非常榮幸可以邀請到團友之一的阿豪代筆,為大家帶來一篇精彩的遊記。以下所有的藍色字都是阿豪的遊記文字部分,而紫色字是我後加的補充資料 ~~

Continue reading

新加坡馬拉南部5天自駕遊【PART 2 – 新山、馬六甲篇 】

由新加坡過橋,唔洗幾分鐘已經到達馬來西亞新山喇 !! yxh56

新加坡同新山距離就好似香港同深圳,大家都係一橋之隔非常近,所以好多到新加坡玩既遊人都會順路到新山走走,不過我地就特別啲係調轉,因為到馬來西亞所以先順路到新加坡玩吓。 在新山入咗馬來西亞境之後,落到地下就係一個好大既巴士總站JB Sentral,可以搵到前往酒店既巴士Causway Link bus S1,車票每人RM1.50 ~~

前面就係今晚住既酒店KSL Hotel & Resort,酒店下面係一個大商場,買嘢食嘢都好方便~~

Continue reading

ETS火車遊【怡保】– 喪食暴肥3天之行

我的家鄉位於馬來西亞雪蘭莪州,如果要去馬來西亞半島其它地區旅行的話,例如檳城、馬六甲、怡保、關丹、新山甚至是新加坡,我家人一般都是選擇自駕遊的,所以我從來沒有機會坐馬來西亞的火車。自從去年開始有了電氣化火車Electronic Train Service (ETS)之後,由吉隆坡去怡保就多了一個交通選擇而且變得更方便了。 所以我就突然很有興趣試一下,順便重遊這個懷舊美食之城  「怡保」。  一提起怡保,我們通常只會想到芽菜雞,但其實除了芽菜雞,怡保好吃的東西可多著了,有湯底勁鮮味而且滑溜到不得了的怡保沙河粉,又有藥材香味的鹽焗雞,還有小巧以古方烘製而成的脆皮加央角和香餅,和揚名海外的打捫柚等…. 所以我們就決定再遠赴一趟怡保的新舊區走一回,展開一個3天2夜的暴食之旅,造訪當地人和遊客都喜歡摸上門的道地美食餐廳與檔舖 ~~

Continue reading

馬來西亞榴槤忘返5天自駕美食遊

**本輯油雞文字由團友Leng負責, 相片由Fung, Carine, Sir提供***

話說本人平時都係去台灣或者大陸多, 對上一次去東南亞就係2002年既新加坡之行…你話幾耐歷史?? 當時年紀太細都無咩印象, 所以東南亞對我黎講可謂完全陌生…

咁點解我又會踏上呢次既馬拉之旅呢? 因為從舊年開始, 我就迷上寫油雞呢個玩意, 係其他版post油雞既時候就好自然同其他網友吹下水, 吹下吹下竟然同某啲網友變左真朋友… 今次馬拉之行就係由其中一位網友Carine吹雞! 其實我識左佢無耐佢就問我去唔去, 大家真係素未謀面, 但係我個刻都冇諗咁多, 好爽快就應承左!  係呀…諗咁多做乜? 我始終相信呢個世界好人總比壞人多~ 就係因為旅行令我既視野不停擴闊, 大不了去到中伏咪搵大使館求救囉 !!

今次既旅程好特別, 全程由馬來西亞地膽Carine安排, 我同男友Fung拍下蘿油就出發~~ 唔使自己諗既自由行都係第一次~ 加上幾位新相識既香討網友 — Carine蝦子餅Ron, 柳sir 同佢太太May, Roy同佢太太, 仲有另外2位朋友Swing同Ka Ling, 究竟同呢班新朋友既旅程會係點呢? 真係好期待 !!

講左幾個月既馬拉之旅, 等到今日終於出發啦 !!

其實出發前都聽過其他網友話Roy嫂係一個奇人, 結果…..聞名真係不如見面….未上飛機就有戲睇….

話說眾人在機場已經入哂禁區出左境, Roy嫂忽然嬲爆黑面佢話佢要走喎!!! 之後真係拂袖而去….我地呆哂囉!! 望住Roy, 佢竟然話:「唔好理佢, 由得佢自己揾路出返去!」喂! 出左境點走呀??!! 但係Roy兄話唔理就唔理, 咁我地呢班閒人唯有滴住汗去登機囉……!!
但係臨上機既時候, 竟然見返Roy嫂現身, 真係…….
  Monkey Emoticons

行程&目錄:

Day 1 (27Jun2013) :香港檳城 – Balik Pulau寶盛園(Bao Sheng Durian Farm) – Masjid Terapung水上清真寺 – Batu Ferringhi海灘區逛夜市吃晚飯

Day 2 (28Jun2013) :
早上酒店自由活動義香買手信劉榮和茶餐室 – George Town古城遊(Pinang Peranakan Mansion僑生博物館, 張弼士故居) – Teochew Chendul珍多冰 – (路經)怡保晚餐 (老黃海南雞飯&怡保沙河粉) – 吉隆坡阿羅食街宵夜(黃亞華小食店)

Day 3 (29Jun2013) :  Lot 10 十號胡同 – Sri Mahamariamman Hindu Temple – Central Market – Petaling Street 唐人街 – Pavilion Mall – KLCC 雙子塔 – Hakka 客家飯店

Day 4 (30Jun2013) :
吉隆坡 – 雪蘭莪州 – Petaling Jaya – Kayu Restaurant 印度餐 – 永好茶餐室食叻沙 – 參觀currypuff屋企 – 跟currypuff屋企人睇樓 – 1 Utama Mall (Peranakan Place食娘惹菜) – Old Town 興記肉骨茶 – SS2 榴槤buffet – Sunway Pyramid

Day 5 (1Jul2013) :
Ho Chak 好吃茶餐室食早餐 – Giant Supermarket買手信 – Secret Recipe@The Curve買榴槤Cheese Cake – Tesco Supermarket買榴槤 – KLIA 吉隆坡國際機場 – 香港

Continue reading

世界文化遺產 – 馬六甲古城2天自駕遊

每年的聖誕節我都希望請到幾天假期返家鄉去, 因為母親大人的生日正是聖誕節正日1225日。可惜並不是每年聖誕都有假放,不過今年比較幸運地申請到平安夜24日至到29日一共6天的假期, 所以決定飛返吉隆坡然後帶媽咪和姪仔姪女一齊自駕去馬六甲玩2日。2008年被列入世界文化遺產的「馬六甲」, 英文名稱為 Malacca, 馬來文為 Melaka。於西元 1511 年淪為葡萄牙殖民地, 1641 年後改由荷蘭人接管, 1785 年起則為英國所統治,1957 年時脫離殖民統治, 成為馬來西亞第一個宣告獨立的地區 , 因此整個小城都具有很濃烈的殖民地色彩, 我記得十幾年前曾經去過馬六甲一次, 不過只係即日來回,主要係去行街食嘢, 並未參觀過馬六甲任何一個世界聞名的古蹟或景點, 所以今次出發前做了功課準備好好去遊覽一番 ~~
26Dec2012 (Wed) —
早上730分我們借了二嫂架小型馬拉國產7人車仔,setPapago GPS自動導航之後我地就從屋企出發。其實馬六甲離吉隆坡並不遠,只係158公里,如果唔塞車的話應該2小時左右可以到達馬六甲市區架喇(吉隆坡每個家庭平均有2架車以上,所以車多到經常上下班時間會大塞車),  不幸地當日又遇到公路上有交通意外,一架大拖頭撞到散晒連車頭同車尾分離斷成兩節,所以搞到公路大塞車,結果我地差不多早上1040分先到達目的地呀 ~~



Continue reading