墨爾本

17Dec2009 – 今次出勤去"墨爾本"3日, 原本第2日放工之後我提議大家一齊去"Philip Island菲利浦島"半日遊‏, 如果自駕遊, 大約2小時可到達.  菲利浦島上居住著全世界最小的野生“神仙企鵝", 沿途有澳洲牧場及海島迷人風光,還可以選擇在澳洲動物園作短暫停留,親自餵食袋鼠,觀賞考拉、鴯鶓等澳洲珍奇動物…傍晚時分觀看南半球特有的動物世界奇觀-全世界最小的“神仙企鵝”企鵝歸巢。步態蹣跚搖擺,模樣嬌憨可愛,趣味橫生,會令人捧腹…

不過最終都無去到囉 !!!  因為放工之後已經夠攰了, 我的同事提議由她揸第一程車去Philip Island, 遊玩完就由我揸車返酒店, 跟住又要去還車….我諗諗下, 大家放工之後未瞓過覺, 玩完Philip Island到夜晚一定攰到死啦……..大家回程一上到車實瞓到好似死豬咁…而我就仲要揸多2小時車返去, 真係驚我會揸揸下車同佢地一齊瞓着咗喎 ~~ ~所以只好取消今次行程留返下次如果有多啲時間再去過喇…..

Picture

 咁唯有留返喺墨爾本市中心逛下街啦 ~~

Chinatown

所以Day 3上機返香港之前只係去咗一間近Chinatown, 而同事個個都好鍾意嘅"Mekong"食越南湯河 ~

Picture

Melbourne最旺的shopping area

Swanston Street

喺 Swanston Street, 好易見到遊客觀光的馬車….

聖保羅大教堂 St. Paul Cathedral

弗林德斯車站 Flinders Street Station

Flinders Street Station是墨爾本人約會見面的指標地點,「大鐘下見面」指的即是車站前的大時鐘。這座歷史悠久的火車站,曾經於1981年經過整修,不只是墨爾本更是維多利亞州內首屈一指的重要公共場所 。
該車站載運的功能相當龐大,每天進出車站的人高達11萬人次,車站前的階梯上除了是親人、朋友、情侶話別會面之處 ,也是街頭藝人的表演場所 ….

Yarra River

沿住呢條Yarra River一直行過去就會見到"皇冠賭場 Crown Casino"喺左邊…..
來到墨爾本,不管你愛不愛賭博,一定要來逛逛這個全澳洲最大的賭場(請記得一個公式,澳洲最大=南半球最大

然後入咗一間賣手信的店, 睇下啲毛公仔幾得意 !!!!

Picture

個天竟然可以藍到咁, 我無用photoshop執過啲顏色架…….
 
 
 
 
如果有留意我嘅blog的話, 都可能知道我外遊時都喜歡住一啲靚同舒適的酒店, 唔一定貴, 但一定要比較新淨囉 ~~ 今次為大家介紹一間我幾鍾意住的酒店 –

Sofitel Melbourne, 坐落於墨爾本市中心的科林斯大道(Collins Street),前往旅遊景點、餐廳和購物中心皆十分方便….都有好多間名店開喺Collins Street, 例如 LV, Gucci, Max Mara etc….不過如果大家要買名牌當然唔好揀喺澳洲買啦…點解? 唔抵囉 !!!

Picture

Sofitel Melbourne  
 

Hotel Lobby

我的房間 4508, 好高層呀 ~

Picture

房間望出去的Melbourne City View

夜晚我通常會去Lygon Street食晚餐, 在墨爾本如果您想試試傳統的義大利Pizza或Pasta,你絕對不能錯過在墨爾本的Lygon Street,這一帶的店大多是早期義大利移民者開嘅,所以每家店都有著自己的特殊風味,建議你來感受一下義大利人的熱情,品嚐一下道地的義大利美食, 如果晚上7點過後先去,整條街道滿滿的人潮,更有異國風味 ~

Picture

多謝觀賞 !!! 希望好快可以再影一輯Philip Island 的照片同大家分享 ~~ I need to go to Melbourne airport soon la….See you in HK ,  Bye !!!

Picture