北疆金秋原始生態體驗【Part 1 五彩城 & 五彩灘】

這一次的新疆北部的9天行程主要目的是去看金秋,而且我們選擇的路線都是參照當地的師傅建議的去走。原本的行程也包括了可可托海,但是因為我們只去短短的9天,所以景點也只好選擇最想去的幾個,正所謂貴精不貴多嘛,而且可可托海就算在這個季節也實在太冷了,位於阿爾泰山東南段,距離新疆富蘊縣52公里, 是全中國第二冷極, 如果要去可可托海住上一天的話,我們可能要帶的禦寒物品要多上一倍呢……
所以出發前的2個月買了由深圳直飛烏魯木齊的來回機票之後, 跟我們的包車師傅商討過後才終於決定了以下的這個行程:

一天(199)烏鲁木齊 —- 五彩城

第二天(209)五彩城 —- 布爾津

第三天(219)布爾津 —- 禾木

第四天(229)禾木 

第五天(239)禾木 —- 喀纳斯

第六天(249)喀納斯—-白哈巴

第七天(259)喀納斯 —– 布爾津

第八天(269)魔鬼城 —- 烏魯木齊

第九天(279)烏魯木齊深圳

航班資料 :
19/9 – CZ3911 STD 0810 ETA 1335
27/9 – CZ3912 STD 1515 ETA 2010

新疆是中國最大的省份, 面積是全中國的六分之一, 166萬平方公里, 而我們這次9天的主要行程裡只包括了新疆最北部的阿勒泰地區的景點, 以下是路線圖 ~

DAY 1 (19Sep2012) —

今天一大早6時由深圳機場大酒店出發, 搭酒店的第一班機場穿梭巴士前往離境大堂, 其實機場正正位於酒店對面, 車程3-5分鐘就到喇 ~


標雙房 250人仔一晚 ~~



選擇住在深圳機場大酒店一晚係因
為我們搭的是早上810分的南方航空公司CZ3911班機, 咁我地就唔需要晨早4點幾由屋企出發嘛….!  我地一齊在機場食咗個簡單三文治早餐之後, 坐低等咗一陣終於在早上730分登機喇 ~

….! 班機又例牌延誤, 點解? 咪又係航空管制囉,一啲新意都無monkeys5 結果呆等咗個幾鐘先起飛, 咁我地今日打算喺日落之前到達第一個景點目的地五彩城將會好趕喇 ~

接近6小時的飛行時間, 機上完全無娛樂設施, 無電視又無歌聽, 以為拎部手機出黎開始寫呢輯遊記的出發篇,而我個朋友就用佢部手機聽歌,點知俾個空少見到即刻兇我地話要即刻熄手機, 否則罰我5000人仔或沒收我地部手機喎, 我好唔忿咁問佢點解全世界的航空公司都容許乘客在飛行途中使用手機的飛行模式, 為何只係內陸機不可以???  (我真係少搭大陸機,真係唔知) 佢竟然串到爆地用英文回答我和我的朋友 : “This is China, not Hong Kong! ”
monkeys42

我地兩個好無奈地熄機收埋部電話囉, 但係我真係好唔滿意咁樣嘅答案喎, 所以見到機艙服務長經過時我再問佢要個明白, 佢最後詳細解釋話原來大陸有太多品牌嘅手機喇, 就連A貨山寨版的iPhone或三叔機都周街都係, 佢話大陸民航處唔相信嗰啲A貨山寨版的飛行模式喎, 可能只係顯示一個飛機圖案但完全係無呢個功能喎….呵呵呵….! 所以為免影響飛行儀器的正常運作同安全理由, 大家都必須熄手機, 但平板電腦可以在飛行途中使用喎 ~

起飛之後派的飛機餐芋頭炆鴨飯” ~


下午325分終於降落了烏魯木齊機場喇 ~ monkeys33

一落機即刻打俾我地的包車師傅文師傅”,原來佢已經喺停車場等候喇 ~~



放了所有行李上車之後就趕緊出發, 希望趕到在天黑之前睇到最靚的五彩城日落景 ﹝註:當地日落時間是下午8時20分)

從烏魯木齊出發初段路沒有藍天白雲, 只有灰朦朦的天色, 文師傅話因為係工業區的關係所以呢區已經無藍天了, 車程再過多一小時左右就見到藍藍的天喇 ~



沿途經過一段又一段的沙漠地方, 這裡就是 「火燒山」, 傳說是當年孫悟空踢翻太上老君的煉丹爐掉下的幾塊火磚,穿過火燒山之後就會進入卡拉麥裏」自然保護區,這裏是中國唯一的野馬放養保護區。路邊有時可見野馬成群,還有羚羊、野驢出沒 ~

文師傅怕我地今日未能夠睇到五彩城的日落會失望, 所以飛車又不斷爬頭, 一共趕了300多公里, 傍晚7時10分終於平安到達五彩城了 ~

五彩城有大量的攝影發燒友和遊客在山上等日落, 但係附近只見得一間只有3張枱的餐廳, 其實應該係一間民宿的用餐地方,所以文師傅怕日落之後會爆滿所以我們先去餐廳訂位落單叫菜, 然後先去影相 ~

五彩城是北疆獨一無二的奇景,這裏是遠古湖盆經過千萬年來大風的雕琢變成一個奇幻的城堡,而且因爲每個地質時期沈積的物質不同所以城堡色彩分明, 在暖烘烘的夕陽下,色彩更見艷麗 …….

不過如果大家全程只係企係指定的山頂同一大堆遊客一齊只向下望個全景,真係會好失望, 因為人太多而且景觀唔太特別, 要爬上去都幾吃力, 爬上去容易, 但落山好危險, 好斜而且又無任何扶手架~




山上影落黎的全景 ~

文師傅叫我地快快爬上去影個全景之後馬上車我地去穿插另外一邊的山丘之中, 如果想影到靚靚的日落一刻, 真係要快啲因為好快就會天黑嘛……
….! 呢邊靚得多喇, 文師傅成日笑嗰啲攝影發燒友係大笨蛋, 大傻瓜”, 唔識搵靚景, 只係信啲旅遊書講, 傻傻咁企喺山上度影啲好普通的景觀喎
~ onion-head73

每當日落,五彩城就會被落日點燃, 那些山體上的色彩一下子強烈起來,顏色分明, 深淺不一, 連我地啲臉色都顯得好紅潤架,
嘻嘻……! onion-head5

 onion-head16 好靚呀………!!!!!!!!!

晚上8時天開始黑了, 我地即刻趕在遊客未從山上落黎之前返去餐廳食我地已訂的新疆名菜大盤雞」, 顧名思義,咪就係一大盤雞囉, 哈哈…..好好味 !!!!

不過一到8時20分個天黑晒之後個餐廳就漆黑一片無燈光了, 結果我地要一路拎住個電筒照住啲餸先至夾到黎食囉 ~

因為之前文師傅在電話中聽錯了, 以為我地第一晚係住烏魯木齊, 所以最後出發1個月前再以短訊確定行程的時候因為係超級旺季已經無辦法訂到條件比較好的賓館了, 只好帶我地去距離180公里的恰庫爾圖小鎮搵地方住 ~

接近晚上11點到達, 但係搵咗幾間我都接受唔到啲賓館條件, 又舊、 污糟邋遢又臭, 點住呀??? onion-head1

 

其實嗰小鎮只得幾間爛鬼賓館咋, 最後搵了一間差之中無咁差的, 我入了去房間視察了環境之後向同行友人匯報, 我話: 你地依家有只得3個選擇, (1) (2) 更差 (3) 無得瞓,佢地一聽見即刻揀咗呢間差之中無咁差架喇…….

DAY 2 (20Sep2012) —
我地早上10時出發, 先去恰庫爾圖小鎮食個早餐 ~

呢啲麵包係叫做 ” ,我地成個旅程食得最多就係哈蜜瓜同埋呢啲 …..!

羊肉包子同素包子 ~

清真牛肉麵 ~

然後經北屯往布爾津出發,沿途見到好多駱駝、 馬和羊羊 ~

300公里的車程,沿途經過一片紅色嘅草原, 我地落車去影吓相 ~

大家睇吓呢啲似唔似冬蟲夏草?

這位就是文師傅喇 !!

又有好多駱駝呀 !! onion-head23

然後再經過一大片葵花田, 原來啲葵花係因為結滿了籽所以令到每朵花都太重而耷晒頭, 文師傅叫我地落車玩, 仲問嗰個收割葵花嘅姐姐要咗個好大朵嘅葵花俾我地試吓新鮮嘅葵花籽添 ~

啲葵花仲大過我地個頭呀…..!

接住落黎係生產黑瓜籽的瓜田 ~

外型好似西瓜但比西瓜細個啲而且係白肉嘅…..

下午3點左右我地到了一個湖邊的大草原, 又落車伸展吓筋骨先!



不過天開始落毛毛雨,
不過我地一於照落車玩 ~

下午450分到達布爾津, 彩虹房子就係今晚入住的賓館喇 ~

間賓館算乾淨企理, 但係洗手間啲水有一陣好勁嘅鐵銹味, 可能係啲水喉管已經舊到銹晒喇, 所以要自備飲用水洗面和擦牙好啲….

onion-head6

放低行李之後就去了布爾津市內的一間阿圖什維族的餐廳食午飯 ~

抓飯 + 拌麵

食飽飽之後就起程前往今天的景點「五彩灘」喇 ~ onion-head105

途經一片好靚的葵花田, 不過呢啲葵花仍然未開始結籽所以依然好靚!!!

呢段路係最靚的一段公路, 因為公路兩旁長滿了一排排的白樺木樹 ~

然後佢就在車尾切了2個佢一早已經為我地準備嘅哈蜜瓜, 跟住落黎的8天行程裡面我地每天都最少食12個哈蜜瓜和其它新疆的時令水果, 因為文師傅一見到有水果檔就會買一大堆水果俾我地食架喇 ~

然後再行多一段路就會見到公路右邊有個蒙古人所建造用作紀念成吉思汗西征的金馬鞍 ~

傍晚625分終於到達五彩灘景區喇…….!

呢度果然有大量的旅遊巴士, 五彩灘應該係旅行團的熱門景點吧……

五彩灘位於北疆布爾津縣境內,  額爾齊斯河流經五彩灘,自東向西流入北冰洋 ~

五彩灘地貌特殊,綿延十五公里的懸崖石灘,長期被狂風和流水侵蝕成陡峭深溝,維族稱為「雅丹」,長久以來「雅丹」一詞就成了世界地理學和考古學的通用術語,名曰:「雅丹地貌」,五彩灘成為同類地貌的典型代表 ~

五彩灘的顔色非常之多彩多色, 依陽光之強弱而呈現出不同 , 有暗紅、藍、黃等等的色彩 ~

紅艷艷的日落和漫天的紅霞好靚呀 !!! onion-head23

離開五彩灘景區之後我地去了河堤夜市行吓, 順便想試吓啲串燒同埋小菜, 不過文師傅叫我地唔好喺專做遊客生意的河堤夜市食嘢, 佢話又貴又唔好食, 但係我地不聽老人言, 結果俾人劏到成頸血, 食咗幾樣好普通的小菜, 賣單5百幾人仔, 而且啲味道真係麻麻地 ~
onion-head30

以上呢碟清炒青菜竟然係60蚊人仔喎 ~ onion-head41

食飽之後就返咗賓館休息準備明早出發到禾木去 ~~~~   onion-head100

 

 北疆金秋原始生態體驗【Part 2 禾木的晨霧與藍天】

 

 

 


11 thoughts on “北疆金秋原始生態體驗【Part 1 五彩城 & 五彩灘】

  1. Carine, 由深圳出發真係慳唔少錢.架飛機幾得意,飛行模式都唔比用,真係幾悶.陽光影落五彩山上個色紅紅地,又幾美.
    [Tony回覆10/22/2012 11:09:52]Carine, 係啦, 個時我話諗下先, 結果九月出季數, 唔得閒去, 真係可惜
    [版主回覆10/15/2012 13:07:26]其實由深圳出發並沒有你想像中慳唔少錢,來回機票都要港幣7000,可能因為係金秋旺季吧,我幾個月前都有pm俾你邀請你一齊去架,可惜你可能冇留意到我的留言。

  2. 大開眼界,這些地方真的不容易去啊!好像很陌生的樣子。
    [版主回覆11/18/2012 18:52:21]我也大開眼界, 其實如果沒有朋友陪我去的話我相信我也沒有膽量去, 真的衷心感謝我同行的朋友們啊!!!

  3. 咁壯觀既景緻係呢度欣賞就算⋯要付之于行好似好不容易呀!
    [版主回覆11/18/2012 18:54:12]只要你想去的話, 你一定可以如願的, 並不是你想像中那麼難呀~~

  4. Hello, 咖哩 這個北彊游好精彩呀, D相好靚, 我相信親眼看見一定靚100倍嘞。
    好, 等我plan 吓 2015年去!!!

  5. 哇,個夜市劏得好狼喎,一碟小青瓜也要人仔60;但文師傅當晚是否沒預備晚餐給你們,所以你們焗食?

Leave a Reply

Your email address will not be published. Required fields are marked *