北九洲自駕遊【PART 2 – 大分篇】

Day 4 (15/3/15) —

今早9點鐘又再落樓下餐廳嘆多次個酒店自助早餐先,沙律、水果、厚多士、日式飯加麵鼓湯,全部都好啱我胃口,好味呀!!onion-head68

然後10點鐘我們就退房準備出發去大分縣。 由長崎市開車去今日嘅目的地「湯布院溫泉小鎮」係215km,set好咗GPS之後我們就開始起程喇 ~~ yxh11

今早天氣麻麻地,天色灰濛濛而且仲落雨添 ~~ yxh28

終於喺中午12點25分到咗今日嘅第一個景點「Yufuin Floral Village」~~

從這個大門進入Yufuin Floral Village時就見到一間間歐洲風格的黃色石牆和灰色磚瓦組成的一間間小石屋商店,穿梭在石屋群中的街巷,兩旁夾雜色彩繽紛的小花盆栽,就好似踏入童話世界一樣 ~~

一路逛過去,有賣傢飾、鞋子、手信、衣服的可愛小舖 ~~

仲有賣新鮮出爐的麵包小舖Kiki’s Bakery ~~

呢間專賣湯布院當地嘅特產 ~~

其實今次來Yufuin Floral Village嘅主要目的係為咗參觀呢個小型貓頭鷹動物園 (Owl’s Forest Zoo) ,因為可以近距離接觸貓頭鷹嘛 ~~ onion-head5

Owl’s Forest Zoo門票係¥500 ~~

噢!! 係真的貓頭鷹嗎 ? onion-head48有好多人都覺得貓頭鷹個樣好恐怖,但我又覺得佢哋好得意喎 ~~ onion-head23

有啲有水汪汪而且好精靈的大眼睛,圓通通的身型,實在太可愛了!!onion-head16

一次過見到咁多隻不同品種嘅貓頭鷹,而且仲可以同啲貓頭鷹貼到咁近影相,我超級興奮呀!!!  onion-head29 因為我第一次見真嘅貓頭鷹,所以都好開心咁同啲貓頭鷹合照和互動,而且甚至可以摸佢地添,這對於遊客來講都係非常不可思議㗎 ,哈哈!!

一直以為貓頭鷹係好有性格、酷酷咁樣嘅,所以原先我都唔敢靠近佢哋,怕會被攻擊。 不過原來呢幾隻貓頭鷹都相當的溫馴,只係下面呢隻最有個性,成日將佢個頭180度轉過去後面,點都唔肯乖乖地咁同我蝦子餅影一張合照,真係笑死我!!

onion-head2

每個貓頭鷹品種都有日文介紹,可惜睇唔明 ~~ onion-head33

而呢間屋仔入面仲有一隻係同哈利波特電影裡面嗰隻貓頭鷹一樣品種㗎!

只要俾300yen就可以扮哈利波特同佢合照㗎喇 ~~

不過唔知點解當時屋仔入面無職員當值,所以任影唔嬲囉,賺咗,嘻嘻!!

貓頭鷹動物園門口有間專賣店,整間店都係賣貓頭鷹的飾品,喜歡貓頭鷹的人千萬唔好錯過喎 ,嘻嘻 ~~

 

好有特色嘅小食餐車 ~~

除咗有貓頭鷹之外原來Yufuin Floral Village裡面仲有一隻白羊 ~~ yxh54

位於九州大分縣的湯布院,係湯平村和由布院町合併之後的名稱,亦係日本溫泉湧出量的第三名,所以好耐之前已經吸引許多日本及國外的旅客前來一趟泡溫泉。 在湯布院溫泉小鎮這一區到處可見充滿日式風情的溫泉旅館,每一間都各有特色,而我們今晚入住嘅都係湯布院溫泉小鎮其中一間溫泉旅館~~

行咗一圈湯布院之後個肚仔打晒鼓,就一於喺呢道搵間餐廳食午餐先 ~~

呢間係一間專食喬麥麵和土雞的餐廳 ,4個套餐共 ¥3600 ~~ yxh86

我喺網上訂嘅一間有私人風呂嘅溫泉旅館「Poppoan溫泉旅館」,出發前旅館非常細心,佢地透過email跟我聯絡,除了確認訂房之餘,更表示可以派職員到火車站接我們,但我們通知旅館主人我們將會自駕去,大約下午4時會到達旅館 ~~

Poppoan溫泉旅館係一泊二食,2人房價係¥28500,但只收現金,職員用簡單英文跟我們溝通用餐時間、用餐地點、退房時間、設施等……

我們的日式榻榻米房都幾大間喎 ~~ yxh75

(上圖)左邊嘅木門出面就係私人風呂喇,記得浸之前要沖好涼先呀,唔好污染啲溫泉水呀!!onion-head102

仲可以望到出面嘅風景 ,而且私隱度都唔錯。 今次呢一間旅館有私人風呂,最啱我呢啲唔敢赤裸裸咁同其他人一齊浸溫泉嘅人,尤其係同相熟嘅朋友一齊剝光豬浸仲更加尷尬到死呀,始終我唔習慣日本人嘅傳統文化,嘻嘻……..!! yxh43

今次簡直可以話係用到佢盡呀……..係咁上水落水,務求浸返夠本 ~~ onion-head86

由於係一泊兩食,其實可以揀留係自己房間食,但因為想4人一齊食所以晚飯就決定一齊去用餐室食 ~~

齊齊換好晒浴衣之後就行去用餐室喇 ~~ yxh60

旅館後面係火車路軌,可惜天氣唔好所以睇得唔清楚。 用餐室門口仲種咗一啲有機蔬菜 ~~

約好咗6點鐘開餐, 一入到去用餐室已經見到擺滿晒一枱的美食 ~~ yxh06

呢一餐係懷石料理,每人一份實在太豐富喇!! onion-head68

食飽返到房間見到榻榻米床又已經一早舖好晒俾我們休息喎,好窩心呀!!yxh12

 

Day 5 (16/3/15) —

一早7點鐘起床又再浸多次溫泉先,太正喇!! onion-head47

然後8點半又再去用餐室食日式早餐  ~~

我最鍾意左上角個溫泉蛋 ~~

我們早上10點鐘退房,然後就出發去今日嘅景點。 來到湯布院地區當然一定要遊覽一下最具代表性的觀光景點之一的「金鱗湖」啦~~

金鱗湖就位在湯布院最熱鬧的地區,周圍也有許多店家和溫泉旅館,湖的周長大約400公尺左右,西邊是溫泉而東邊則是一般的湖水,形成了半溫半冷的湖水,因為溫度差而使得湖面散發霧氣,相當夢幻。至於黃昏時刻的金鱗湖,湖面在夕陽的照射之下就好像金色魚鱗一樣的閃閃發光,可惜今日天氣都係一樣麻麻無乜陽光 ~~

終年自湖底湧出的溫泉,造成湖上白霧迷濛的景象,更是如同夢幻仙境一樣迷人 ~~

秋天時兩岸紅楓點綴倒影在湖面,所以金鱗湖亦係北九州賞紅葉的其中一個好地方 ~~

喺湖邊見到有間咖啡店Cafe’ La Ruche,就一於入去嘆返杯咖啡先!!yxh77

對住個金鱗湖景嘆杯咖啡再食件蛋糕都不知幾hea呀!!yxh75

上午11點半我們嘆完咖啡之後就準備離開大分縣喇!! 今日返福岡之前我們打算先去位於門司港的「旦過市場」逛逛,因為Cris同佢媽咪都未去過日本當地嘅市場,市場就係當地人生活的重心,可以了解到一啲當地嘅風土民情嘛 ~~

地圖上顯示由湯布院出發去旦過市場係大約118km ~~

路經湯布院車站影返一張到此一遊相片先 ~~ onion-head29

慘慘慘!! 一開始上高速嘅時候天氣轉壞,能見度好低,灰灰朦朦一片,開車要打醒十二分精神先得 ~~ onion-head41

中途好彩天氣終於有好轉,起碼開始可以清楚地見到啲路牌 ~~ onion-head25

下午1點20分我們終於安全到達旦過市場對面嘅停車場喇 ~~ onion-head6

 

旦過市場係一個長長嘅有蓋商店街,內集合了200家以上的店舖,除了有賣鮮魚、蔬菜、肉食等商店外,也有加工食品店、飲食店、酒舖、成衣店等各種各樣的商店 ~~

又再見到我一直好想試但又無膽試嘅雞泡魚喇 ~~onion-head1

原本打算喺旦過市場搵間賣刺身嘅餐廳食午飯㗎,以為好似去年喺大阪的黑門市場咁可以食到一餐超正嘅刺身大餐呀,不過原來旦過市場啲餐廳選擇好少,而且大部份我們想試嘅食物都已經一早售罄,唯有係買幾個我蝦子餅最喜歡嘅紅豆餅頂住先啦!!

喺旦過市場另一個出口行過馬路就係北九州最大的商店街「魚町銀天街」喇....而魚町銀天街就近JR小倉站,所以有不少遊客都會來到呢區逛吓感受一下當地人的日常生活 ~~

行完一圈都搵唔到一間想食嘅餐廳,而且當時大家又未肚餓,所以就決定開車返到去福岡市先再打算 ~~

下午3點40分返到去福岡市,我們就喺路經 的Aeon Centre購物中心食午餐 ~~

4個套餐共 ¥3500 ,味道都幾好喎 ~~

食飽之後我們去酒店前先兜咗去海中道海濱公園一趟,因為呢道係福岡其中一個賞櫻勝地,希望3月中都會有少許早櫻睇吓啦,可惜去到海中道海濱公園全部櫻花樹都未開花 ~~

今日下午6點前要還車,所以回程去入滿油然後就開車返去博多站嘅日產租車店還車 ~~

大家有無留意到日本嘅油站同香港嘅有咩唔同呢 ??

還完車之後行大約8分鐘嘅路程就到咗我們今晚入住嘅酒店喇 ~~

JR Kyushu Hotel Blossom Hakata Central酒店地店十分之方便,由博多站正門口過馬路就到喇 ~~

雙床房一晚港幣 $724 ,房間唔算太細,又係一啲我比較喜歡的簡約風格, 乾淨舒適 ~~

安置好啲行李之後我們就行返去博多站搭地下鐵前往天神區 ~~

天神購物區內百貨公司與各式時尚商場林立,三越、大丸、Barneys New York,仲有天神地下街,選擇之多令人眼花撩亂。 在這十幾年,區內商店更是汰弱留強,期間新增了不少東京進駐的新商店,令它作為購物區的魅力有增無減 ~~

天神地下街全長約600公尺,從1至12號有150多間流行服飾店、美食店及書店等,是一眾遊客到九州必到之處 ~~

相較日本其他的地下街,天神地下街應該算是較新的,所以規劃相當不錯,因為連接了2條地鐵系統,所以地下街設計得很寬,而且好溫馨古典,不管是路過或購物也很舒適,加上連接了沿路的百貨公司,所以如果遇著冰天雪地嘅時候可以躲進地下街享受暖氣又真係幾唔錯㗎 ~~

天花板設計成藤蔓纏繞的圖形,好靚好特別呀!! onion-head16

大家逛吓買吓好快就到咗晚上8點鐘喇,天神區大多數白貨公司同店舖都係8點關門,所以我們就行去附近嘅中州屋台食晚餐。  其實屋台係指日本嘅路邊攤,不過唔係祭典或賞櫻時出現嘅嗰一種路邊攤。 中州屋台算係九州嘅特色,每個屋台都設有座位,而販賣嘅食品就以關東煮、燒烤以及拉麵等為主 ~~

我們各試咗一碗拉麵同少許串燒,賣單 ¥4400 ~~

不過講真呢碗拉麵我確實係有啲失望,所以決定明早臨返香港之前一定點都要去食多碗一蘭拉麵補返數,哈哈 !!

今日又係非常充實嘅一天,今晚早啲好好休息,準備迎接明天北九州之行嘅最後一天行程 ~~ onion-head24

 

Day 6 (17/3/15) —

我們早上9點鐘退房,將所有行李寄存喺酒店,然後就搭地下鐵前往中洲川端站 ~~

從中洲川端站的2號出口 (Exit for Nakasu) 行出去就會望到「一蘭拉麵」喇 ~~

濃郁的豚骨湯底和麵係絕配, 啲配料、麵的硬度和湯的濃度係可以自己選擇,咁様就可以做出一碗最啱自己口味嘅拉麵喇 ~~

入店之前,首先要在自動售賣機買票,然後才安排入座。 座位是用木板一個一個隔開嘅,非常有趣。如果還想吃的話,還可以在殘留的湯裡“替玉”,即係加麵嘅意思 ~~

食飽之後就開始出發去下一個亦係最後一個景點「博多運河城 」~~ yxh60

由一蘭拉麵出來過咗條馬路一直沿住博多川河往博多運河城嘅方向行去 ,大約15分鐘的腳程 ~~

其實博多川旁邊種咗一排櫻花樹,可惜我們今次唔係專程為咗賞櫻而來,3月中距離賞櫻期應該仲有個7至10日左右 ~~

我見到每棵櫻花樹都已經有好多花蕾喇,相信再過多1個星期左右應該就會係開花期喇 ~~ onion-head29

而櫻花樹下沿住河邊又種滿咗紫紅色嘅鬱金香花 ~~ onion-head16

再往前行就去到清流公園喇 ~~

春天啲花真係開得好靚好鮮艷呀 !! onion-head23

清流公園對面就係今日嘅主要購物景點「博多運河城」喇 ~~

博多運河城係一個大型嘅購物及娛樂中心,規模之大,稱之為「城中城」亦不為過。 佔地約 3 萬 5 千平方米,城內有約250家店鋪,咖啡廳,餐館,劇院,遊戲中心,電影院,兩間酒店及一條小運河。 喜歡購物嘅朋友,將一定能夠喺運河城中搵到感興趣嘅嘢, 而裡面嘅「拉麵競技場」仲有 8 家全日本最人氣的拉麵店添 !!

去機場之前我們爭取時間 last minute shopping ~~ yxh55

行到攰嗰時我們搵到間好可愛嘅姆明餐廳 (moomin  Bakery & Cafe) ,又入去嘆返杯咖啡先 !!

而姆明餐廳啲食物均以姆明故事中的登場人物為主題,亦有多個故事人物陪你坐、陪你飲、陪你食,實在太可愛了!! yxh06

餐廳仲有賣紀念品的一角 ~~

我們叫咗3杯姆明一族可愛圖案的Latte ,靚到有啲唔捨得飲呀 ~~ yxh75

下午1點鐘我們就離開博多運河城,慢慢行返去酒店取行李準備要出發去機場喇 ~~

今日嘅天氣明顯好過昨天喺大分嗰時好多,天朗氣清,個天好藍呀!! onion-head105

只係一條直路大約15分鐘的腳程就返到酒店了。 攞齊晒啲行李之後我們就行返過去對面的博多汽車總站搭巴士去機場 ~~

一入到去博多汽車總站地面嗰層就會見到自動售票機可以自行買巴士票 ~~

博多站去機場係每人¥260,車程約18分鐘 ~~

博多汽車總站嘅8樓係一個美食廣場 (Hakata Ajino Town),如果買咗巴士票而又有多餘時間嘅話都可以喺呢道開餐然後再去機場㗎,餐廳選擇都算多而且價錢公道 ~~

呢間回轉壽司放題個價錢都好抵食呀!!

不過我們無乜時間所以就直接上巴士去機場喇 ,臨上機前的指定動作就係逛吓免稅店 ~~ onion-head29

我們乘坐港龍航空KA381航班飛返香港 ,班機原定下午4點15分起飛嘅,但因為機件故障所以延遲咗2小時先起飛,所以返到香港時已經係晚上9點25分喇 ~~

話咁快今次嘅6日北九州自駕遊好快就咁輕輕鬆鬆、開開心心咁結束咗喇,我又繼續期待明年一月嘅南九州自駕遊,希望到時又係咁順利咁好玩啦!! onion-head23 九州我們明年再見喇!! onion-head19

 

北九洲自駕遊【PART 1 – 長崎篇 】

 

以下係今次的景點電話號碼以供輸入GPS之用 :

 

長崎思案橋里士滿酒店 (Richmond Hotel Nagasaki Shianbashi)

Tel : 095-832-2525

 

豪斯登堡

Tel : 095-627-0290

 

哥拉巴公園

Tel : 095-822-8223

 

長崎大型購物站Amu Plaza

Tel : 095-808-2500

 

稻佐山的夜景

Tel : 095-861-3640

 

湯布院溫泉小鎮

Tel : 0977-84-5757

 

金鱗湖

Tel :  097-728-8500

 

海中道海濱公園

Tel: 092-603-1111

 

博多日產汽車租車店

Tel : 092-471-1634

 

博多運河城

Tel : 092-282-2525

 

JR Kyushu Hotel Blossom Hakata Central

Tel : 092-477-8739

 

天神購物區(地下街、三越、大丸)天神站

Tel:  092-711-1903

 

今次北九州自駕遊的全程路費 (Toll Fees) : ¥17110

全程油錢 :  5040