北疆金秋原始生態體驗【Part 2 禾木的晨霧與藍天】

 

DAY 2 (20Sep2012) —

今天早上10時由彩虹房子賓館出發前往位於阿爾泰山的「禾木村」喇 ~~  onion-head105

我咁鍾意花花, 一早喺門口見到咁靚的花花當然要影返張相啦, 嘻嘻 !!!

我地先去布爾津市的一間俄羅斯小餐廳食個地道早餐 ~



哈薩克不爾沙可(下圖的炸物),
玉米粥、 自製葡萄果醬、 羊肉包子、 酸青瓜等等……

從布爾津出發, 沿途又會再經過五彩灘, 見到路邊有哈密瓜賣,咁我地就落車去食同埋買了幾個去禾木食 ~~

原來哈密瓜係有幾十種唔同的品種, 果皮表面有網紋,果肉有綠色、白色、橙色等多品種, 咁遠黎到當然要盡情試, 盡情食啦!!! onion-head68

然後繼續我地嘅行程往目的地「禾木」出發, 沿途的風景 ~~

經過一片鹽田, 我地又落車影吓相 ~~ 



不過同行友人越行越近個鹽田,
對佢鞋竟然搞成咁呀!!!! onion-head67

經過3小時左右的車程之後我地終於正式進入新疆三大山脈之一的[阿爾泰山]喇,不過天突然落起雨來…..

沿途一路都係山區, 完全無見過任何餐廳,所以我地的午餐唯有係靠今早買的哈薩克不爾沙可同哈密瓜充飢囉 ~~

我真係覺得新疆人個樣似土耳其人多過中國人 ~~

到喇到喇…..今個旅程的主角”禾木”終於出場喇 !!! onion-head29


不過除咗禾木村民的私家車可以駛入村之外, 訪客和遊客都要買景區門票然後坐景區專巴入村內, 車程約1小時 ~~

禾木村是圖瓦人的集中生活居住地,是僅存的3個圖瓦人村落(禾木村、喀納斯村和白哈巴村)中最遠和最大的村莊,總面積3040平方公里 這裡的房子全是原木搭成的,充满了原始的味道 (真係夠晒原始咯, part 3喀納斯村我地用嘅廁所簡直係原始的經典之作呀) ~~~

由落車的地方行路入村去到到達禾木村青年旅舍大約10分鐘的路程 ~~

下午5時35分終於到達禾木村青年旅舍喇 ~~



呢間就係我地住
2晚嘅木屋房間喇, 裡面有2間房, 一共4張床, 2個獨立洗手間~~

呢部電視機真搞笑呀, 因為係無電源同電綫架, 難道它只是一個飾物, 令到間木屋房望落高級啲??? onion-head73

呢度就係用餐區喇, 我地的午餐同晚餐大多喺呢處食架 ~~

這間青年旅舍其實位置好方便, 要行上山睇禾木村全景的遊人都大多數必經這個地方, 而且亦算係條件比較好的一間木屋, 房間有暖氣, 晚上9點至11點呢段時間有熱水沖涼, 其它木屋未必有熱水和獨立洗手間, 不過旺季價錢係480人仔一間雙人房囉 ~~

好肚餓呀, 第一站當然係去食晚餐先啦 ~~

奶茶、羊肉串燒、 雲耳炒羊肝、 青菜加湯麵 ~~

食飽晚飯之後已經開始天黑了, 文師傅就帶我地周圍行吓, 欣賞一下禾木入夜的景色,不過要用電筒先睇到清楚啲石級路呀 ~~

之後返到房又未夠鐘瞓覺, 我地就喺房間用投射錄影機睇返呢兩日文師傅幫大家拍的短片黎娛樂一下自己囉 ~~  onion-head73

 

DAY 3 (21Sep2012) —
今早原本打算8時行上山睇禾木的全景加炊煙, 但係因為昨晚山上落了場雪, 天氣變得非常大霧而且又凍, 氣溫零下1 – 2度,大霧到本來企在房門口可望到的雪山景都完全睇唔見了 ~~

不過依然見到大量的攝影發燒友一早45點已經往山上去影晨霧同埋等睇日出喎, 咁咪要捱凍幾小時而且又未必睇到任何景色, 因為真係太大霧喇, 除非大家今早的攝影或相片題材係什麼都看不到啦………….. 

上山途中我地先去買啲葱油餅做早餐 ~~

不過後來又見到我地好鍾意食嘅就即刻走過去買了幾個, 發覺呢個整囔嘅師傅阿里巴巴好有趣, 佢非常投入自己份工作, 越多人排隊買佢就整得越興奮, 而且仲整得好好味添 ~~



其實味道似有芝麻的PIZZA餅底,禾木村賣10蚊一個, 但烏魯木齊只賣2蚊一個咋 ~~

呢條就係上山的路喇 ~~

我地一路行一路影吓相, 唔洗急因為太陽未出而且霧都未散去, 上去都唔會睇到任何景架 ~~

相信呢班就係一早走上黎捱凍的發燒友喇 ~~

接近10時都只係睇到咁嘅景色, 心想佢地5點上黎到底影到啲乜嘢呢??? onion-head33

10點左右個天開始有陽光, 而且啲晨霧亦都逐漸慢慢散去了 ~~~

下圖一點點嗰啲其實係人影黎架…!

我地慢慢往河的另外一邊向木屋的方向行去, 越行個天色就越藍, 氣溫都開始和暖起來了~~

我地在逐漸進入阿爾泰山的腹地的時候,難以想像在深山之中還有這麽一個美麗的小村莊, 這裡民風淳樸、好似與世隔絕一樣 ~~~

條村啲小朋友都好純真可愛, 亦都唔怕羞好喜歡影相架……..!

一直玩到下午2時先返去木屋食午飯 ~~

食飽之後又繼續行去另外一個方向的白樺木樹林” ~~

然後又再行返上山去睇多一次唔同樣光線的禾木全景~~


沒有晨霧的景色又同早上好不一樣呀 ~~

黃昏行返落山時又落毛毛雨了…….!



晚上8時晚飯時間又到喇
!!!

 

食完晚飯要立刻返房沖涼喇, 因為只係晚上9點至11點有熱水沖涼咋 ~~  onion-head102

 

北疆金秋原始生態體驗【Part 3 喀納斯的三個灣】

 

 

10 thoughts on “北疆金秋原始生態體驗【Part 2 禾木的晨霧與藍天】

  1. 其實呢我想問Alex,甚麽是DLSR. 傻瓜機仔係影唔到这效果的相片,留意那些淺景深,便是出於單鏡反光機。

  2. 唔好意思,手快快打錯字了,正確應為 "DSLR"。
    Digital Single Lens Reflex 數碼單鏡反光相機。
    Carine 手持的就是啦,有相為證啊!哈哈!
    [版主回覆10/10/2012 13:10:26]哈哈….! 咁都俾你地留意到我轉咗相機添, 其實係我出發去新疆前的3日發現我部G11嗰CMOS壞咗, 但又唔夠時間拎返去Canon度修理, 所以咪急急腳走咗去買我人生第一部DSLR囉, 不過又幾好用喎 ~~
    係呢, 請問你睇唔睇到PART 1 五彩城篇呢? 點解好似只係我自己睇到, 而其他人睇唔到嘅???

Leave a Reply

Your email address will not be published. Required fields are marked *