2015年5月我們也去了台灣5天,主要是玩宜蘭地區的景點,
不過今次比較特別嘅係我好榮幸邀請到我其中3位團友幫我手寫呢一篇遊記,
咖喱妹 -黑色
發哥 – 紅色
阿元 – 藍色
細孖 – 綠色
以下係今次嘅行程路線圖 ~~
台灣——香港人嘅旅遊熱點之一,不用多介紹。
早上11時30分約好晒所有團友喺508閘口集合一齊上機。我們今天乘搭嘅係國泰港龍的KA490班機, 航機起飛時間係中午12點50分, 下午1時55分降落臺中清泉崗機場 ~~
今次一樣係包德哥嘅8人車,只係團友人數比去年多了4人,所以今次我們包了2部8人車,另一位德哥安排嘅司機名叫小蟲。 除咗我和蝦子餅”緣人”呢2個主辦單位之外,團友就一樣有去年宜蘭團的發哥、細孖、牛哥、牛嫂和珊姐,但今次加了3個新團友,分別係阿元、May以及Vano, 一共12人 ~~
過關取完行李之後喺入境大堂買咗台灣上網數據sim card,然後德哥帶我們去停車場上車,2點50分正式出發 ~~
今日第一個景點係台中嘅高美濕地,當時正下著細雨。台灣地區多雨,尤其係夏季的南部為雨季,希望接著的4日行程唔好受到壞天氣嘅影響啦………太陽伯伯你記得來台灣搵我呀!!
見到天氣麻麻地所以我將行程調一下,先去位於高美濕地的「覓.咖啡館」食個下午茶先 ~~
如果晴天的話係可以悠閒地坐在窗邊慢慢地欣賞遠方的海景,亦可細賞高美濕地的日落美景,可惜今日下午天氣 ………
呢餐下午茶小食+飲品都算唔錯,餐廳環境也舒適 ~~
嘆完個下午茶之後等雨停了我們就開車去高美濕地的入口 ~~
「高美濕地」面積約三百多公頃,是從日治時期即已開闢的高美海水浴場前身。由於台中港的開闢,導致多年來海水浴場泥沙日漸淤積,遊客稀少、終告關閉,沉寂了二十幾年的高美海水浴場幻化成現在的高美濕地,並以豐富的生態資源及種類繁多的候鳥在此棲息,再度吸引遊人們的重視 ~~
這裡是台中假日的熱門景點, 濕地水深不深,在規劃的木棧道區域內還可以進入戲水 ~~
灘上更有許多的潮間帶動物,如招潮蟹、彈塗魚、河豚等等, 最重要的是,這裡有著特殊的日落美景,每當天氣晴朗更是美不勝收, 於是這裡也是許多攝影愛好者喜愛拍攝日落的景點 ~~
好可愛的蟹仔 ~~
下午5時上車離開高美濕地時啲團友喺停車位置嘅攤檔買咗件臭豆腐來試吓,佢哋大讚好味!!
我從車窗外拍到高美濕地的雨後夕陽,隨著風力發電機的運轉,有如巨大風車屹立於濕地上,構成一幅夕陽風車風情畫 ~~
接著的行程我們去了台中草悟道 ~~
黃昏時候到草悟道大家有1小時嘅自由活動時間,有啲團友即時入咗去商場行吓,有啲團友又入咗「勤美誠品」書店搵養生書及旅遊書 ~~
而我因為要寫遊記所以點都要去「草悟道手創街頭藝人區」打個白鴿轉,順便影返幾張相都算對篇遊記有個交代啦!!
「草悟道」長廊式的廣場設計,每到假日總是熱鬧無比,街頭藝人表演、手創市集,近鄰的市民廣場也時常舉辦許多大型活動 ~~
長廊式的廣場設計,一邊係行人道,另一邊就係單車徑,很貼心的規劃 ~~
附近也有幾間有名的知名餐廳,門口大排長龍等位 ~~
「勤美術館」佔地2,500坪,與草悟道沿線為範圍,四周聚集了許多特色小店,不僅逐漸形成藝術家聚落,更創造了動靜態共存的美學形式。勤美術館也是臺灣第一座有機的無牆美術館 ~~
快速逛完一轉草悟道之後我就入咗去勤美誠品搵返我嘅蝦子餅同啲團友喇 ~~
喺呢間誠品書店我成功買到2本比較冷門嘅冰島以及克羅地亞嘅旅遊書 ~~
預早叫德哥幫我打電話去「霖記甕缸雞」訂咗張枱7點半食晚飯 ~~
呢張大型四方枱剛好坐晒我哋12人 ~~
Vano唔為意佢身後有舊凸出的磚柱,唔小心撼埋去撞親個頭,當時我在餐廳外面影相中,返來見到佢中完頭獎仲係好痛,好可憐呀!!
主角”甕缸雞”登場囉!!雞不會太細隻,我們12個人食2隻都好夠,不過我覺得始終都係的五結番割田甕缸雞好食得多,呢間啲雞味道醃得比較淡,唔夠入味 ~~
仲有其它小菜包括蠔油三鮮、蒜蓉大蝦、清蒸活魚、藥膳元蹄、脆皮斑鳩、三杯帆立貝、酸菜白肉鍋、雞油麵線、鮮炒時蔬 ~~
餐廳附近有間水果店,食飽之後德哥帶我哋去買飯後水果 ~~
CatCat、Carrie和牛嫂揀鳳梨(菠蘿)揀得好開心 ~~
今晚嘅最後一個行程就係台中必逛夜市之一的「逢甲夜市」喇,逢甲夜市距離今晚入住嘅酒店只係5分鐘的腳程,非常之方便 ~~
逢甲夜市與其它台中市夜市最大不同之處,在於其不單是以飲食著稱,也包含了各式各樣的商店,營業時間亦較長。而販賣商品種類玲瑯滿目,個性主題商店林立,低價商品、最hit的韓日流行小物,所以逢甲夜市已成為台中民眾心目中票選「台中市十大觀光景點」之一。
咖喱妹突然間有發現喎!! 就係呢個來自韓國的創意小食「白雲餅乾」喇 …….!! 小食店竟然真係歐巴開嘅喎……… 小鮮肉歐巴將台式馬卡龍餅乾放入杯中後,立即用-196度的液態氮降溫 ~~
拿在手上個杯就開始一直冒著凍白煙 ~~
等我示範第一招「口中噴白煙 」先 ,嘻嘻……….!! 餅乾一放入嘴,輕輕咬成兩半,煙自然會從口中噴出 ~~
接著由緣人示範第二招「鼻孔噴白煙」,一樣係將餅乾放入嘴,此時閉口用鼻呼吸和吐氣,白煙自然從鼻孔噴出,超搞笑!!
不過食嘅時候還是要小心,液態氮溫度相當低,如果有小朋友的話,由大人給予餅乾會比較安全,而且杯中的水千萬不要碰到也不能喝,不然可能會凍傷 ~~
玩夠就係時候返酒店休息啦,明天仲有更多精彩行程㗎 ~~
台中逢甲商旅,雙床房HK$840 一晚 (連早餐)
張床真係好舒服呀!! 各位晚安!!
DAY 2 (2May2016) —
今早9點大家都喺酒店餐廳嘆返個自助早餐,真心讚台中逢甲商旅的早餐好掂,食物款式多,有美式、意式和台式任由選擇,而且食物質素高,連咖啡都好好飲 ~~
約好咗2位包車司機早上10點到酒店接我哋,今早第一個景點係彰化「鹿港老街」~~
好彩今早天氣算唔錯 ~~
鹿港是荷蘭及清朝時期中台灣最重要對外經商港口,過往曾因商業的發展而繁榮。由於發展歷史甚早,市區內留有不少古蹟,所以鹿港為台灣重要的歷史古鎮之一 ~~
鹿港最迷人的便是那些有老房子的古街巷,其中以門面窄,
最能代表早期台灣建築的紅磚牆 ~~
木窗框、木門、洗石子牆面…….一一散發著歷史的老味道…….
來到鹿港,老街的小巷弄內到處可以見到很多被歷史留下痕跡的懷舊店舖 ~~
因為鹿港靠海,路上常有人在販賣烏魚子 ~~
團友們喺呢一檔買咗好多現磨杏仁粉返香港 ~~
鹿港是個充滿懷舊古味以及民間信仰濃厚的重地,在巷弄轉角間,就會遇到不同的大小廟宇,其中的兩間天后宮就係當地最有代表性嘅廟宇 ~~
乾隆52年(1787)大學士福康安以官帑於鹿港海墘另興建媽祖廟,以及乾隆皇所敕建的天后宮(下圖),為清朝官方所祭祀的廟宇。在鹿港為分辦這二座媽祖廟字,鹿港聖母宮稱為「舊祖宮」,後建之宮方媽祖廟則稱為「新祖宮」~~
從天后宮走出來的一段路上看到好多小攤販,還有些賣麵茶及蚵仔煎的小食店 ~~
Vano偷偷地咁買咗一串花枝丸請我食,久違了的味道,多謝呀!!
路經「不可思議搜奇博物館」,裡面有來自全世界各地方的搜奇品,有知識性有教育性還有娛樂性,是台灣最另類的搜奇博物館,不過約咗司機中午12點接我們去食午餐,所以無入去參觀 ~~
今日午餐德哥帶我們去食鹿港小吃,首先試嘅係「王罔麵線糊」,這碗傳統手工麵線糊,用的是豆釀醬油,再搭配上選豬肉、太白粉、甘薯粉、雞蛋、蝦米、蔥酥,是老少咸宜的鹿港風味小吃 ~~
王罔麵線糊的旁邊就係民國53年就創立的鹿港肉焿泉 ~~
不過呢間啲小吃唔太適合我們的口味 ~~
食飽飽就喺街尾買咗2箱啤酒準備帶上阿里山的民宿俾大家飲 ~~
然後起程出發去今晚入住嘅阿里山「當歸民宿」喇………咦!!一上車無幾耐就開始落雨添,希望快啲停雨啦!!
由鹿港出發去當歸民宿係110公里路程,我們的車去到阿里山的半腰有一個叫做「逐鹿社區」的地方,我們停車參觀一下順便去洗手間 ~~
這裡的居民大都是921大地震的災民,所幸在嘉義縣政府與紅十字會合作之下協助八部落的受災居民下山安居,在此地興建原住民永久屋,提供一處可供鄒族人容身的所在,取名為逐鹿社區。為使遷居族人落腳逐鹿社區後,能就業與傳承文化,嘉義縣政府在此設置「阿里山文化觀光藝術館」,期使遠離部落的原住民能在此延續發展,讓阿里山鄒族逐鹿部落除成為兼具鄒族舞樂、文化展示及市集展售等綜合遊憩場外,亦成為阿里山八部落的統一旅遊窗口,現已有一個由獵人和農夫所組成的市集「逐鹿部落」~~
阿里山鄒族原木烤肉是以相思木搭配龍眼木燻烤原味,所烤的是以中豬體型的放山豬為主,有別於其它烤法 ~~
每次去旅行都送小禮物俾團友們、又經常請飲請食嘅發哥又再次請大家食嘢喇…….啲山豬肉烤至金黃,絕對食得到道地嘅原烤山豬嘅口感和美味,多謝發哥 !!
欣賞咗一陣阿里山鄒族舞蹈表演之後我們就離開逐鹿部落繼續開車前往當歸民宿去 ~~
差不多到達當歸民宿之前的最後一段山路比較窄,單線雙行所以比較危險 ~~
下午4點終於到達當歸民宿了 ~~
德哥和小蟲2位司機的合照,這幾天的行程真的辛苦你們了,謝謝你們!!
仲有喺民宿前細孖幫大家影嘅幾張照片,謝謝細孖 !!
牛嫂和Carrie住呢間雙床房 (上圖),CatCat和珊姐就住呢間雙床房 (下圖),其實當歸民宿的每間房都唔同風格,每間房同佢個浴室都完全唔一樣 ~~
May和Vano就住呢間雙床房 (下圖) ~~
因為民宿唔夠6間雙床房,所以我訂咗一間家庭4床房俾4位男團友 (下圖) ~~
而我和蝦子餅就住呢間雙人房 (下圖) ~~
民宿的大廳 ~~
除咗有古色古香嘅傢俬之外……..
民宿隨處都會見到一啲可愛嘅小擺設 ~~
民宿職員話天氣預測明早天氣麻麻地,過去幾天住客都睇唔到日出,所以建議我們放棄明天凌晨早起睇日出而改為今天睇日落。我約好晒所有團友傍晚5點15分喺大廳集合出發去茶園睇日落,大家返上房間安頓好啲行李之後就好悠閒咁坐晒喺民宿大廳吹水等出發 ~~
以下呢一張照片由May提供,話說當日牛嫂部手提電話死咗機,完全開啟唔到,㩒極都冇反應,好多個團友都嘗試幫佢整部電話,但最終都搞唔掂,以為部電話已經冇得救,點知最後又俾隻猿人整得返,部電話重新啟動之後又可以正常操作,所以佢咪覺得好叻叻兼好得戚咁教訓牛嫂囉!
牛嫂頭耷耷咁但個心可能諗緊:「俾你威番次啦,不過有仇報嘅,今晚你就知死!」
民宿後面有條小路可以通往茶園,往小路走上去就是看日落的好地方 ~~
一大班嘩鬼殺到上去,原本很寧靜的一片茶園即時變得熱鬧起來 ~~
鹹蛋黃靚到……..CatCat和Vano好想親手將佢摘落來 ~~
摘唔到喎…….唯有叫發哥施”發術”幫幫手啦 !!
發哥施完”發術”之後鹹蛋黃就變成一粒仙丹喇…….然後叫佢嘅兄弟細孖將粒仙丹………
再餵入4位靚女團友的口中 !! 到底發哥煉製嘅仙丹有咩效用呢? 點解4個靚女要爭住食? 咁要問返相中4美先知啦,哈哈…!!
日落之後正是當歸民宿的晚飯時間 ~~
今晚係民宿為大家準備嘅火鍋晚餐,一開始因為大家好肚餓所以好專心係咁食、係咁飲….飲……飲…..!!!
我擔心班大飲大食嘩鬼唔夠飽,除咗預早帶備啲酒精飲品之外,亦預先吩咐民宿代為買2隻新鮮走地雞 “加料” ~~
其間民宿職員突然叫我們出去睇螢火蟲,
之後就返入去飯廳繼續食繼續飲,佢哋就
呢一餐火鍋大家食得有幾開心,唔使我講,
當晚有幾咁爆笑、有幾咁開心,全晚全枱笑聲吵到拆天,相信只有今次的12位團友們先會有最深切嘅體會和回憶,
校長要開始出招喇!首先由壞學生緣人接幾招先,
緣人:「珊姐,我知錯喇!救吓我啦!」
牛哥見緣人俾人打,佢就笑得鬼咁開心,今次仲唔乜仇都報晒咩,
最冇陰功係發哥,幾十歲人仲要做人哋條𡃁,
最冇人性係細孖,只係識掛住影相,
「柱男」佢估唔到講完大話之後要受咁大嘅懲罰,俾人狂揼完個頭,
再接最勁嘅一招「按摩亂髮洗頭功」,死未? 哈哈哈!
就係呢13支唔同種類嘅「斷片飲料」溝埋一齊,
P/S:以上Day 2 晚上幾張圖片的旁述內容純屬虛構,只係惡搞開開玩笑得啖笑,
DAY 3 (3May2016) —
今天一早我們的行程是到阿里山上去玩,遇著今早有好天氣,感恩呀!! 謝謝太陽伯伯來看我!! 我嘅遊記寫到Day 3呢一段,有元兄加入為大家繼續寫、繼續講故仔俾大家聽 (藍色字) ~~
經過昨晚豐富既火鍋,今朝民宿早餐就平淡得多,但服務員驚死我地食唔飽,每人預兩件三文治加兩件飽,好(漏)呀!
早餐過後,大家各自返房間搬行李,離開我地癲左一晚既民宿,乘車往阿里山景區出發 ~~
阿里山自然景觀極為豐富,日出、雲海、晚霞、神木與鐵道,並列為「阿里山五奇」。而阿里山森林鐵路興建時主要用途係輸送林場產出之林材,當砍伐業務結束後,客運及觀光成為該鐵路的主要功能 ~~
到達景區後,進入詢問處了解,職員建議我地第一次到阿里山應該行由沼平站為起點的「遊覽步道」,因為所有主要景點都在呢一條路線上,如果行另一條由祝山站為起點的「觀日步道」或「塔山步道」的話,會有超級多上山梯級及無咩靚景觀睇,只適合睇日出和愛行山的人士 ~~
因此我地最後選擇了坐小火車到沼平站,然後行「遊覽步道」 ~~
小火車票每人100元台幣 ~~
沼平線10點30分開車 ~~
德哥幫我們拍的2張車箱大合照 ~~
10點30分正小火車準時開車了 ~~
沿途阿里山的景色 ~~
由阿里山車站至沼平站就短短的五分鐘就到站 ~~
當中有一個小插曲,當大家一落火車時,爭先去火車頭影相,眼見喱姐霸頭位第一個衝出去,但當我地到達車頭位置時,奇怪不見喱姐呢,理得佢我地照影相,一兩分鐘後終於見佢跑過來,原來佢無為意呢程係倒頭車行駛,跑到另一邊先發覺走錯方向,又要急急腳跑來會合我地 ~~
不怕神一樣的對手,只怕豬一樣嘅隊友,我呢個就係典型嘅例子喇...哈哈!!
當我地影完火車頭之後,就開始沿步道欣賞阿里山森林遊樂區,當中有姊妹泙潭、三兄弟、四姊妹等饒富趣味、傳說及生命力體現的見証,也有一些奇形古怪栩栩如生既樹木,多以檜木為主,例如金豬報喜、永結同心等…….
姊妹潭 ~~
至於阿里山姊妹潭的由來便充滿神話色彩,傳說一對鄒族姊妹因同時愛上了一名男子,兩姊妹不願割捨情愛卻又不願傷害手足情深,於是分別投於兩潭殉情,兩潭相距僅數十公尺,阿里山鄒族族人為紀念兩姊妹,因此稱為姊妹潭 ~~
位於姊妹潭旁的神木群,其中「三兄弟」與「四姊妹」都是二代木的代表。三兄弟是三株檜木並列生長 於砍伐後的樹頭之上有如兄弟般的挺拔,而有三兄弟之稱。 而四姊妹則是砍伐後遺留的檜木頭,恰巧有天然的檜木種子飄落其上,經過數十年的時間長成四株紅檜大樹有如姊妹般的親密 ~~
我地逆方向途經姊妹潭,木蘭園,話咁快就到咗受鎮官 ~~
稍作休息嚐下當地美食再出發 ~~
CatCat買嘅當地出產小蕃薯真係又香又甜呀!!
其實去到受鎮官這個位置係好近小火車的其中一個站「神木車站」的,可以直接搭小火車返去我們今早的起點「阿里山火車站」,不過我們覺得今日呢條遊覽步道太短而且時間尚早,所以決定唔搭回程小火車,選擇慢慢行返去阿里山火車站 ~~
站在呢個位置可以見到小火車駛過 ~~
路經「高山植物解說園」呢段路我們見到正在盛開的「普賢象櫻」櫻花樹,很美呀 !!
還有「海芋」,一樣開得很美 !!
接近阿里山火車站的幾棵櫻花樹品種和普賢象櫻不一樣,比較淡的粉紅色 ~~
繼續步行返回阿里山火車站,全程步道約一個半小時,約12:00就返回起點,之後就在車站附近既山賓餐廳食午飯 ~~
食過午飯後開始下山前往高雄,一場去到阿里山,當然要買些當地茶葉做手信啦,於是係路邊一間舖頭買些茶葉手信 ~~
今次台灣之旅出發之前,已預知會有落雨,天氣麻麻,點解我會知,並不是天文台預告,係因為有我呢個下雨寶寶都去麻,出晒名去親旅行都落雨,而喱姐亦有晴天公仔呢個美譽,究竟誰人功力深厚呢? 好彩,皇天不負有心人,我呢個下雨寶寶非浪得虛名,沿路在車上都下著大雨,但巧合地一落車就停雨了,與喱姐呢個晴天公仔總算打成平手,不分高下 ~~
下午四點幾,到達東山服務站休息下,大家入去整杯雪糕嘆下先 ~~
休息過後再起程 ~~
未到六點就到我地將會連續住兩晚位於七賢二路既 WO Hotel (窩) ~~
WO Hotel 酒店大堂 ~~
豪華雙床房HK$615(連早餐) , 點解會選呢間? 因為佢就近愛河,方便我地係Day5 check out 後留下行李在酒店,踩單車遊愛河,另外酒店仲送每人兩杯Long Bar免費飲品 ~~
我地喺酒店放下行李,然後喺附近既河邊海鮮餐廳食飯,本來叫一個十人5000元套餐,預算留肚去夜市再食過,但服務員無通知情況下私自改價錢,變成12人每位500元,即是6000元,本來都算數,因見好似加大左份量,但師傅德哥知道後,幫我地據理力爭,最後只收回原價,在此要送個叻給師傅,另外呢晚大家都好乖,竟然….無人再飲酒喎 !!
晚飯後,師傅載我地去高雄既觀光夜市,新崛江商圈及原宿玉竹商圈。 新崛江位於中山路與五福路口附近,以年輕消費層為定位的購物商場,商場內以販售各式流行時尚精品為主,沿街兩側也有眾多潮牌服飾、飲品小吃等攤位。落車後大家分開幾批人各自參觀,有人去shopping,有人去吃貨。
而我呢…. 幾經辛苦最後擺脫咗發哥和細孖後,當然獨自去偷歡、搵我既艷遇啦 !!
與新堀江商圈僅一街之隔的原宿玉竹商圈是高雄年輕人新興的購物熱點之一,兩者合起來有高雄西門町之稱。 玉竹街的商店及攤販賣的都以新潮和貼近青少年口味為主,主打美日韓流行精品服飾和潮牌配件。商圈內多家日式精品店和潮店林立,加上中央的原宿廣場,讓人仿如置身在日本原宿流行街頭,是Shopping 和品嘗各式路邊小食的好地方 ~~
跟住入咗去Coffee Shop飲杯野,坐低無耐,艷遇就等唔到啦,反而撞到喱姐幾人又入黎坐,原來要辦理online check-in機位,飲完野又被珊姐同CatCat夾上的士返酒店先,無晒希望啦!!
城市光廊以表演廣場、人行藝文走道、輕量薄膜建築及裝置藝術,打造全新的人文藝術空間。全新風貌的城市光廊設置了十六件新的主題裝置作品,其中有高度3.6公尺的不鏽鋼長頸鹿,在綠樹掩映中增加了公園的趣味,另外有鋼鐵雷射切割的城市風景、牆面創作、地面3D創作等等,在中央公園的林蔭美景搭配下不但展現了藝術創意及活力,夜晚在燈光雕琢下更顯風情萬種 ~~
DAY 4 (4May2016) —
今日嘅行程我們主要係去台南地區參觀古蹟,包括有赤崁樓和安平古堡,以及台南北門的井仔腳瓦盤鹽田 ~~
享用過酒店自助早餐之後9點30分就開車出發了 ~~
最鍾意搞事同搞搞震嘅緣人又喺車上偷影May,有圖有真相呀,哈哈....!
一小時的車程我們來到了台南市中心 ~~
德哥同小蟲送我們到第一個要參觀嘅台南古蹟「赤崁樓」入口,然後佢喺停車場等我們 ~~
赤崁樓門票係每人NT$50 ~~
赤崁樓乃荷蘭人於西元1652年創建,原稱普羅民遮城(Provintia荷文為永恆之意),漢人則稱之為「赤崁樓」、「番仔樓」或「紅毛樓」;雖然「赤崁樓」已歷經明、清、日治時期,至今仍大約維持原貌 ~~
赤崁樓前有九座清代石龜馱碑,是從他處遷移至此,傳說石龜為龍生九子之一,因好負重而變成龜狀 ~~
另外「斷足石馬」的雕像有一傳說是因石馬入夜後會化作妖怪騷擾百姓,所以才被斷足,成為現在的模樣 ~~
赤崁樓因民變的破壞及疏於管理而日漸頹圮,而原本荷式建築的主體也加上了中國式的建築,一度上面還祭祀了觀世音菩薩等神明。日治時期,赤崁樓改為陸軍衛戍醫院,也陸續展開修建及整修,光復後,將木製結構改建為鋼筋混凝土結構,並將主要入口改向,而成為今日赤崁樓的模樣 ~~
離開赤崁樓之前謝謝以下咁多位靚女團友肯做我嘅model,嘻嘻…!!
來到台南我推介大家一定要試下「義豐」嘅阿川冬瓜茶,超好飲呀 !!
第二個要參觀嘅台南古蹟係「安平古堡」,門票一樣係每人NT$50 ~~
荷蘭人於西元1624年,在安平建造了臺灣第一座城堡「熱蘭遮城」,也就是現在的安平古堡,這裡曾是荷蘭人統治的中樞,更是對外貿易的總樞紐,原本的建築格局分為方形內城與長方形外城。西元1661年,鄭成功驅離荷蘭人後,將此地改名為安平,故熱蘭遮城也稱為「王城」或「臺灣城」,俗稱安平古堡,是台灣最早的一座城池。 清康熙年間,正式將臺灣納入版圖,政治中心移至府城內,進而逐漸喪失其價值。後來曾破壞城壁紅磚挪為建造億載金城之用,到了日治時期,內城荷式建築全毀,四周以紅磚砌成方形階臺,臺上建造西式平房作為海關宿舍。而成為今日的紀念館風貌,光復後改名為安平古堡 ~~
老榕樹盤根生長,見證300多年各時期留下的痕跡 ~~
參觀完安平古堡之後因為又未夠鐘食午飯,所以我們各自喺古堡街自由活動半小時 ~~
有啲團友去買手信,而蝦子餅就陪我去咗附近嘅觀音廟上香 ~~
台南除咗著名的古蹟之外還有著名的台南小吃,因此我們便決定在離安平古堡最近的「陳家蚵捲」,試下當地的著名台南小吃 ~~
我們試過的台南小吃包括蚵捲、蝦捲、烤鮮蚵、蚵仔煎、擔仔麵等……
填滿我個右邊胃之後但我左邊個甜品胃未夠滿足喎….所以又行去街尾食多碗我好喜歡嘅手工芋丸湯水 ~~
來到台南遊玩,我們就順道去埋北門地區,北門遊客中心這裡有好多好適合拍照的景點 。 我們第一個走訪的就係北門遊客中心的新景點「白色水晶教堂」~~
北門水晶教堂是國內第一個公家機關設計、以婚紗攝影為主題的白色水晶教堂, 這座白色教堂是仿關島海之教會 (St.Laguna Chapel) 而建的水晶教堂 ~~
雲嘉南風景區(雲林、嘉義、台南)管理處北門遊客中心,是由舊倉庫改建成的,將面對水岸的這頭,粉刷成兩種不同風味的異國時空背景,讓遊客來到北門有理由多停留在這一會 ~~
這間「錢來也雜貨店」在偶像劇「王子變青蛙」中露臉而意外走紅的錢來也雜貨店,原先只是間位在台南北門的蚵殼屋。郤因在劇中設定為女主角的家,因此也成為當地熱門觀光景點之一 ~~
拍完了好多異國風情靚靚壁畫之後,再走進北門遊客中心內參觀,因為遊客中心裡收藏了一個50公噸重的抹香鯨標本 ~~
遊客中心內佈設由北而南以地理分區,介紹雲嘉南濱海國家風景區的景點,並整合區內「鹽業歷史」、「溼地生態」、「宗教人文」、「地方產業」與「文學藝術」等觀光資源,規劃主題區介紹與多媒體互動區,還有簡報室可供遊客欣賞觀光資源影片 ~~
開車再走5分鐘的路程就到咗我們今天的主打行程「井仔腳瓦盤鹽田」了 ~~
首先以下係井仔腳瓦盤鹽田的簡介 (網上資料) :
井仔腳瓦盤鹽田是台南北門的第一座鹽田,也是現存最古老的瓦盤鹽田遺址,原為清領時期的瀨東鹽場,原稱為「瀨東場」的井仔腳瓦盤鹽田原來設於鳳山縣大林蒲,後遭洪水淹沒,遷移到台南佳里的外渡頭附近,至清嘉慶23年(西元1818年)再遭水患肆虐,1818年遷此至今未再移位,是北門鹽場的第一口鹽田,也是台灣最古老的現址鹽田,至今有180多年歷史。
史書上記載,鄭氏諮議參軍陳永華,認為當時平埔族製鹽技術不佳,所煎出的鹽品質苦澀,於是改革製鹽方法,在海邊築埕,然後在其上鋪碎瓦片,再引水到鹽池,經由日曬成瓦上的結晶鹽。但是後期因人工成本過高的原因,於2002年結束了長達338年的曬鹽業,使原來遍布於此處的鹽田,漸漸荒廢棄置。 雲嘉南濱海國家風景區管理處為延續其曬鹽產業文化的精神,將鹽場復育,讓「井仔腳」特殊的曬鹽景觀依然保留在北門永華村的海岸邊,而現已成為雲嘉南濱海國家風景區內最具特色的觀光鹽田 ~~
瓦盤裡的海水被夕陽染成閃耀金光,水面倒影如鏡,映出兩個對稱世界,叫人迷醉 ~~
沿著鹽田一直往前走大約15分鐘,不遠處堤防外就是「北門潟湖」了 ~~
除咗珊姐、牛嫂和Vano無跟過去北門潟湖之外,我們一行9人走到過去逗留咗超過1小時,全為了拍海面有一支一支竹架形成獨特圖案的蚵棚日落景,從唔同嘅角度可以拍到唔同嘅蚵棚圖案 ~~
呢個景同我上次去內地福建霞浦個魚排景觀好相似,甚至有過之而無不及,尤其係個日落景,真是太靚了 ~~
鍾意搞搞震嘅緣人又玩嘢喇…..佢叫發哥同細孖幫佢影張褲底啷啷發光照片喎 ,笑死人咩 !!
日落後我們就離開井仔腳瓦盤鹽田開車返去高雄市了,車程係81公里。 德哥送到我們去高雄市的新崛江商圈之後我們的包車行程就結束了,因為我們明天整日嘅行程都只喺高雄市的範圍內,所以無需要包車 ~~
今晚的晚餐我們食「momo壽喜燒」,好好味 !!
晚餐後散步去到附近嘅「六合觀光夜市」 ~~
旅遊書話無到過六合夜市,就不算真正去過高雄。 早在西元1950年,位於現在高雄市新興區大港埔附近的空地上,就開始聚集了許多小吃攤,漸漸的越來越多,久而久之便形成以小吃聞名的「大港埔夜市」,之後逐漸擴大,轉變成為現在的六合夜市。白天這裡是筆直的大馬路,到了晚上便成為人來人往的熱鬧市集,以多樣化小吃聞名的六合夜市,兩排攤位從山產、海產、特產到冷飲、冰品等應有盡有,種類之多令人目不暇給 ~~
臨走前牛嫂、CatCat和Carrie 喺”精品伴手禮的店買咗特產手信,而我只買了一盒鳳梨酥 ~~
我個人覺得高雄嘅六合夜市比起台中嘅逢甲夜市更好逛,因為路寬很多所以感覺無咁擠迫。 今晚我們同樣住喺高雄嘅WO Hotel, 雖然六合夜市距離酒店只係1.4公里路程,不過大家想快啲返到酒店休息所以選擇打的 ~~
DAY 5 (5May2016) —
Day 5係今次台灣行程嘅最後一日,以下呢一日嘅遊記就交俾細孖去寫喇 (綠色字),Day 1頭一段有發哥的前言和元兄的Day 3遊記,再加上細孖Day 5呢一段就可以完美地結束今次整個「阿里山、高雄、台南」5天的遊記喇 !!
2015年對我是重要的一年,
Wo-hotel的自助早餐一般,加上昨晚又大吃大喝,
Wo-hotel(窩飯店)位於愛河南面,雖然唔算超豪飯店,
高雄當地人,
今次單車路線全長24公里,其本上是沿河而踩,我們由wo-
我們一行八人,浩浩蕩蕩出發!「我剛上網check過,
有四位團友,有啲為了掃貨,有啲怕曬怕熱,有啲怕踩唔惦,
利用Google map, 加埋GPS定位,包冇行錯路,現代科技帶給人類極大方便,
白雲伴著薰柳,和風散發花香,正是寶島初夏的典型風光 ~~
跑在木板鋪砌的路面、穿過林蔭樹下的草地 ~~
加上幾座白色的拱形橋橫跨愛河兩岸,這不就是中都濕地公園嗎?
擺放在路邊的藝術品,是高雄人的巧心思,我們差點錯過,
客家文物館 ~~
我們的「戰車」,不太型,勝在實用,車前的藍子,好用之極,
光之塔,原本是一座普通電塔,電䌫地下化後,功成身退,
往高雄巨蛋進發!
相對香港,台南、高雄地大人疏,令人有一種說不出的閒適感,
高雄巨蛋集體育館,購物,美食於一身,2008年落成,
為了不走回頭路,我們安排先踩一段,泊好車,
鼎泰豐場內有各式小擺設 ~~
師傅們做包,好用心啊!
中午,鼎泰豐食小籠包、拉麵、小抄。又是豐富美味的一餐。
不知何故,食完午飯取單車,元兄發覺我部車左搖右擺,一睇,
來到原生植物園,「好,俾個一號笑容!」,先來一張大合照。踏上單車,三位耆英馬上變身猛男!
天路!
「敢瞓馬路嗎?」我話口未完,我們美麗而帶點「麻甩」
蓮池潭佔地很大,潭邊風景又好,可惜大家踩了大半天,又熱又攰,
回程途中經過著名的瑞豐夜市 ~~
今日觀音誕,我們决定今晚食齋!經過阿里山一役,
漢來蔬食,以自然,健康,美味招來,環境也不錯。成枱美食,味道賣相佢俱佳,份量亦足,正!
飽餐後,
我衹跟過喱姐團兩次,都係台灣短程!好玩,抵玩,唔使用腦是應該的,因為佢收咗我地貼士嘅,
本來八人團,無啦啦加埋我,好彩大家唔嫌棄,「無以為報,
Day 1 一上港龍機,就勁嘈,
Day 2 隊酒既場面,色情,暴力兼而有之,勁過王晶啲三級片,正!
Day 3 上阿里山之前12嘩鬼殺上當歸民宿嘅茶園,搞到台灣情侶乜嘢都做唔到,罪過呀!
Day 4 鹽田拍日落,班台灣龍友曬住set好長短火,
Day 5 踩單車,瞓馬路,係啲麻乜妹先做到!
最後,還要多謝”隊酒妹Vano”,中完頭獎,痛到喊都照隊,
參加喱姐團,行程精彩、人腳都是超正,我鐘意!
Day 1 :
高美濕地「覓咖啡館」 – 3201 (每人267)
霖記甕缸雞 – 4580 (每人382)
鹿港「王罔麵線糊」- 300 (每人25)
鹿港「肉焿泉」 – 345(每人29)
2箱啤酒 – 1064(每人89)
火鍋加2隻雞 – 580(每人48)
阿里山門票 + 停車費 – 3800(每人317)
小火車票(去程)- 1200(每人100)
阿里山午餐 – 5000(每人417)
高雄「河邊海鮮餐廳」 – 5500(每人458)
赤嵌樓門票 – 600(每人50)
安平古堡 – 600(每人50)
午餐「台南陳家蚵捲」- 1610(每人134)
晚餐「momo壽喜燒」- 7347(每人612)
鼎泰豐 – 4774(每人398)
漢來蔬食 – 4466(每人372)
的士回酒店 – 600 (每人50)
的士去機場 – 900(每人75)
包車費用 :每人NT$5000 (NT$4840 + 司機小費 NT$160)
當歸民宿 :每人NT$1900
共 :NT$10780(HK$2584)
來回機票 :HK$1420
3晚酒店 :HK$1125