【吉隆坡】4天快閃美食行山團

話說今年四月份,咖喱姐的爸爸因重病入院,她和她的朋友都非常擔心。幸好上天保佑,世伯最後也能大步檻過,迅速康復出院回家休養。發哥等衆人知道情況後,希望喱姐能盡快安排他們去探望世伯。眾人如此有心令得喱姐她非常感動。而剛好她在6月初會有幾天假期,就決定帶眾人回她家作客及探望世伯。但她心想總不能要大家山長水遠去到吉隆坡,探望過世伯後立即就走,而且大家如多住幾天,也不能要各人天天都呆坐家裡你眼望我眼卦….!!  所以她就安排了在探望喱爸之餘也帶各人去放鬆一下和品嚐馬來西亞地道美食。可惜這旅程是臨時決定,很多朋友都攞唔到假期去,最後結果就是由喱姐、喱姐的蝦子餅緣人做領隊,帶著Samuel(馬生)、發哥和細孖三小生共5人,在2017年6月3日,浩浩蕩蕩咁展開咗吉隆坡快閃4天美食行山團。

在開始快閃前,當然先要講講住宿方面問題,我們非常榮幸地得到喱姐的邀請,到佢吉隆坡家中作客,就這樣住宿方面就輕易地解決了。在遊記開始之前先帶大家去參觀一下喱姐家外四周和她安排俾我們的客房環境,非常不錯 ~~

喱姐屋企位于Cahaya SPK,而她所住的地方,爲一個新開發區,環境優美 ~~ onion-head16

她家一樓露台望出去的花園景觀 ~~

我們住了3晚的客房和套廁,2張子母床,睡3人絕對沒問題 ~~

DAY 1 (3JUNE2017) —

今天就只得Samuel、細孖和發哥三位小生去旅行,喱姐緣人放飛機? 當然唔係啦,只係佢兩公婆比我們早一天先回吉隆坡打點,今天會在吉隆坡機場接我們,實在無言感激 !!

monkeys61當三位小生中午一落機出機場,就看到緣人、喱姐已經楂著架七人車在大駕恭候 ~~

大家上車後,他們就二話不說先車我們去”林師傅廚房”食午餐 ~~

雖然碟碟都唔知叫什麼名堂,只知係炒麵炒河粉等等,但確實好有鑊氣好好食 ~~

辣子蝦 ~~

四大天王 ,裡面有一種我未食過嘅”臭豆” ~~ onion-head33

羅漢果涼茶 ~~

在林師博食飽撩完牙後,一行五人就準備返回喱姐間靚屋企拜訪喱爸喱媽。當然,三位小生總不能夠只帶兩梳蕉去咁失禮嘛,所以就去咗大名鼎鼎既Secret Recipe芝士餅店買咗個”紐約芝士蛋糕”孝敬兩老 ~~

你睇,發哥買得幾咁開心❤, 購物令人瘋狂呢句話就印證喺發哥身上了 ~~

踏入喱姐屋企後,就看到枱上已放了很多小點心,經查詢後,原來係喱媽專登親手做俾我們食的,我們三位小生立即肅然起敬!!!monkeys36  開吃前,當然要和世伯整張世紀合照先啦 ~~

在三小生安頓好和向兩老請安後,大家就準備開吃剛才買的芝士蛋糕和喱媽的靚靚私房點心。大家邊食邊和喱爸喱媽談笑風生下,輕輕鬆鬆下完成了今天的第二餐 “喱媽私房High tea”

(小秘密:原來喱媽講野好風趣好搞笑的)

喱媽親手整的Cup Cake蛋糕 ~~  onion-head68

斑蘭葉椰汁糕 ~~

餐後,由於三小生中,年紀較大的兩位小生”發哥和世孖” 話今早太舟車勞頓,攰得已到達一個臨介點,所以就驚現了以下一幕:齊齊攤屍 onion-head57

由於下午時大家在三小時內連食咗兩餐,飽到頂住個胃。所以喱姐就提議出去走走,運動一下,幫助消化,否則食唔落今晚的晚餐就一定會後悔。 三小生聽到,咩都唔講就立即著鞋出門,但緣人就懶得理你,睇電視好過 ~~

yxh52

沿途三小生見到個馬騮架,就好似前世未玩過咁,一支箭咁衝過去玩一大餐,好彩當時沒有細路喺度,否則實嚇死班細路 ~~

玩飽後,喱姐就帶三小生去遊覽她家附近的河畔花園 ~~ onion-head86

這個河畔花園環境優美到成個世外桃源咁 ~~

遊覽過後,三小生都流露出羨慕的眼光,羨慕喱姐能住喺一個咁美麗咁舒服既世外桃源 ~~ onion-head23

當大家回到家一打開門,一陣雞飯香撲鼻而來,原來大廚喱媽已經在下廚中,而且已差不多完成。雖然當時枱上只得兩碟餸,Samuel都不停影相,真搞笑 !! onion-head47

過咗冇耐,第一日的第三餐海南雞飯,亦是今天的主打”喱媽秘制鬍鬚雞併絕密私房菜”終於完成了。就係呢個時候,細孖突然坐低問食飯前有邊個想同佢嚟個愛的抱抱(有相為証)?當然,係唔會有人睬佢啦,哈哈 !!

呢碟就係遠近馳名既鬍鬚雞,再加上大廚喱媽特級秘制。好唔好食?只得一個字可形容 — “絕”!!onion-head68

其它配菜仲有喱媽撚手咖喱雜菜、怡保芽菜、油菜芯以及馬拉半肥瘦叉燒 ~~

食大餐前就梗要來個例牌菜  — 大合照啦!monkeys19

相中美麗的女孩,就係喱姐既寶貝侄女 ~~

飯後,雖然大家都已經飽到上心口,但都不敢鬆懈,因本日的壓軸戲現在才上演:食飯後甜品,仲要難得係喱媽也出席 (喱姐話要請得喱媽出席這種活動,係非常難得的,真榮幸) ~~

這是地道馬來西亞式的甜品ABC刨冰,衆小生們都未食過,梗係要試試啦 !!

椰糖雞蛋西米布甸 ~~

在品嘗過甜品後(第四餐),就表示今天的行程已完滿結束。而大家也懷著滿足心情回家教教🐷 ~~

onion-head24

DAY 2 (4JUNE2017) —

凌晨兩點幾,三小生房門突然響起幾下深沉的敲門聲,三人當堂打咗個突,跟著就睡意全消,而Samuel就勇敢地去開門,原來係喱姐morning call叫我們起床,準備出發去今次旅程的重頭戲「跟住喱姐去行山」。由於今次係行山睇日出,所以三點幾我們就要睡眼惺忪地出發了。

monkeys35咦咦咦!! 點解數來數去都只得四個人,Samuel、細孖、發哥和喱姐,緣人呢? 原來緣人話睬你都傻,繼續訓覺,最後就只得我們四人出發。 車程差不多45分鐘,途中仲開始落細雨,不過並無擊退我們行山嘅決心,因為我們好有信心當抵達起點時一定會停雨的。今天我們所行的山名叫Broga Hill(茅草山),位於森美州與雪蘭莪州邊界的一個小鎮內。茅草山高400公尺,從山腳行到山頂只需45~60分鐘,整段登山路程相對易行,唯一較難路段,就是接近山頂前的一段光禿山路,整體難度我個人認為係3星 ~~

果然停雨了,感恩!!   登山前又系嚟個例牌菜大合照先啦 ~~ monkeys33

山腳入口,我們就喺呢個起點開始出發攻頂 ~~ onion-head104

大約凌晨4點多,我們就開始摸黑登山。沿途中伸手不見五指,只聽到人聲不見人影的情況下行走,著實有點驚驚 ~~ onion-head8

行到接近山頂時,喱姐等衆人突然發現一個帳篷,就衝過去照人田雞,話要睇睇帳篷內的人做緊咩喎!仲要逐個喺帳篷邊擺甫士影埋相…..喺帳篷裡面如果真係有人嘅話真係唔得佢地死呀!! onion-head2

開始天光喇….!! onion-head25

行咗1個鐘,總算能夠趕及在日出前到達山頂,原來山頂已經企滿人,真係多人過旺角 ~~

雖然停咗雨,可惜就是今天多雲,睇唔到日出,只睇到少少彩霞,但幸好還有優美景色相伴,足可彌補遺憾 ~~

天色光亮後,看到原來我們所在的Broga Hill唔係最高的山頂,這路再上才是山頂 ~~

商量後我們決定唔打算再攻頂了。就在原地吃蛋糕仔,影下相就算了 ~~

茅草山上的茅草 ~~

又來大合照 ~~

onion-head105

突然有一個類似雜技人嘅俊男喺舊石上耍雜技,咁就輕易俾佢謀殺到唔少菲林,這幾張俊男相係喱姐偷拍的,阿俊男兄只係擺咗幾個甫士,就電到喱姐如癡如醉了~~

喺山頂hea咗約一小時後,就起程落山了 ~~

這段就係介紹茅草山時,所說的接近山頂的一段光禿山路,落山時的確有一點點難度 ~~

上山容易落山難,由於只得發哥唔尊重神聖嘅行山活動,穿了一雙普通的運動鞋行山,上山時係冇問题,但落山就得到應有嘅報應了。 前面Samuel就輕鬆笑住落山,後面發哥就喊咁口寸步難行。

唉 ….. 早知今日何必當初呢 !! yxh70

你睇細孖,落山輕鬆到仲有閒情影靚仔相 ~~ yxh20

終於落到山腳,完成了 「凌晨跟住喱姐去行山」壯舉。 細孖興奮到見嘢就玩 ~~

行完山四人個肚仔都餓到打晒鼓,都唔理咁多立即會合緣人和喱姐侄女雯雯去食生蝦魚頭米 ~~

這碗生蝦魚頭米,有必要重點推介,精華在於個濃郁鮮味湯底,真係好飲到一個點,回味無窮 ~~ onion-head68

食到餓狗搶屎咁,失晒儀態 ~~ onion-head47

同場特別加映一碟 “辣死你媽”(馬拉椰漿飯)。這飯係Samuel的定點介紹,因為佢話佢上次喺沙巴時一試傾情 ~~

馬拉腸粉,還是覺得港式腸粉好味啲…嘻嘻…!!

豬肉粉 ~~

板麵 (手打麵) ~~

百喝不厭的”桔仔酸梅” ~~

食食吓,撞到喱姐的小學同學又嚟食麵,咁難得當然又再例牌菜啦…哈哈 !!

行過山食過麵,衆人就打道回府,打算來個午睡,訓醒再出動。但喱姐突然話要去Big Apple Donuts買冬甩返去食,話怕我地訓訓下肚餓冇野食,佢真系當咗我地係牛,有四個胃 ~~ onion-head54

這間Big Apple Donuts的冬甩的確幾好食,連Samuel這個唔鐘意食冬甩嘅人都話好食 ~~

返到喱姐家後,細孖都唔客氣,搶先試食冬甩,宜家真係有啲懷疑佢係牛嚟㗎 ~~

食過冬甩、休息過後,當然又要出動啦!剛好今天係星期日,所以喱姐就帶我們去咗Taman Megah Pasar Malam夜市,此夜市只會喺星期日下午5時至到晚上10時謍業,成個夜市都係以售賣小食以及新鮮蔬果為主,開正我哋為食三小生嗰瓣,真係好彩…..yeah…!!!

monkeys33

夜市第一檔就係芒果檔,當然要買幾個返去食啦 !!

這裡實在有太多好嘢食了,原本打算樣樣都買嚟試食,但喱姐話一定要留肚食今晚嗰餐頂級豪華海鮮宴,所以最後只能挑選幾款試吃,實在太可惜~~ onion-head72

魚蛋檔…哈哈!!

碌碌 (車仔串串打邊爐) ~~

外脆卜卜,夾有花生粹和粟米的地道小食 ~~

沙爹串燒 ~~

含淚離別夜市後,喱姐見時間尚早,就帶我們去一個吉隆坡必到的聖地,那里?唔駛諗都知係吉隆坡地標”雙子塔”啦!

凳凳凳……雙子塔 ~~

天黑之前行近啲去影多張先 !!

咦!點解相中又冇咗緣人嘅? 唔通佢又彩我哋都傻?原來唔系,他唔嚟係因為要車載喱爸、喱媽和雯雯到今晚食豪華海鮮宴的地方 “KL Seafood Market” ~~

根據絕密資料顯示,這間KL Seafood Market內,有一間豪華貴賓房長期預留給吉隆坡市市長來食飯,所以這間飯店另外有一別稱 “吉隆坡市長餐廰” ~~

第一次食咁大條筍殼魚,魚肉又嫩又滑。香港已經冇可能食到咁大條嘅筍殼魚了 ~~

超邪惡的黃金大蝦 ~~

濕奶油蟹 ~~

啲奶油汁配銀絲卷一齊食,超好味 !!

其它小菜仲有苦瓜炆雞、黑椒雞、炒西蘭花、招牌江魚仔炒飯 ~~

雖然我們所點的都不是名貴菜色,但這間餐廰的烹調水準很高,每款菜也能俾到我們驚喜,而且價格又實惠,超讚 !! onion-head68

飲飽了、食醉了,本應都係時候返歸訓覺啦,但眾人突然發覺今晚宵夜仲未有著落,所以喱姐話大家嚟咗吉隆坡兩日,都仲未食過榴槤,不如就去買榴槤啦,再加上今午買的芒果,返去屋企清清地就整個榴槤芒果宵夜大餐。有得食小生們當然唔會反對啦 !!  就咁喱姐就先開車去SS2附近買榴槤才回家 ~~

宵夜都咁豐富,問問你怕未 ?? 😄😄😄

夜幕低垂,眾人都不再多説話,以求能夠盡快上床休息,因他們都深知明天有更大的挑戰要面對,至於什麼挑戰,訓醒再講 ~~

onion-head100

 

DAY 3 (5JUNE2017) —

上回講到,今日會有一個大挑戰,咩挑戰?就係脹爆食力大挑戰喇,究竟邊個能夠成功過關完成挑戰呢?唔講咁多,去片!!

onion-head29

根據編排的行程,一大早我們就要食兩餐早餐。第一餐首先到”一八好茶餐室”食喇沙麵 ~~

由於眾人都經過一個晚上,肚仔已經有啲餓,而且呢檔的喇沙麵又好好食,所以眾人三扒兩撥就掃清晒 ~~

食完後,就要立即去食第二餐,走過了一條馬路,前後唔夠2分鐘,我們又坐低等食了 ~~

相中粉紅色衣服的女士,就係喱姐的二嫂 (屋主夫人),她今早也和我們一齊嚟食早餐,咁難得當然又要嚟個例牌啦 !!

這間餐室名叫AYC Curry House,是一間出售正宗印度食物的地方。而我們也點了幾款印度咖喱薄餅試試 ~~

Dasai、Roti Canai、Roti Telur and Roti Tissue ~~

中午,挑戰暫停,原因係五人去咗Massage全身按摩,放鬆放鬆 ~~

這間名叫Healthland Massage係一間正宗泰式按摩店。按摩後,眾人都一致稱讚按得好舒服,最重要係上午11時至下午3時有happy hour特惠套餐,價錢相宜,120分鐘油按才RM98。估唔到馬來西亞也有一間咁出色的泰式按摩店 ~~

接著又係午餐時間啦 !! 去到Old Town估唔到是但揀一間餐廳,啲嘢食都咁好味 ~~

吊片豬肉丸 ~~

胡椒豬肚米粉 ~~

西刀魚蛋 ~~

食完老鼠粉,明記肉骨茶又未開,眾人正手足無措之際,喱姐就話橫掂昨晚食榴蓮唔夠喉,宜家再去食多一次,之後才回來明記食肉骨茶。咁就喺冇人反對之下去咗食榴蓮,但估唔到咁就出事了 ~~

我地就去咗呢間Sinnaco(仙納果榴槤專賣店)食榴槤 ~~

原本想食貓山王,但老闆話貓山王季節未到,而且這季的貓山王大部份已被大陸商人全部包起運出國去了,下個星期才有另一批貓山王供應,真可惜 !! monkeys40

大家正不知所措之際,突然在店內發現了這個牌,寫住有榴槤自助餐食,經眾人商量後,就決定挑戰任食榴槤 ~~

由於緣人和細孖唔食榴蓮,所以就只得喱姐、發哥和Samuel 3 人挑戰呢個榴槤自助餐。 剛開始食時,三人都笑口勢勢 ~~

細孖在喱姐威逼利誘下,勉強食了一粒,太可憐了 ~~

最後結果係………..喱姐食咗17粒,Samuel食咗19粒,發哥唔知幾多粒 (佢話頂吾順食唔到咁多喎) 3人飽到呆咗。 睇我哋雖然係笑笑口,實際上就飽到嘔..…出晒事 !! onion-head57

返到明記,喱姐已經首先投降,不能再食了。而Samuel就只能每款餸食一點,之後都放低筷子了。而剛才冇食榴蓮的細孖、緣人,再加上發哥就繼續密密食,食晒所有餸 ~~

發哥剛才食榴蓮時唔係話已經頂吾順嗎?點解宜家肉骨茶又食得津津有味嘅??原來肉骨茶係發哥至愛,佢話食到嘔都要食喎!!  佢食到嘔就冇啦,但就食到個大肚腩凸咗出嚟,好似就嚟生得咁滯 ~~

onion-head47

肉骨茶後,原本會再去一家西餐廰食晚餐嘅,但由於食力大挑戰主持人喱姐早已經棄權退出,挑戰賽已經爛尾。而眾人個肚腩仍然係藍球咁大,所以經商議後,決定唔食晚餐,改為喺商場逛逛算了 ~~

但商場內充斥着各樣美味小食和各式甜品,看得各人雙眼發光。最終為食五人組都係抵受唔住誘惑,再食咗芝士榴槤撻和香蕉船雪糕才肯回家 ~~

返到屋企,喱姐又突然陰陰嘴笑住講 : 「前兩天都有宵夜食,今晚冇理由冇嘅,不如食完芒果和菠蘿之後我再整咖央多士你地試吓啦,我親手整你哋唔會唔食係嘛….? 」 眾人原本準備耍手擰頭,但一聽到喱姐講親手整呢句,當然要俾面食啦!

不過喱姐整呢個咖央多士又真係幾好食喎 ~~

唔知係今日食得太飽吖….還是食到喱姐親手整嘅咖央多士太興奮,細孖食食吓突然傻咗,眾人當場嚇到呆晒,唔知點算好。好彩細孖都只係傻咗一陣就回復正常,眾人都鬆一口氣。

就這樣,第三天就在大挑戰爛尾和細孖傻咗嘅陰影下完結 ~~

onion-head74

DAY 4 (6JUNE2017) —

一覺醒來,又到咗快閃團的最後一天了。今天已冇咩行程,主要係食過早餐和午餐後,就要起程出發去機場。但並唔代表冇好嘢食,反而係超豐富,唔講咁多,一於繼續食食食 !!!

首先早餐我們去了”大家茶餐室”食蝦麵,雖然並唔及第二天食嘅生蝦魚頭米咁超好食,但都唔錯,俾一個讚 !!

龍躉肉湯,龍躉肉新鮮彈牙,魚湯清甜,第二個讚。炸魚餅,魚肉外脆內軟,爽口彈牙,食落仲有好香魚肉味,第三個讚 ~~

叉燒豬油乾撈麵,叉燒嫩滑,麵質爽口彈牙,第四個讚 ~~

炒粿條,河粉嫩滑,味道適中,最重要係鑊氣夠,第五個讚 ~~

豬肉粉,河粉和豬肉都好嫩滑,湯底清澈但好有肉味,第六個讚 ~~

五個人的早餐都食咗七碗麵,一個魚湯和一碟小食,厲害!!

早餐後,見仲有少少時間,就返去昨日的仙納果榴槤店,買番啲榴槤返香港做手信。然後就去食今次行程的最後一餐 “長青大酒樓” 的馳名生蝦麵 ~~

呢個就係馳名生蝦麵,隻蝦仲大過手掌㗎 !!

細孖又食到失晒儀態了 ~~

隻生蝦大到要用刀叉食 ~~

其它小菜我哋點了腐乳油麥、蜜糖魷魚鬚以及藥材走地雞 ~~

食飽飽後大家就起程出發去機場了。在侯機期間,還臨時加插舊街場咖啡室 (Old Town White Coffee)歎下午茶 ~~

食完呢餐就真真正正上機飛返香港了,而四天的快閃行程亦正式落幕。 總結今次行程,四天內去了一次行山,一個打咭景點,大大小小食咗19餐,的確係名副其實的【吉隆坡美食行山快閃團】

onion-head26

最後在此特別鳴謝喱姐、緣人兩位領隊,帶給我們三小生在食住行方面有一流嘅享受。將來有機會的話,一定還會再來 ~~

onion-head19 onion-head19