2011聖誕hea遊布吉 |

這次的布吉之旅係沒有特別編排任何行程, 唔會去玩水上活動, 只想同屋企人去hea吓, 聚埋一齊飲飲食食, 過一個開開心心嘅聖誕節, 而且全家都喜歡食泰菜, 尤其係我媽咪。亦都因為每年的12月25號聖誕節係我母親大人的生日, 所以如果請到假期我都希望可以帶媽咪去旅行順便同佢慶祝生日。2011年初已經開始留意亞洲航空的特價機票, 因為係聖誕節旺季如果唔一早買定機票的話, 到時機票一定會貴好多……到3月頭終於見到亞洲航空推出特價機票由吉隆坡直飛布吉, 就即刻叫哥哥買埋3個姪仔姪女的機票帶埋佢地一齊去玩, 而我同蝦子餅就會由香港直飛布吉機場等佢地 ~

布吉島是泰國面積最大的島嶼，距離首都曼谷870公里，一向被稱譽為「泰國的明珠」。布吉島的海灣景致非常秀麗，這裡的海灘水清沙幼 ~

25Dec2011 –

我地乘坐8時55分開出的港龍航空KA212班機前往泰國布吉, 班機在預料之內咁滿, 不過90%都係歐洲人或外國人, 亞洲人只得小貓兩三隻咋 ~

航機在12時05分到達布吉機場, 機場真係好細, 由飛機出口行過去入境處大堂都唔需要1分鐘時間, 而且只得幾個入境處櫃台 ~

最搞笑嘅就係個機場的保安, 好似冇掩雞籠咁, 竟然可以任由我地自出自入架…..

因為我媽咪佢地一共6人搭亞洲航空公司的客機所以比我地遲2小時先到達布吉機場, 我同我蝦子餅唯有喺機場先飲啖茶食啲嘢然後再入返去接機大堂接佢地, 但係見到無保安人員, 人人都自出自入, 我地就有樣學樣, 行返入去行李輸送帶嗰度等佢地, 仲見到佢地排緊隊過關添, 有無見過人接機接到入去行李輸送帶嗰區呀?

我地一共8人連多件行李一般的士坐唔落, 所以我地搭van仔去我地預先訂好的酒店式公寓G-1 Apartment

G-1 Apartment坐落在卡馬拉海灘(Kamala Beach)寧靜的海岸上, 距離最旺的芭東海灘 (Patong Beach) 要10分鐘車程, 而距離普吉國際機場有40分鐘的車程 ~

屋頂設有一個好細小的戶外游泳池 ~

我們的房間 ~

公寓附近感覺好鄉村, 不過有幾間歐州人開的餐廳, 由公寓行去沙灘要經過一條馬路, 15分鐘左右, 沙灘周圍都有好多間泰式和西式餐廳 ~

點解我會揀呢間公寓呢? 其實我原先在3月已經book咗一間位於芭東海灘嘅酒店架, 因為出發前的兩星期我二哥由吉隆坡打長途電話俾我, 佢問我係唔係揀咗住係7年前受南亞海嘯影響最勁嘅芭東區, 當年2004年都係12月26號的Boxing Day, 死了幾萬人……當年受影響的包括印尼………..

因為佢12月頭剛剛由印尼雍亞卡他Yogyakarta返黎, 那是一個公司出錢請晒整個部門去旅行的一個company trip, 期間發生了一啲靈異事件。他和同事們住的是Sheraton Mustika, 當地好舊的一間5星級酒店, 間酒店因為2004年受海嘯影響死了50+人, 酒店是關了接近兩年從新裝修先再重開過的。

當晚哥哥同一大班同事一齊入住酒店, 通常5星級酒店房間的床都會有羽絨被或棉被, 而白色被套底部都會加多一張被單的…..哥哥瞓覺習慣唔反瞓而且面向天花, 而且要1個枕頭蓋住雙眼嘅…….不過半夜2點中哥哥突然間感到好凍, 所以扎醒咗, 發現張床的羽絨被跌晒落床尾, 只剩下張白色被單蓋住佢, 因為佢好眼瞓所以並無理會, 拉返張被就繼續瞓過….瞓瞓吓又再凍醒咗, 今次發覺整張羽絨被連同白色被套一齊都被拉到跌晒去床尾….佢終於知道唔對路, 驚到開晒啲燈掹實張羽絨被, 成晚瞓唔返….

返到吉隆坡的公司, 其中一位女同事向佢求救, 問有無高人可以救到佢, 嗰女仔話佢在酒店撞咗邪…..

所有人白天玩得好累所以個個晚上都訓得好香甜…..當晚哥哥一個人一間房, 而啲女同事就2人一間房……A小姐和B小姐瞓同一間房, A小姐瞓瞓吓, 清楚聽見房間裡面有人打開雪櫃, 然後沖嘢飲的聲, 以為做乜B小姐咁夜仲唔瞓, 開眼望下佢喺度搞緊乜, 點知原來B小姐正在床上熟睡中 ~

第二晚盞床頭燈自己開著咗, 然後B小姐去洗手間見到一個長頭髮無身體的頭影, 最慘嘅係佢返到吉隆坡屋企之後依然晚晚都見到相同嘅無身體的長髮頭影, 佢晚晚驚到無覺好瞓, 好慘…… 唔知佢搵到高人救佢未呢 ???

媽咪聽了哥哥的親身經歷之後, 堅決叫我要改租第二間酒店, 唔要住2004年12月26號海嘯時死咗幾萬人的芭東區, 仲要我揀海嘯之後的新酒店, 不過聖誕節係旅遊旺季, 我地咁遲先揀酒店, 仲要訂3間房喎, 平靚正嘅都俾人揀晒啦! 所以我臨時臨急出發前就上網訂了呢間G-1 Apartment囉 ~

取了房間，放低行李, 交換了聖誕禮物之後, 我地就出咗去Junceylon購物廣場 ~

呢啲就係布吉的tuk tuk喇,車費係以人頭計, 我地5大3細所以收費勁貴 !

這裡樓高3層、有超過2百間商鋪。單是地庫的That’s Siam，整層都是售賣泰國手工藝紀念品，一般大路的手信都可以在這裡找到，來到這裡你可以不用逼又有冷氣嘆, 舒舒服服都可以買到心頭好，而且更適合那些不喜歡講價的人，是個買土產的好地方 ~

行咗一陣商場我地就過咗條馬路去搵間餐廳食晚飯 ~

食飽之後再行多陣, 買啲手信 ~

然後返去酒店附近做咗個足部按摩 ~

呢間啲按摩師傅好正宗, 好舒服, 所以我地連續幫櫬咗3日 ~

Day 2 (26Deccember2011) – 今早天氣好好, 所以想周圍去行吓……

原本無想過需要租車自駕, 以為泰國地方就算搭的士或者係tuk tuk都唔會好貴，因為曼谷和清邁都好平，點知原來布吉坐tuk tuk車係貴到無朋友，短短１０分鐘車程要500baht, 差不多港幣１２５，如果我地一日之內去５個地方啲交通費咪貴到嘔？　所以臨時想租架車自駕遊，最慘係因為無一早出發之前訂定，全布吉士的所有出租７人車都已經俾人租晒，無晒辦法唯有同酒店租架農夫４驅車，租金2000baht一日, 不過我地８人，點坐得落呀？？？？