樂山大佛 + 峨嵋山 「PART 3」

Day 4 (30Apr2010)  – 

原本一早搭 CA 4472 返成都, 不過因為班機延遲咗成3小時起飛, 所以喺九黃機場呆等咗成個早上,返到成都已經下午喇…….

首先去成都香格里拉大酒店飲茶先 ~

然後坐兩個鐘頭車程出發去樂山大佛 ~~

樂山大佛是唐代摩岩造像中的藝術精品之一,是世界上最大的石刻彌勒佛坐像。佛像開鑿于唐玄宗開元初年(公元713年),是海通和尚爲減殺水勢,普渡衆生而發起,招集人力,物力修鑿的,至唐德宗貞元19年(公元803年)完工,曆時90年,被詩人譽爲山是壹尊佛,佛是壹座山

參觀完樂山大彿之後就起程去”峨嵋山”山腳的報國寺, 參觀天下第一銅亭,   迎賓廣場和聖積晚鐘 ~

摩崖石刻 

天下第一牌坊

第四晚的住宿峨眉山天頤溫泉度假大飯店

Day 5 (1May2010)

一早8點食完酒店自助早餐之後坐車去到峨嵋山………然後再坐纜車到達海拔三千多米高的金頂景區 ~

一聽到峨嵋山呢三隻字,便會令大家想起滅絕師太同周芷若喇………

峨眉山 被譽為 “峨眉天下秀” ,為世界自然文化雙重遺產。
峨嵋山是中國四大佛教名山之一,與五台山、九華山、普陀山齊名。位於成都的西南約200公里,海拔3099米,傳說為普賢菩蕯修行之道場,因歴史底蘊深厚,1996年列入世界文化遺產, 而日出、雲海、佛光和聖燈是金頂四大奇觀。

拾級而上是一金普賢菩蕯像,面相慈詳,相傳普賢菩薩是騎象的,所以這裡有很多象雕,香火頂盛,信眾簽香油點的燈圍滿佛像,再步上金頂,這裡便是峨嵋最高景點,是欣賞四大奇景的最佳位置。

聖像為銅質,通高48米,占地1256平方米,總體重約600噸。須彌座上立六牙吉象,大象背上第一層為普賢菩薩的四頭像和兩面身, 第二層為普賢菩薩四頭像, 最高層為前後普賢菩薩頭像, 幾咁金碧輝煌呢 ~

金殿

而峨嵋四大奇景,日出、雲海、佛光、聖燈,我們只看到雲海 ~

銀殿

傍晚終於可以去 “錦里仿古一條街” 行吓街, 買吓手信同試吓啲地道成都小食喇 ~

今晚嘅晚飯喺一間叫做”味典”嘅餐廳食川菜, 係咁多日裡面我覺得最好味的一餐喇, 因為真係夠晒地道, 而且又夠晒麻辣囉 ~

晚飯後的自費節目~ 變臉及川劇表演, 有木偶戲、手影、二胡演奏、 川趣劇滾燈、變臉、川劇桃園結義……..

Day 6 (2May2010) —

8:15am – 食完酒店自助早餐之後就出發去我地今次四川6天團的最後一個景點”成都熊貓繁殖基地”

然後就去了”巴國布衣”食新派川菜 ~

之後就出發去成都機埸搭中國國際航空CA427班機返香港喇…….

6日話長唔長, 話短唔短, 九寨溝/黃龍/峨嵋山嘅旅程喺開心同埋愉快嘅心情之下好快咁完滿結束咗喇……全程天氣好到不得了, 陽光普照又溫暖….全程嗰 3位靚女領隊同導遊都對我地照顧有加, 而且最值得讚揚嘅就係佢地全程都笑容滿面, 態度非常親切又專業 ~ 

最後當然唔可以漏咗多謝我 21個(唔計我在內)陪我玩咗咁多日嘅朋友啦 !!! 

 

人間瑤池【黃龍】

https://carinekok.com/?p=56

人間仙境【九寨溝】

https://carinekok.com/?p=57

樂山大佛 + 峨嵋山

https://carinekok.com/?p=58

 

九寨溝/黃龍之旅溫馨提示 :

  •  一早去到九黃機埸剛剛落機個時好可能高山反應會大啲,可能會有明顯的心跳得好快,頭痛同好唔舒服,但只要個人唔好太緊張,放鬆啲, 盡量行慢啲,就好快無事, 通常行得快同急都會出現高山反應,所以一定要將速度減到好慢, 最忌快同急,如果真係好唔舒服,好多都有一支支純氧氣可以買來吸的 ~

Must Bring Items :

  •  早晚天氣温差大 請帶備羽絨褸,,禦寒衣物, 暖包, 舒適的鞋 etc…
  • 如想享用酒店溫泉, 請帶備泳衣
  •  相機, 攝影腳架, 記憶咔, 充電器,後備SD card,萬能插蘇etc…
  • 帶備行山能量補充零食(朱古力、得力素、香口膠、餅乾等),記得帶定多啲葡萄糖”,即係得力素嗰隻都得,因為真係有用,如果類似高山反應即刻啪一至兩粒真係有舒援作用
  •  記得買定糧食(餅乾或杯麵),買多啲零食去,尤其是朱古力….因為Day 2 & Day 3 住山區, 附近無嘢食賣, 而且Day2 好早出發去機埸, 無時間食酒店早餐,買定糧水入溝(瓶裝水可以寄艙帶去)
  • 帶止痛藥 (Panadol) 速治靈 (Imodium)
  •  旅遊証件 + 人民幣 (RMB)
  • 記得記得要帶開心和偷快的心情 !!!
  • – 帶備有效的回鄉証,打印e-ticket機票一份
  •  帶備足夠的人仔
  • 如有需要沿途上網,內地電話3G上網卡可以出發前預先購買,内地3G電話可上網的電訊公司,最好選用中移动
  •  海跋高,日照强,帶太陽眼鏡
  • 插頭是二腳插頭,和美加、日本、台灣插頭一樣
  • 所有後備鋰電池或尿袋都必須放於手提行李之中親自帶上飛機,所有電池都不能寄艙
  •  手提行李中的所有液體、凝膠狀物體及壓縮氣體須以不超過100毫升的容器,分別盛載及整齊地放入容量不超過1公升並可再封口的透明膠袋內,而通過檢查之藥物、嬰兒奶類及其他食品以及特別營養必需品則不在此限。如果超過100毫升就一定要寄艙