濟州島追櫻驚見油菜花の5天自駕遊

濟州是韓國最大的島,位於朝鮮半島南端, 方圓1825平方公里, 因受近海暖流的影響, 全年氣候溫和, 故濟州島有“韓國的夏威夷”之稱。當我們深入這個小島的時候, 發現這裏竟然是與世隔絕般的寧靜與美麗, 所以濟州是韓國人的渡假勝地以及新婚夫婦渡蜜月的熱門地方。 其實有海的地方就會少不了浪漫的愛情故事, 而另一個吸引年輕人到濟州的原因可能係因為有好多現代韓劇的男女主角都曾在這個小島演繹過刻骨銘心的愛情故事。 今次我哋一共有2 pair一齊同遊,不過Ceci和Lawrence佢地比我哋早一日到達濟州,而佢哋兩個會在Day 4 下午離隊,因為佢哋會再搭機去上海多玩4日3夜才回香港 ~~

以下係我哋今次濟州島5天自駕遊的行程 :

Day 17Apr2013) —

濟洲市典農路

濟州國立大學(追櫻)

黑豬肉一條街

Day 2 (8Apr2013) —

樂天酒店愛之湖

仙臨橋 + 天帝淵瀑布

如美地植物園

泰迪熊博物館

Alive Museum

西歸浦每日市場

Day 3 (9Apr2013) —

牛島單車遊

城山日出峰

涉地可支 

Day 4 (10Apr2013) —
林公園

挾才窟

The Shilla Duty Free Shop

E-Mart and Lotte Mart

Day 5 (11Apr2013) —

濟州民俗村博物館

東門水產市場

濟州中央地下商店街

都係廢話少說, 去片吧!!!    

Day 17Apr2013) —  我們乘搭早上840分開出的港龍KA326班機 (HKG-CJU), 由香港直飛濟州島 ~~

今班機的飛機餐 ~~

其實飛機我都唔算搭得少架喇, 不過今次我可以在飛機臨降落濟州前的10分鐘坐喺窗口位慢慢咁細心欣賞到咁靚嘅雲海都算係第一次咋, 真係好靚呀 ~~ yxh06

下午1235分終於降落咗濟州機場喇 ~~ 

落咗機過咗關之後, 我哋首先去找換店換韓 (won), 然後一行出接機大堂就見到呢間SK Telecom, 雖然酒店係有免費wifi提供,不過我呢個網精係絕對忍受唔到5天喺旅途中或坐車中冇wifi用架,所以就去SK Telecom租咗部iPhone, 5天的租金係50,100韓圓 (vat), 而一部iPhone可以sharewifi俾我哋另外3iPhone一齊用, 計落都唔算好貴吖 !!

然後行去接機大堂的2號閘口搵AJ租車公司櫃台 ~~

職員核對咗啲資料之後就叫我哋去返5號閘口搭免費接駁巴士去AJ租車公司的停車場取車 ~~

幾分鐘的車程我哋就喺1點55分到咗AJ租車公司的停車場喇 ~~

其實如果喺出發前已經訂咗車嘅話, 咁架車就已經預先停放咗喺停車場指定嘅停車位,而排隊輪到我哋取車時, 個職員只係俾咗個停車位編號我哋同埋條車匙俾我哋, 然後就叫我哋自己行去停車場根據個編號搵返自己訂咗嘅嗰架車, 跟住駛過去check-out point驗車處 ~~

今次租嘅就係停泊喺G3呢架白色的小型私家車Kia Soul喇, 貪佢慳油而且係價錢比較便宜的系列嘛,4日的租金連保險費係港幣1586, 價錢已經包括GPS自動導航系統 ~~

check-out point,一定要和現場職員仔細確認車輛的狀態,包括刮痕等部份,詳細記載於合約上,以免發生不必要的糾紛。還車時需將油加滿,建議利用還車場所附近的加油站最重要係一定要職員教識我們同埋解釋清楚自動導航系統的運作, 因為部GPS雖然操作並唔難,但係螢幕上顯示嘅全係韓文,並無英文同中文字架 !!

 onion-head54

其實好簡單,只需要輸入個景點或目的地的電話號碼個GPS就會開始啟動而帶到我哋去目的地架喇,而且景點與景點之間又唔算太遠,最遠的一程都只不過係50公里左右, 所以全程的車程都好輕鬆 ~~

一切都無問題之後我們就起程出發去酒店接Ceci & Lawrence, 大約10分鐘的車程在下午235分我哋就順利到達我們預訂的酒店Echae Boutique Hotel ,但因為我訂的房間仲未執乾淨, 所以我哋將行李先放喺Ceci & Lawrence間房,然後爭取下午嘅時間先去其中一個著名嘅賞櫻熱點濟州大學」追吓櫻先 ~~

今年預計櫻花開花期在3月下旬,位於南部的濟州是韓國最早可以賞櫻的地方,一年一度的濟州櫻花節原本選在45日至7日展開的,不過因為3月尾已經進入盛花滿開期, 所以濟州櫻花節改咗期去331號開始, 所以我哋又錯過咗最靚最好嘅賞櫻期喇 ~~

其實櫻花正是濟州的道花,整個島上可說是櫻花處處,因為今年天氣比較暖導致櫻花早開了, 所以我哋在滿開期的一個星期後才到濟州當然都開始落了不少,不過沿路上依然都見到馬路兩旁有好多櫻花樹,所以就停低架車喺路邊影吓相啦 ~~

340分到達濟州大學嗰區喇 ~~

追櫻就係要周圍搵吓邊道啲櫻花樹最靚就喺邊道停車囉,呢啲就係自駕遊嘅樂趣嘛, 如果參加鴨仔團又點會有咁正咁自由!! 

雖然唔係滿開期, 不過近睇啲花花依然好靚吖 !!

然後經過一間餐廳, 我哋見肚餓就入去求其食個晏先啦 ~~

普普通通嘅一餐, 不過不失咁啦 ~~

食飽咗之後開車往濟州市蓮洞嘅方向去, 因為呢道可以望到好靚嘅漢拿山景觀。漢拿山巍然聳立於濟州島的中部,海拔1950米,是濟州島的象徵,又稱瀛州山,意思係山高得可抓住銀河 ~~

又慢慢hea吓影吓相,時間過得好快咁又已經傍晚喇,所以傍晚6點開車返去Hotel EChae取房放好啲行李先 ~~

我細細聲話你哋知吖,呢間其實應該似係時鐘酒店黎架,不過我哋貪佢房間夠大,地點好方便行街食嘢, 而且非常近機場,車程5分鐘左右咋,不過酒店大堂職員完全唔識英文, 好難溝通呀 !!

間套房其實好大, 個洗手間同浴缸都好大, 不過一入到房就有好大陣煙味,唔食煙嘅我覺得好臭好難頂,好彩可以開到個窗通通風疏吓氣, 到第二日開始無咁臭喇 !! 呢間套房我哋呢個trip一共住咗4晚, 港幣760一晚 ~~



然後再開車出去濟州市行吓街搵嘢食 ~~

然後我哋開車去到濟州市, 停放咗架車喺「魚生一條街」的對面馬路邊 ~~

原本打算試吓濟州啲魚生架, 不過行完一圈真係覺得唔多吸引,間間魚生餐廳都無乜食客, 拍晒烏蠅咁, 而且我哋覺得香港西貢、鯉魚門或流浮山啲海鮮仲多選擇仲平過呢道喎 ~~

所以最終決定行返去「黑豬肉一條街」, 嗰道兩旁都是充滿碳烤薰香嘅烤肉店 ~~

濟州島的人氣美食, 非黑豬肉莫屬, 均勻的油脂以及彈性的肉質讓濟州島黑豬肉成了上上之選!不過真係有太多間烤黑豬肉店喇, 所以我哋行吓行吓見到邊間最多人就揀邊間幫襯啦 ~~

鐵板的設計十分有趣, 斜斜地嘅, 讓多餘嘅油脂在燒烤嘅過程中流出,等到快烤熟時,再拿剪刀剪成適合入口嘅大小,配上芝麻葉或生菜一起大口咬下, 再搭配泡菜辣椒、蒜頭片,麻辣的滋味都相當過癮 ~~

Day 2 (8Apr2013) —

今日的主要行程係遊覽中文觀光區, 由於中文觀光區內的景點十分多,所以今日我哋只揀咗幾個最想去嘅景點, 包括樂天酒店愛之湖、仙臨橋、天帝淵瀑布、如美地植物園、泰迪熊博物館以及Alive Museum。早上9點出發喇, go go go….!

1015分到達中文區嘅新雨城食個早餐先!! 見到間Dunkin’ Donuts甜甜圈大家就話想去試吓韓國版嘅好唔好味喎, 順便飲番杯咖啡嘛 ~~

味道如何 ??  除咗甜之外, 仲有好甜同非常甜囉 ~~~

中文觀光區位於西歸浦市, 是濟州島內最大一塊綜合觀光區。中文觀光區內包括了如美地植物園、中文高爾夫球場、天帝淵瀑布、中文海水浴場、泰迪熊博物館、聲音博物館、非洲博物館、濟州國際會議中心, Alive Museum 等等……
幾乎集合了濟州大半數的景點,同時一些大型特級酒店也集中喺呢區,韓劇All-in片中有許多場景都係喺2000年開幕的高級休閒度假村「濟州樂天酒店」內拍攝的,  由於酒店
以大型荷蘭風車作為酒店主題,故又名樂天風車酒店 ~~

過酒店後方花園內的「愛之湖」便可望見風車屋 ~~

除咗風車屋之外仲驚見油菜花田呀 !! 因為原來4月份都係濟州島油菜花盛開嘅季節黎架 ~~

上午1110分我哋去到下一個景點「仙臨橋」同埋「天帝淵瀑布」 ~~

門票每人2500韓圓 ~~

仙臨橋長128米,高78米,架在第二、三段瀑布中間,是以鵲橋的形式建成的鐵製拱形橋樑,南北面刻有七仙女的雕像~~

我哋首先行去仙臨橋, 然後才向天帝淵瀑布進發﹗



然後再行去
第二瀑布嗰邊,途中其實也可以看到第二瀑布的側面 ~~

我們沿著棧道行落去天帝淵, 好快就見到天帝淵喺我哋眼前喇 , 不過點解瀑布唔見咗嘅???  onion-head33
原來天帝淵係分為1段、2段、3段瀑布。第一段瀑布是淵池,只有在大雨天,上流河川的水流下來嘅時候,才會形成瀑布,平時係睇唔到瀑布架 !!


濟州島的石頭爺爺真係無處不在架 …..!!

其實石頭爺爺係濟州島的象徵物,當地人利用黑灰色火山石雕刻成的守護神,石頭爺爺大多係眼睛凸出、鼻子粗大、嘴唇緊閉的樣子。傳說右手在上的石頭爺爺係武官,左手在上的石頭爺爺係文官。據說摸摸石頭爺爺的鼻子可以生仔,摸摸石頭爺爺的耳朵可以生女,摸摸石頭爺爺的肚和手則可以升官發財。所以好多南韓情侶結婚後必定要到濟州島去拜石頭爺爺,以求多子多福 ~~

就連紀念品都有好多款可愛嘅石頭爺爺以供選擇 ~~

離開咗天帝淵瀑布之後已經係下午115分喇, 所以我哋就開車去返新雨城食午餐先 ~~

呢個午餐嘅海鮮鍋係我哋呢個trip最值得推介嘅一餐喇, 70,000韓圓的一個大海鮮鍋夠晒我哋4人食喇,大扇貝活鮑魚、蝦、蟹、墨魚、青口、螺、蔬菜、菇等等….個湯底非常之鮮甜, 好正呀 !!!

食飽飽之後當然要去行吓花園幫助吓消化啦,下一站係「如美地植物園」 ~~

如美地植物園嘅門票係9000韓圓,而遊客可以買票坐火車遊園,但因為我哋飽到捧住個肥肚腩所以選擇行路好啲 ~~ monkeys54

東亞最大的室內植物園在哪裡?答案絕對讓你驚訝,不是在植物圖鑑最發達的日本,也不是擁有豐富熱帶雨林資源的東南亞,而是在韓國本土之外的濟州島。占地37000坪的如美地植物園,分溫室及戶外區,五個溫室植物園區分別為花蝶園、水生植物、仙人掌、熱帶生態及熱帶水果區,植物園溫室培植了1200種植物 ~~

個天藍到好靚呀 !! onion-head16

濟州柑係濟州嘅特產,故名思義,就係一種在濟州獨有嘅柑。 我哋行吓行吓突然間見到呢棵大樹上長咗好多鮮橙色好大個嘅柑, 有啲已經熟到跌晒落地喇 ~~

你哋睇吓幾大個幾靚 !!

嗱嗱臨整個試吓先啦 !!  onion-head2……!!! 乜又酸又苦又澀架 !!  中伏添 !! onion-head1我哋幾個白痴仲以為今次咁好彩執到「柑」添 ~~ 

…….!!!  都係今晚逛市場時再買幾個正版濟州柑黎試吓啦, 一場黎到濟州無理由唔試吓架嘛 ~~

然後Lawrence就建議將啲餘下嘅5個柑擺晒喺園內嘅石頭爺爺面前請佢食喎,唔知請石頭爺爺食啲咁難食嘅柑會有咩報應架呢 ??
然後繼續參觀其它景區先
~~

原來喺呢道可以清楚望到仙臨橋架 ~~

啲紫色嘅荷花都開得好靚呀 !!

接著要參觀嘅地方係泰迪熊博物館Teddy Bear Museum), 又係一樣位於中文區內, 幾分鐘車程就到喇 ~~

門票係8000韓圓 , 不過只係得我同Ceci兩個有興趣咋, 男人又點會對啤啤熊有興趣呢?  除非係「美女博物館」啦 !!

這個泰迪熊博物館,展現了泰迪熊誕生100年來的歷史,喺博物館裡就有上千隻不同造型、衣飾和背景的泰迪熊, 一啲名人或韓劇中的人物都由泰迪熊扮演。可惜有好多都因為隔住塊玻璃所以影得麻麻地,只有以下呢幾張先影得比較清楚又見得吓人, 所以就同喜歡泰迪熊嘅朋友分享吓啦 !! 其實我以前都好鍾意收藏一啲得意嘅泰迪熊架, 依家屋企仲有廿幾隻啤啤熊唔捨得唔要呀 ~~

呢啲韓國古裝版嘅最有特色, 因為喺其它嘅泰迪熊博物館未見過嘛……!

  

行完個室內展館, 再行埋出去戶外花園睇睇 ~~

下一站係濟州立體美術博物館「Alive Museum」, 呢個係韓國第二間可以體驗到錯覺藝術立體繪畫嘅博物館。第一間係Trick Art Museum, 不過職員話呢間新開嘅大間啲, 而且兩間啲錯覺藝術立體畫都差不多一樣, 最終揀咗呢間因為又喺中文觀光區內方便得多嘛….門票係9000韓圓 ~~

我哋一行到入去呢錯覺藝術立體美術博物館就發覺處處充滿驚喜, 所有嘅世界名畫全變成立3D畫,非常有立體感, 好似啲畫中嘅人物都走咗出黎一樣, 喜歡影相嘅朋友一定唔可以錯過呢間立體美術博物館呀, 我哋喺呢道足足玩咗2個鐘真係玩得勁開心呀, 如果唔係博物要晚上730分關門嘅話,我哋都未捨得走人呀 ~~
遊客可以以作品為背景,擺出各種搞笑姿勢同呢道啲立體畫作品合為一體咁影相留念,不知幾過癮幾好玩呀 !! yxh75

好喇.去片先 !!!  以下係設計對白】

衰鬼, 我pat pat啲皮膚滑唔滑呢 ??

你真係咸到無朋友呀 !! 破壞藝術品嘅美感, 可恥呀 !!

摸我女神咁大膽!!   好嘢,踢中咗個咸蟲, 呵呵呵.....!



你搞完我個女你仲想走人 ??


專玩pat pat嘅變態佬!!

妳條眉未夠靚呀,等我幫妳畫靚佢先 !! onion-head2

好學唔學,學埋晒Lawrence啲變態嘢 !!Monkey Emoticons

Ceci : 你見女人就又攬又錫,我無眼睇你呀!!Monkey Emoticons

你對腳.....??

你係乜年代嘅人黎架? 做乜搶我結他??

勁唔勁呀 ??

一指神功 !!

有嚴重暴力傾向,你死喇,你點賠得起呀?? onion-head47

做乜搶我個背囊喎??onion-head72

救命呀 !!!

係喇...你放咗我然後捉佢啱架喇 ~~

斑馬你甩晒啲色,等我幫你加返啲紋上去啦!!

跑快啲啦 !! onion-head103

Oops! 救你唔到添,bye bye !! monkeys1

飛得咁高, 我好驚呀 !!

你啲口水呀…..!!

真好, 4人大轎抬我唔洗我行得咁辛苦 ~~ monkeys23

我個人頭....oh no !! onion-head78

好掛住你呀,你係下面過得點呀?? onion-head30

唉呀....我已經詞窮喇,唔知寫乜添,不如大家繼續睇相算喇 , 繼續去片 !!

我哋玩到間博物館在晚上7點30分關門之後就離開, 然後起程去西歸浦每日市場行吓, 去到目的地就咁停咗架車係後巷跟住行返過去西歸浦每日市場 ~~


「西歸浦每日市場」
又稱偶來市場,是西歸浦地市區最大傳統市場,營業時間每日07:00~21:00 ~~


西歸浦每日市場
和東門水產市場等都係每日運營嘅傳統市場,喺市場可以購買到新鮮的農、水產品和手信等等 ~~

終於買到啲正版濟州柑喇,果然係好多汁好甜, 而且仲係無核架添 ~~

我覺得黎到濟州除咗一定要試吓濟州柑之外, 都一定要試吓士多啤梨,非常香甜架 ~~

仲有呢啲唔同口味嘅朱古力手信都唔錯架 ~~

然後見到我鍾意食嘅辣辣炒年糕,又買黎一齊試吓, 呢檔整得好好味 ~~

不過行咗一陣都搵唔到一間我哋想食嘅餐廳, 所以決定開車去E-Mart嗰邊行吓超市順便搵嘢食, 可惜太夜喇, 晚上950分去到E-Martfoodcourt又收咗, 所以又去返酒店附近嘅寶健路搵嘢食囉 ~~

其實濟州來來去去大部份餐廳都好似賣同一類嘢食, 唔係燒烤就係海鮮咁, 所以最終我哋決定食返碗拉麵當宵夜算喇, 反正都已經係晚上1050分喇 ~~

然後經過呢間開24小時嘅Paris餅店, 蝦子餅就訂咗個生日蛋糕打算明天送俾我囉 ~~

今早由9點玩到半夜, 係時候返酒店瞓覺叉叉電先 ~~ 

Day 3 (9Apr2013) —

今早945分開車出發去牛島, 牛島跟城山日出峰在同一區內, 由酒店去碼頭要47公里車程, 途中經過好靚嘅油菜花田, 背景就係城山日出峰喇 ~~

我哋1055分到達碼頭, 泊低架車喺碼頭外面嘅免費停車場,然後買船票到牛島~~

船票單程票價係2000韓圓, 另需付每次500韓圓的碼頭使用費 ~~

上船喇….. 我哋搭上午1115分開嘅嗰班船 ~~

啲海鷗好可愛呀, 好多隻不停地追住我哋架船, 一路跟住我哋飛去牛島呀 !!

短短的15分鐘我哋就到咗牛島嘅碼頭喇 ~~


牛島是位於濟州東北面的一個小島
,自古有珊瑚之島、海女之島、燈塔之島的稱呼。其地形似係一頭臥牛,因而得名,牛島上有齊晒得天獨厚的自然美景以及絕無污染的海岸區域。牛島周長17公里,島上居住著約700多戶、1800多位居民,以漁業和農業為生 ~~

原本打算係踩單車遊牛島架, 不過一去到牛島見到呢啲ATV,咖喱妹又未試過所以今次一於試吓租ATV遊牛島先 ~~

每架租金係25,000韓圓2小時, 一架可以坐2個人,不過要持有國際車牌先租到架 ~~

不過回程我哋打算搭下午3點半嗰班船, 所以就計劃用2小時時間去遊島, 然後喺牛島食埋個晏先再去下一個景點城山日出峰 ~~
出發咯 !!! Go go go !!!!

  

濟州海女是牛島獨有的傳統文化,牛島從前水產豐富,海女可徒手閉氣潛入海中達數分鐘捕撈鮑魚、海膽等水產,隨著時代的轉變,這個行業已漸漸式微,你會發現岸邊還有少許海女在工作,但她們已是年過半百的海婆婆了 ~~

 喺岸邊發現有一專賣海女新鮮魚獲嘅檔口, 有海螺同八爪魚等等, 我哋一場黎到又走去試吓先 ~~

我哋試咗海螺刺身, 好新鮮,不過有啲硬,配返一杯韓國嘅傳統酒「馬格利」就食落更加鮮味喇 ~~

馬格利酒是用糯米、粳米、大麥和麵粉等一起蒸過後,再攪拌酵母和水進行發酵的一種韓國傳統酒。馬格利原來是在農民們辛苦勞作了一天後用來解乏的酒,而近來被認為是一種健康飲品,極受韓國年輕人和外國朋友的歡迎。馬格利酒酒濃度只有6~7度,不屬於烈酒,醇香綿軟口感極好 ~~

我哋嘅早餐就咁喺島上試吓魚蛋又試吓紅豆魚仔餅咁就一餐喇 ~~

個海景都唔錯吖, 遊人又唔算多, 感覺好寧靜好舒服呀 !!

如果喜歡油菜花嘅朋友如果呢個季節黎到牛島就啱晒喇, 啲油菜花簡直無處不在呀, 好靚呀 !!

因為我哋想搭3點半嗰班船, 又打算喺牛島食埋午餐先搭船返出去, 如果miss咗就要等4點半嘅尾班船㗎喇, 而且ATV只係租咗2小時,如果過時還車要計多2小時租金咁咪唔抵囉, 所以最後嗰半個小時我哋全速前進, 完全無再停低過影相喇 ~~

下午205分趕到返去還車, 雖然遲咗五分鐘但係好彩無罰錢咋 ~~

就喺附近搵咗間餐廳食晏先 ~~

然後行返去碼頭搭船喇, 我哋登咗船後在船上見到碼頭外面有一對情侶好休閒咁行緊過黎準備搭船, 點知佢哋望住架船開咗好鬼慘呀 !!

原來架船一載滿晒啲車就算未夠鐘都會早啲開架, 所以要早啲去碼頭上船穩陣啲呀, 我哋班船320分就開咗喇, 早咗成10分鐘呀 ~~

落咗船之後就行返去停車場取車, 然後繼續今日嘅行程, 下一站係城山日出峰 ~~

 

城山日出位於濟州島東部海岸的火山,海拔182米,係10萬年前海底火山爆發而形成, 其頂部有巨大的火山口, 從高空遠望才可以明顯看出火山口的模樣 。火山口直徑600米,深90米,面積達8萬多坪,如同一頂巨大的皇冠 ~~

(以下這張是源自網上從高空拍的城山日出峰圖片)

登上這座小山來回約需50分鐘左右 ~~

城山日出峰係因可以看到日出的景致而聞名 ~~

登上山時可以望到好靚嘅濟州風景 ~~

終於行到上去火山口喇 ~~

喺呢道可以望到牛島架 ~~

周圍行吓影吓相, 然後就開始慢慢行返落山去喇 ~~

下一站我哋黎到涉地可支(Sopjikogi) ~~

涉地是這一地區古代時的名稱,可支是濟州島方言, 意思是向外突出的地形,位於濟州島東部海岸的一端。涉地可支所在的海岸懸崖上是一片寬闊的草地,這裡一棵樹也看不到, 海岸上聳立著一塊叫仙石的岩石 ~~

涉地可支成為許多電影和電視劇的拍攝外景地, 韓劇《大話妹》中出現的油菜花田和《 All In 》的教堂都係喺涉地可支取景架 ~~

每年 4 月便是油菜花田盛放的季節,常常令人停下駐目。除了有著名的油菜花田,也有奇岩怪石及浪漫修道院等,一年四季都秀麗怡人,不過就超大風, 連啲油菜花都被風吹到歪埋一邊喇 ~~

燈塔上有鐵臺階,大家可以很輕鬆地登上去睇海岸的風景, 不過我無上到去燈塔, 而留咗喺油菜花田賞花 ~~

 

涉地可支呢道最靚嘅應該係日落景喇, 我哋架車就停咗係岸邊, 等到日落後先捨得離去呀 ~~

日落之後我哋又開車返去寶健路食晚飯, 不過呢間啲食物水準好似快餐店咁, 不值一提喇 ~~

食飽之後再返去酒店房間食好好味嘅超濃朱古力熊仔生日蛋糕, 因為今日係咖喱妹嘅生日, 而今次呢個濟州之旅都算係慶生之旅黎架,嘻嘻……!!

Day 4 (10Apr2013) –

今朝一早825分就開車出發去翰林公園,車程30公里 ~~

門票係每人9000韓圓~~



翰林公園一共設八個主題區,熔洞及椰林外,還有雀鳥園、亞熱帶植物園及民俗村等,猶像縮水版濟洲,將島上最美的東西都集齊因狹才、金陵海水浴場及飛揚島的優美景色,成為濟州境內首屈一指的著名旅遊景點。10萬餘坪的大地上種滿挺拔的椰子樹與松樹,又有多種鮮花點綴其間,一年四季色彩繽紛。公園內有16個植物園,園裏生長著濟州特有的島生植物和其他亞熱帶植物。不僅異國色彩濃厚,還有傳統風情濃郁的民俗村——財岩村落,以及濟州石盆栽園、財岩壽石館等等~~

其中的櫻花園植有繁盛的櫻花樹,配合地上的一片油菜花,是個不可多得的組合 ~~

唔可以唔到嘅係「雀鳥園~~

這裡有鴛鴦、孔雀等色彩鮮豔美麗的鳥類,以及駝鳥等可近距離地觀賞 ~~

又有又高貴又特別嘅白色孔雀, 簡直係艷壓全場呀!!

可惜我哋今日比較趕時間, 中午12點前就要離開喇,並無時間慢慢咁行晒整個翰林公園, 因為今日下午1點要送Ceci & Lawrence去機場搭機去上海, 而且我哋都要順便去還車嘛 , 所以好快咁抽咗幾個景區順次序地行咗2個半小時左右就走咗喇 ~~

呢道係「挾才窟和雙龍窟」,雖然是熔岩洞窟, 但係可以睇到石灰洞窟里的鐘乳石和石筍,是世界唯一的二元複合洞窟 ~~

好得意呀, 啲石頭有眼、口同鼻架 ~~

中午12點離開咗翰林公園之後就匆匆趕去食個晏~~

呢間地道小餐廳賣的海鮮手打拉面和包子好好味呀 !!

然後食飽就嗱嗱臨車Ceci & Lawrence返酒店取行李,跟住走出發去機場放低佢哋兩個喇,因為佢哋兩個餘下嘅行程將會喺上海繼續,而我同我蝦子餅就留返喺濟州繼續我哋仲有一日半嘅行程,送完佢哋去機場之後就喺附近嘅油站入滿油, 然後就開車去AJ公司還車喇 ~~

其實今日410號我哋仲留喺濟州,心裡面一直都有少少擔心架,因為出發前一直都有留意北韓嘅新聞,49號嗰日上網仲見到以下新聞,好驚個肥仔真係玩嘢囉,如果一個唔覺意,飛彈射唔正,射錯咗飛咗去濟州咁我條命仔咪凍過水 !!

49號朝鮮當局已正式通知外國使領館,410號要向日本海發射飛彈。朝鮮還聲稱,熱核武戰爭可能爆發,並警告住在韓國的外國人想辦法避難或逃離。朝鮮亞太和平委員會49號發表聲明,警告外國遊客和外國企業為了安全,要採取措施撤離首爾和韓國其他地區

http://www.hkej.com/template/onlinenews/jsp/detail.jsp?cat_id=1&title_id=143000

http://news.sina.com.tw/article/20130410/9340925.html

不過既然都黎咗咯,唔驚得咁多啦,繼續去免稅店行街街掃貨先,要買夠我用一年嘅護膚品呀 ~~



我嘅戰利品呀 !! onion-head29

仲買多一盒食過返尋味嘅士多啤梨 ~~

傍晚掃完貨之後就行返去寶健路搵嘢食 ~~

今晚嘅晚餐係韓式鐵板炒海鮮+雞套餐, 每張枱都有個靚女負責幫食客炒熟啲嘢食架 !!


Day 5 (11Apr2013) –

車已經還咗喇, 所以今日我哋終於要搭車去我哋喺濟州嘅最後一個觀光景點喇, 今日要去嘅係大多數古裝韓劇主要嘅拍攝場地濟州民俗村博物館~~

因為今日行程最輕鬆, 我哋搭嘅係晚上開出嘅港龍機返香港, 所以今早瞓到自然醒, 跟住執埋啲行李退埋房, 將啲行李寄存喺酒店大堂,然後11點先出發去濟州市巴士總站搭車去濟州民俗村博物館~~


去到巴士總站售票處,
買咗23000韓圓嘅車票 ~~

見班車開1128分, 仲有少少時間,所以就喺車站嘅小食店買咗我愛嘅魚蛋串同埋試吓濟州嘅蕃薯 ~~

啲蕃薯真係好甜好香呀,除咗韓國同日本之外,喺香港我未食過咁甜嘅蕃薯架 ~~

然後喺3號車站上巴士喇 ~~

不過車程都幾耐,要大約100分鐘先到達濟州民俗村博物館 ~~

我哋喺中午1250分落咗車之後就去買門票, 8000韓圓一張, 另外再租咗一部Audio Pen播音筆導遊為我哋邊行邊介紹每個景點, 租金係2000韓圓 ~~

濟州民俗村博物館完整地保存1890年代的濟州風貌,並以5萬坪的腹地做為文化空間, 共有多達117個傳統家屋,山村、中山間村、漁村、宮衙、市集、民俗表演場、無形文化之家、農具展示館等。展示的物品包括了木器、陶瓷器、土製器皿、蠟製物品和鐵器等。有心探訪濟州文化的您,民俗村博物館絕對係不可錯過選擇 ~~

20063月起,濟州民俗村博物館新增設了大長今迷你主題公園,呢道就係拍攝長今被流放一直到成為醫女時的外景, 喜愛大長今呢套韓劇嘅朋友一定要去睇睇喇 ~~

除咗大長金之外, 仲有其它韓劇都係喺呢道取景嘅 ~~


行吓行吓見到有間餐廳仔, 就順便喺道食餐晏 ~~

食飽之後又繼續行埋其它景點, 不過望落間間屋, 無論學校或醫院等等都差唔多樣咁嘅 ~~

呢道係古時嘅衙門喇 ~~

好嘢……! 用咗3小時多啲我哋終於行晒喇, 然後下午435分我哋搭返巴士去濟州市巴士總站, 然後再轉的士去中央地下商 ~~

一落車見到前面就係濟州東門水產市場, 所以就順便入去行一圈, 參觀一下濟州歷史最悠久的市場之一~~

跟住就去咗中央地下商街行個圈,  呢道有好多唔同嘅店舖,服裝店、飾物、童裝店、化妝品等約300間店鋪,營業時間從早上10:00至晚上22:00 ~~

然後再行返去小巷, 搵到一間好地道嘅餐廳,又趁離開濟州前食多一餐地道嘅韓國菜, 呢餐係我哋喺濟州食過最平最抵嘅一餐,6000韓圓有8個配菜, 一個土豆雞湯同埋一個韓式手卷,真係又平又好味  ~~

傍晚6點我哋就打的返酒店拎返啲行李, 然後就出發去機場撤離韓國喇, 話咁快就結束咗一個輕鬆又愉快嘅濟州島5天遊喇 ~~

 

多謝觀看!!

GPS景點/餐廳電話號碼 :

 EChae Hotel 749-2700

濟州國立大學 754-2114

西碼頭生魚片店街區 727-2525

西歸浦每日市場762-1949

樂天酒店愛之湖 738-7830

如美地植物園 738-3828

新雨城Town 738-7830

天帝淵瀑布 +仙臨橋  738-1529

泰迪熊博物館 738-7600

3D 奧妙藝術館 787-8774

Alive Museum 805-0888

麵條文化街, 萬歲麵條702-7056

城山日出峰 783-0959

海女表演時間:1330 and 1500

牛島碼頭782-5671

涉地可支 733-2701

濟州民俗村博物館 787-4500

濟州民族五日集 743-5986(每月的2712172227號)

翰林公園挾才窟 796-0001

水族館 780-0900

小人國主題公園 794-5400

香草小屋7730097

E-Mart 729-1115

機場742-8866

 

 

 

15 thoughts on “濟州島追櫻驚見油菜花の5天自駕遊

  1. 濟州立體美術博物館 果到d畫好搞鬼haha
    [版主回覆05/20/2013 22:10:52]係呀,好好玩又搞笑,啲相我一路睇返自己都笑到傻咗呀!哈哈!

  2. 又是一百個讚,就像一本旅遊雜誌,看了不用去,哈哈!因為比自已去還精彩。
    [版主回覆05/20/2013 22:12:18]多謝你咁有心機睇晒我每一輯嘅遊記,多謝支持!

  3. 你好, 有睇你的文, 欣賞你將旅行的精彩的照片及資訊分享, 我都想自由行去濟州島, 溝通會否有困難, 因我完不懂韓語,車的GPS是否很易操作, 訂車/酒店是否在香港預訂先,有甚麼要留意, 謝謝!
    [版主回覆06/04/2013 13:45:36]其實我哋都唔識韓語,所以有啲難溝通,不過車的GPS好易操作,輸入景點或餐廳電話號碼即可。無錯,車和酒店一早在香港預訂的!

  4. Carine, 濟洲個錯覺藝術館幾好玩, d畫好有立體感, 好似貞子由電視機爬出黎咁迫真. 沖繩既黑豚肉會唔會好似你地去濟洲試既黑豬咁好味. 油菜花田我就未去過, 鮮黃色既花特別搶鏡.

  5. the info is really helpful before I plan to Jeju especially your kind reminder to bring international driving licence when driving the ATV in Udo .. anyway thanks again. Always have a good trip : )

  6. Tks for your sharing n very useful indeed. I am planning to rent a car, will it be easy to drive from airport to 城山日出峰 n 涉地可之? How long it takes? If I will be going from airport to those two places n need to be back to my hotel near airport including general sightseeing time around there, what time u think I can be back to my hotel which nears the airport (Jeju)? Also, where u normally parked your car? U could find carpark easily? Was it easy to drive in Jeju? I tried to find the route in google map but it always says not available for car n only find bus numbers so I am do worried to drive there. Tks

    • It’s easy to drive around in Jeju Island if you know how to use Google map correctly, all the distance in km and expected driving time is clearly stated in Google map or your GPS. And there are always parking area in tourist attractions. Do set your destination by using google map or Waze and you will find the correct direction on how to get there.

  7. Hi, I am from HK and want to visit using similar route. Thank you for sharing.
    May I ask if parking is difficult to find e.g. around the shopping area (underground) in the city pls?

Leave a Reply

Your email address will not be published. Required fields are marked *