黑色旅遊警示下的「曼谷」美食遊

曼谷,是泰國的首都,也是東南亞其中一個最大的城市。全市面積 1,568 平方公里(超過 1.4 個香港般大),人口達 816 餘萬。曼谷除了是泰國的政治、商業、工業及文化活動中心外,其著名旅遊勝地亦數之不盡。除咗其它幾個熱門旅遊勝地例如布吉、芭提雅、清邁、華欣之外,泰國首都曼谷呢個地方我自1992年開始到今年2014,相信已經到訪過起碼20次,不過我依然咁鍾意去。因為曼谷俾我嘅感覺係掃平靚正貨品的勝地,而且又係做spa的天堂。 泰國近年極力發展旅遊業,而政府很懂得重新包裝旅遊景點,令她永遠都能迷住每一個遊客再次重訪。
 
近呢幾年每次去曼谷旅遊都只係飲飲食食、 行街購物同埋按摩做spa,都冇乜其它特別的節目同行程,喺商場裡面從來都無乜影相,所以冇寫過曼谷遊記囉!不過今次的曼谷5天美食遊係同蝦子餅的屋企人去,所以精心為佢地安排咗一個曼谷5天遊的行程,而且呢段時間仲係黑色旅遊警示添,咁驚險的一個旅程一定要將佢記錄低啦,嘻嘻!

yxh75
 
以下係我們5天的行程:

Day 1(19/2/2014 星期三)

– 搭HX775班機直飛曼谷

– 入住Grande Centre Point Hotel Terminal 21酒店

– 泰式午餐於Terminal 21 Mall

– Asiatique the riverfront夜市

– 晩餐於Asiatique

– 自由活動(可享用5星酒店設施)
 
Day 2 (20/2/2014 星期四)
– 酒店自助早餐

– 拜四面佛

– 地道泰式魚蛋粉 + 水門街海南雞飯

– 水門街批發集中地(Platinum Fashion Mall)

– MK泰式火鍋晚餐@Central World
 
Day 3 (21/2/2014 星期五)
– 酒店自助早餐

– 丹嫩莎杜艾水上巿場

– 下午3時轉去Novotel Bangkok Fenix Silom Hotel

– 午餐於MBK Mall 的美食廣場

– Siam Paragon, Siam Centre & 家品集中地Siam Discovery

– 日式晚餐@ Oishi Grand Buffet Bangkok

– 行Silom夜巿

 
Day 4 (22/2/2014 星期六)
– 酒店自助早餐

– Chatuchak週末巿場

– 地道海鮮晚餐Laem Cha-Roen Seafood @ Siam Paragon

– 泰式按摩

Day 5 (23/2/2014 星期日)
– 酒店自助早餐

– Big C 超級市場(最後買手信時間)

– 中午退房之後去機場

– 午餐於機場美食中心

– 乘搭香港航空HX776 (下午3時05分起飛)

呢個多圖少字的一輯簡單遊記,就當係一輯曼谷吃喝玩樂好路數啦!等我今次用我部相機和電話的鏡頭帶大家去一趟曼谷,深入虎穴去探索一下黑色旅遊警示下的曼谷到底有咩唔同、有幾驚險喇!

去片 !!! yxh91

因為我同蝦子餅乘坐的國泰航班比佢地乘坐的香港航空早咗3小時到達曼谷,所以我地喺機場搭的士去咗MEGA Bangna購物商城打發時間同食晏。
Mega Bangna這座商城並不是為了觀光客打造的,位於曼谷郊區近Suvarnabhumi機場,地點偏僻。MEGA Bangna占地超過四十萬平方公尺,有八百多間店鋪,其中包含Ikea宜家旗艦店。整座商城的動線規畫很簡單,只有兩層樓,且呈圓形設計,所以只要一直向前走就會繞回原來的地點,整個商城除了IKEA佔地比例較大之外,還有大家熟悉的Big C,而且還是Extra版,規模更大,而且都有Food Court、MEGA電影院、保齡球館和冰宮等等 ~~

鏡頭一轉, 蝦子餅嘅家姐、2個姨甥女、細佬和弟婦就喺香港機場準備上機飛往曼谷去同我地會合喇 ~~

呢2晚我地住嘅帝寶航站21酒店(Grande Centre Point Sukhumvit – Terminal 21)係位於Terminal 21購物商城樓上,旁邊就是BTS Asoke站及Sukhumvit 地鐵站,酒店地點非常方便 ~~

酒店大堂 ~~

寬敞的客房設計時尚豪華,設有平面有線電視、迷你吧、微波爐、冰箱、免費無線網絡連接、兩層電動窗簾 ~~

浴室除了配有乾濕分離浴缸、吹風機和洗浴用品之外,還有免治馬桶,豪華的現代化設備,非常舒適,正!onion-head29

不過在Terminal 21購物商城下面就係大批示威者聚集嘅地方,泰國近日多次發生懷疑針對反對派示威的手榴彈襲擊案,所以住喺呢區感覺都幾危險。其實整個曼谷所有嘅旺區同旅遊區都佈滿著示威者嘅帳幕,他們的癱瘓曼谷行動其實就係封鎖所有嘅主要道路,包括最多遊客到訪嘅Siam區 ~~

房間的街景 ~~

放低哂所有行李之後我哋就去咗樓下Terminal 21裏面嘅美食廣場食晏 ~~

好喇,各位團友可以開始各自去覓食喇,go go go…..!!yxh50

以下呢幾張相片就係呢個美食廣場可以搵到嘅美食喇,選擇多而且價錢好抵食 ~~

食飽之後就出發去今日主打行程Asiatique The Riverfront夜市 ~~

Asiatique the riverfront是曼谷目前最潮最火的大型河濱夜市。這大型河濱夜市是在去年2013才開幕的,營業時間係從下午5點一直到晚上12點 ~~

如何前往?先乘鐵路到BTS Saphan Taksin站,從二號出口往碼頭方向走,再搭乘Asiatique 專用的接駁船,約十分鐘就可到達河畔夜市。接駁船身寬敞舒適,費用全免,沿途還有河景欣賞,頗為舒服 ~~

大家睇吓我啲「超低能勁白痴」嘅團友有幾興奮,呵呵!!

這個夜市係個好好行嘅地方, 與其說是夜市其實我覺得更似係河濱商城, 在這裡無印象中夜市的嗰種髒亂,亦唔會擁擠到令人只想快步離開嘅感覺,有的是規劃過的商店街,以及很多食店,除了泰式料理之外還有很多其它料理,區域之大可能一晚根本未必逛得完,買土產或手信都可以來呢度選購, 裡面賣嘅嘢好多,好正!

onion-head68

呢啲彩色一粒粒嘅係好好味嘅雪糕糯米糍啊 ~~

我哋喺度食咗一餐正宗又美味嘅泰菜 ~~

然後啲靚仔靚女們就開始濕平喇!onion-head86

酒店食早餐嘅地方位於F樓一間裝修好豪華的餐廳 ~~

我哋每一朝都約好晒大家先落去酒店餐廳嘆番個靚早餐然後再出發 ~~

今早第一個行程係去拜四面佛,搭BTS去到Siam站,這裡是百貨群聚的地方,也是來到曼谷必定要來朝聖的地方。沿著 BTS 的天橋就可以連逛好幾座購物中心,有Siam Paragon, Siam Discovery, Siam Centre, Central World, Big C超級市場等等, 也能沿路走到四面佛,而且又可以避開地面的示威區,非常方便。這區有許多家居設計的店,可以挑選到很不錯的擺飾及設計獨特的家飾品,真係會逛得好開心架!

到底隊長同埋夫人喺度望啲咩呢?原來佢地喺度八下面啲示威人士同小販做緊啲乜嘢囉!

我哋呢幾日去過嘅Asoke站,Siam站,National Stadium站,Sala Daeng站,每次經過都見到周圍都係示威者嘅帳篷,係數以千計,真係曼谷嘅一個奇景呀!

我去年2013年9月才帶媽咪到過曼谷,當時影到以下呢幾張Siam區的相片同今次比較一下,大家睇下有啲咩唔同?Central World近四面佛一帶都已經變成大型示威區喇!

四面佛是印度婆羅門教神祇,原是婆羅門教三大主神之一的梵天,是創造天地之神。在東南亞、泰國被認為是法力無邊,掌握人間榮華富貴之神;其四面分別朝向東南西北,供信眾祈福。由於外形近似中國佛像,中文譯名多為四面佛,但事實上四面佛不是佛,所以準確而言應譯為四面神。( 資料節自:維基百科 )

呢檔魚蛋粉係我極力推薦嘅一間,位於Central World對面的一條小巷裏面,40THB一碗係絕對超值,好好味架!

食完魚蛋粉再繼續掃街,再來一串豬肉串燒、一隻燒雞翼、仲有加咗泰式辣醬汁嘅燒魷魚都係必食之選!

睇到佢哋嘅食相就知好味啦 !!

成條街都係小販攤檔,咁又點少得掃平貨嘅時候啊…….你睇下靚女華佢買得幾開心,嘻嘻!

行吓行吓就來到曼谷水門街喇,啲勁為食嘅團友們行到身水身汗都係為咗一碟海南雞飯。這家在水門市場橋頭第一家的海南雞飯賣相絶不花巧,但勝在雞嫩味鮮,飯粒香綿,加上店家自製的泰式醬油和湯,店家一開店很快便座無虛席,我哋都排左一陣隊先有位架…!!

啲員工都着晒粉紅色衫嘅制服,所以呢間海南雞飯店好容易認架咋 ~~

喺同一區嘅呢間「Platinum Fashion Mall 水門批發中心」,有來逛過的朋友們就會知道,這裏不僅是買得到時尚潮流時裝飾物,重點喺呢度好逛又有冷氣吹,完全不怕外頭的風吹日曬 ~~

晚上我地食飽冇嘢做就喺酒店嘅泳池區嘆番支紅酒 ~~

第三日一早嘅行程係水上市場,但因為呢個地方BTS或地鐵都唔到,所以我地參加咗當地嘅「媽媽旅行社」半天團,早上6點半司機去到酒店接我地,所以晨早6點鐘匆匆地食咗個酒店自助早餐就出發喇!

丹嫩莎杜艾水上巿場(Damnoen Saduak Floating Market)是泰國最有名的水上市場。坐落在曼谷向西 101 公里的拉差汶里 (Ratchaburi) 省份,從曼谷到這裡只需僅僅 2 個小時車程,如果唔塞車同埋開得快的話一小時多啲都可以到喇!

呢位就係我地嘅船夫喇 ~~

各位團友快啲上船坐穩喇,坐喺我後面仲有兩位台灣妹 ~~

每天早上都有成千上萬的旅客爭相地到 Damnoen Saduak 體驗一下當地人嘅生活文化色彩。早上7~8點是當地嘅水上市集,而9點之後就只剩下比較多賣紀念品嘅水上市集了。從泰式零食到早餐、水果、帽子、 T 裇、蔬菜、衣服、玩具等等,您都可以喺船上買得到。尤其係新鮮的水果和蔬菜,品質與價格比曼谷的要好上一大截。不過船上或河岸邊售賣的紀念品卻要比曼谷的來得貴。無論如何,在船上享受美食和選購紀念品確實係個難得又美好嘅體驗黎架!

呢位大嬸賣嘅係泰式炒蠔餅,我地都買咗兩碟試吓,味道不錯!

家姐就幫襯咗呢個大嬸買咗好多青芒果同埋人參果,價錢真係好平 ~~

呢個半天團的下一個景點係鐵道市場(Marklong Railway Market)
距離曼谷70公里的「鐵道市場」名字的由來,是因為那裏有個叫Maeklong的火車站。這個市場真的很特別,所有的攤販就貼著鐵軌擺攤,整籃的水果、蔬菜等直接擺在鐵道中央 ~~

每當有火車要通過時,就會鳴笛,攤販們就立即快速地收攤、收棚、收籃準備迎接火車的來臨。攤販們收攤、收棚、收籃,動作超級迅速,總是能在火車鳴笛後短短的瞬間,收拾得乾乾淨淨。如果說泰拳可以「秒殺」對手,那麼這裏的攤販則可以「秒收」貨物。這種未曾見過的奇景,甚至上了Discovery探索頻道,從而吸引了許多遊客前來親眼目睹,我們都覺得超正啊!

這兩個市場景點的半天團費用係每人600THB  ~~

 Day 3的午餐 ~~

泰國翟道翟市場(Chatuchak Weekend Market)對愛濕平的遊客而言是一個不二之選。論攤檔之多、貨品之多樣都屬亞洲之冠,市集面積龐大,約有 15,000 多個攤位,最近更新增了 Kamphaeng Phet、 Jatujak Plaza、水果及土產市場。遊客可在 Tourist Information Center 先拿地圖看看自己想要買的貨品區在哪才開始血拼之旅,否則必會迷路 。 如何前往Chatuchak週末巿場? 只要坐Skytrain BTS火車到 Mo Chit 站再走一段路便到達,或者搭地鐵去到 「Kamphaeng Phet」 MRT 站,2號出口便是了 ~~

翟度翟市場,只係開星期六、日。 所賣的品種包括: 林林總總家居用品:如窗簾、門簾、大小擺設、枕頭、被具、瓷器、木器、男女裝tee、時款衫、皮具、女裝的花款皮帶、飾物、水晶類頸鏈、鞋、眼鏡、軍用相關用品、衫、食品、雜貨、食市、文具、花紙卡、信紙、相簿、手工用品、書、雜誌、盆裁、洋燭、香皂、其他手造工藝品,總之就應有盡有啦!基本上遊客在周未跳蚤市場什麼都可找到。遊客最好先儲好腳骨力再向翟道翟市場出發 ~~

好漂亮的波板糖肥皂 ~~

Siam Paragon能滿足現代城巿人的吃喝玩樂各種欲望,消閒娛樂美食無一遺漏。約250個世界一級名店都可以喺呢個商場搵到。除咗商店外,Siam Paragon還設有大型歌劇院,可容納1800人,也設有佔地10,000平方米的「暹邏海洋世界」~~ 
最吸引我的都係佢嘅food court 同埋4樓的餐廳。選擇多到實在令人興奮而又難以取捨呀!

呢間Swensen’s真係猶如7-11咁梗有一間喺你左近,各大小商場總會見到佢既出現。Swensen’s 係美國品牌雪糕,裝修都幾靚,彩色繽紛,同 Haagen Dazs比較係兩個唔同既感覺,而且價錢好抵食。所以每次去泰國,我都會幫襯佢架,唔食過會囉囉攣唔安樂架!
今次我哋仲一共食咗兩次添,好似有啲過分喎,哈哈!

另一種好特別嘅甜品就係呢啲喇,你哋睇吓佢嘅賣相幾靚,細細粒嘅生果造型做得好精緻,裏面食落去好似有綠豆蓉,我鍾意呀 !! yxh06

另外以下呢兩間日本餐廳我都試過,Fuji Japanese Restaurant 同埋Oishi Grand Buffet Bangkok,如果有時間都不妨一試吖!

芒果糯米飯係啲團友們嘅至愛,所以我地日日都去食番轉先至安樂!

今次看書介紹去試下MK火鍋,它的鍋底是白蘿蔔熬的清湯,特別的是泰式口味的沾醬(可以一直叫服務生加) 至於火鍋料是不同的餃、蔬菜和丸子為主 ~~

我們Day 3 & Day 4兩晚轉咗住諾富特菲隆奇酒店(Novotel Bangkok Fenix Silom),呢間酒店的優點係可以遠離示威區,不過距離BTS Surasak站就比較遠,大約10至15分鐘的路程。 房間比較細,但裝潢新穎、乾淨明亮,有免費無線上網連接。 呢度係6樓食早餐的酒店餐廳 ~~

Day 3晚餐呢間位於Siam Paragon 4樓的Laem Charoen Seafood海鮮餐廳係我極力推介嘅一間,今次已經係我第三次食,但水準依舊,味道超好而且價錢合理 ~~

上次帶媽咪去Laem Charoen Seafood海鮮餐廳 ~~

Central Food Hall ~~

再介紹俾大家嘅係位於Central World 7樓的Central Food Hall裏面的呢檔芒果糯米飯,比起其它的都好味 ~~

最後Day 5中午出發去機場之前我地先去咗一轉Big C超市掃貨,早上8時搭BTS去到Siam站,沿途我地都盡量行天橋以避開啲示威區,但係要行去呢間超市就必須經過Central World對出嘅地面示威區才能到達Big C門口 ~~

然後上午11時大家掃完貨之後,靚女華同隊長夫人仲繼續穿過示威區行番去Central World買5盒芒果糯米飯準備帶返去俾屋企人食。而當我哋返到香港之後就見到以下呢單新聞,如果呢單爆炸案發生喺當日嘅十一點,我都唔敢想像喇!

yxh49

中午退左房之後我哋就包咗架12人車送我哋去機場搭飛機返香港喇!onion-head19

呢5日都在嘻嘻哈哈的歡笑聲中度過,開心的時間感覺過得特別快,而有驚無險嘅五天曼谷美食團就好快咁結束咗喇,期待明年可以同大家一齊再去旅行,再一齊玩過癲過啦!onion-head23

 

 

18 thoughts on “黑色旅遊警示下的「曼谷」美食遊

  1. 嘩…真係好多美食丫
    我最like既應該係芒果糯米飯,岩晒我食~
    水上市場&鐵路市場都好正,唔似平時見開既曼谷,呢兩個地方我都有興趣~

    • 話明係美食遊咁當年要夠多美食啦,如果唔係容乜易俾班團友話貨不對辦架,嘻嘻!

      唔止芒果糯米飯好食,其實仲有好多好好味又抵食既嘢架,既然有興趣就要諗下幾時去番一轉泰國喇~

  2. 哈哈, 你們都算厲害, 黑色warning都夠胆去, 我剛剛X’mas都去了一趟, 當時還是 Red 的, 已經比人鬧了. 其實我都好想現場感受一下民主的進化, 但無你地咁好彩, 只見過一單在警察總部, 示威者只幾十人而已. 我們的行程跟你們的差不多, 因我今次是陪太子讀書, BKK 亦非我的最愛, 有點模糊了. 正在惆悵如何去寫, 你的遊記正好recall 了我的memories. (很多美食呵!) Thks a lot.
    呀! 其實我忘記掉, 我是想问一下, 你有到過 Cameron Highlands嗎? 可有些什麼 suggestions? Thank you!

    • 黑色旅遊警示生效之後其實我一共去咗兩次泰國,農曆新年個時同屋企人去咗泰國華欣自駕遊,然後返嚟兩個禮拜之後又再出發去泰國曼谷。 出發之前我都有擔心過啲團友嘅安危架,不過既然訂晒機票而酒店又俾晒錢,如果取消行程的話大家就會好掃興囉!所以諗住去到隨機應變,盡量避開示威區囉,可惜基本上所有市中心旅遊景點周圍都係示威區,真係避無可避囉!

      金馬侖高原(Cameron Highlands)我有去過,不過係讀緊小學嘅時候喇,係N年前喇,所以印象都非常的模糊,印象中嗰度都幾悶下,只有一大片綠油油的茶園、菜園、草莓園、和有好多英式的渡假屋咁囉…….不過啲空氣真係好清新架!
      仲記得屋企人開車上山嘅時候,唔知道兜咗幾多山路,又轉左幾多個圈先上到去呀~
      sorry! 今次幫你唔到添,唔好意思呀!(^o^)

      • Oh, don’t be sorry!
        你已經比咗意見&答了我的問題, 況且還是免費的. Don’t you see that?
        多謝你咁快回覆就真!
        寫多D精彩遊記啦, 已經愈來愈少人寫blog了.
        再次多謝你的無私分享!
        Bye!

    • You may email them in advance before you visit Bangkok next time, and they will pick you up from your hotel and you can pay the driver directly on the same day.

      Mama Travel & Tour
      144 Khao san Rd., Pranakorn, Bangkok,10200
      Tel : 02-6291163,02-6291045
      Fax : 02-6291046
      email : mamatour1@hotmail.com

  3. 遲咗報到!唔好意思!=.=
    我要投訴成隻油雞太多美食,太豐富,太吸引,搞到人流到成地口水!(講笑XD)
    曼谷真係好正,如果有幾日假又唔知去邊去曼谷hea下都唔錯!
    可惜而家局勢仲有d混亂,希望快d回復正常,遊客都玩得安心d!

    • 唔遲唔遲,一啲都唔遲,遲到都好過無到嘛,嘻嘻…….多謝Leng! =)
      我都好希望曼谷局勢快啲穩定,一切回復正常,咁大家就去得安心又玩得開心喇!

    • 多謝Kaka對我的關心!
      It is really a sad news, 見到呢單新聞個心都酸晒,真心希望有奇蹟出現,we are praying hard for the passengers and crew members of MH370…….=_=

  4. 不計中國大陸,曼谷暫時是我去得最多的地方吧,但是看完咖喱批姐姐的油雞,總覺得自己還是一個小學雞,總像很多地方都沒去過似的,還要有很多東西都沒吃過。

    本來早已感到有點餓,再看這個油雞已經感到非常肚餓了,不知道還可以支持多久。

Leave a Reply

Your email address will not be published. Required fields are marked *