安徽古鄉訪花田-盧村、宏村、婺源篇「Part 2」

Day 3 (2Apr2013) —

下午我哋搭轉乘車返到湯口鎮之後,程師傅喺轉乘車站接我哋然後車我哋返阿拉酒店拎返晒啲行李先,因為我哋喺阿拉酒店退房準備上山之前已經將所有行李箱寄存咗喺酒店嘛,  然後就出發去盧村喇,不過程師傅見我哋未食午飯所以建議先車我哋去食地道嘅農家菜 ~~

下午240分我哋去到呢間位於休寧縣藍田嘅「三棵樹人家土菜館」~~


大家見到菜館周圍都有好多走地雞,而大家又想試下當地嘅土雞有幾好味,但係我唔敢揀,因為我知道我一點中佢,佢就會立即要俾人劏,所以就派咗摩囉星負責去揀雞,而我就負責幫隻土雞影張遺照啦 ~~

摩囉星揀嘅就係以下右邊呢隻土雞喇 ~~

結果唔洗幾耐時間隻土雞就變咗呢煲超級鮮味的雞湯喇,肉質彈牙而且好有雞味,超正呀!!

另外我哋極力推介嘅有呢種我哋從來未試過嘅高山人手採摘野果加黃豆天然提煉嘅黑啫哩豆腐,  口感好特別,又似啫哩又似涼粉又似豆腐,好好味~~ 

食飽午餐之後就立即起程出發去盧村, 沿途的鄉村風光 ~~

下午4點20分終於到達盧村喇 ~~

其實最靚最大片的油菜花田已經可以喺村口睇到, 但我哋為咗想參觀盧村的木雕樓, 所以我哋買咗50人仔的門票入盧村 ~~

入盧村要由呢條橋行過去 ~~

徽州村落都係建在河水旁邊,方便飲用、洗滌,又可以灌溉農田,好方便 ~~

盧村係宏村旁邊,大約兩公里路程,但因為宏村名氣實在太大,長期都迫滿人,大家反而忽略左盧村呢個小小既地方;盧村比我既感覺更靚更純樸,無論環境﹑遇到既人﹑甚至售票員比我既印象都好好,好有親切感,由進入盧村開始就有當地居民導賞員帶領,好詳細介紹盧村同徽派建築既特別之處, 不過我已經唔記得太多喇…….

盧村木雕樓又稱七家里民居群,由七家古民居組成,均為盧氏三十三世祖盧幫燮于清道光年間所建,算來距今至少有150多年的歷史了。盧早年經商,后承襲祖制,任奉政大夫和朝議大夫,可謂官商一身,后人稱之為盧百万” ~~

白牆、青瓦、磚雕門樓、門罩,呢啲就係徽派建築嘅特點 ~~

徽派建築除左門口有石雕裝飾之外,另一個好大嘅特點就係徽派建築嘅牆係非常之高,想跳都跳唔入, 而且牆身好多時都係冇窗,或只係有好細嘅窗口,主要嘅原因係防盜 ~~

徽州三雕係指有徽派風格既磚雕、石雕、木雕,黎到木雕樓當然就係睇木雕啦 …..進入盧村最出名既木雕樓,當年木雕樓由好有錢既鹽商盧百万所興建,當時佢請左幾位工匠花二十多年時間精雕細刻而成,所以被譽為徽州木雕第一樓,諗起都誇張, 但好可惜文革時期好多木雕都受到破壞,特別係有人樣嘅木雕都全部冇得留低 ~~

全間屋無論一樑一柱都係木雕 ~~

徽州木雕有好多唔同嘅題材,見最多嘅有人物、山水、花卉,而且仲有禽獸、蟲魚、雲頭、迴紋、八寶博古、文字錫聯、吉祥圖案等等唔同的題材~~

木雕係雕得超立體,有一層層既層次感,相信而家都未必有人可以雕出呢個水準 ~~

以前嘅千金小姐三步不出閨門,每當有人客來到家中作客,千金小姐都只可以係上層偷偷地偷望而唔可以落樓下架 ~~

入到屋就個天井,呢個天井好有用,因為啲屋又大間又冇咩窗,所以採光就靠呢個天井啦,而且都有風水原因,就係由天井收集雨水,肥水不流別人田嘛 ~~

古時嘅廚房 ~~

呢樣野遠睇似沖涼用嘅水缸,其實係可以坐在上面取暖嘅暖爐黎架 ~~

大廳中間有個水井,個井口好細,而蓋住個井口的石係用作防止小朋友趺入去水井嘅 ~~

以前啲人食大煙都要搵個專用既地方 ~~

好快就行完盧村一轉喇,唔係有導賞員帶住既話都唔知咁多有關安徽嘅相關資料,好彩有到盧村一遊,真係眼界大開啊 !!

行返出去停車場之後程師傅就送我哋去今晚要入住嘅宏村松鶴堂客棧喇 ~~

傍晚6點天黑之前到達了宏村, 但車唔能夠駛入村內, 所以車停在村口, 打電話通知客棧主人到村口接我哋入村內。宏村的門票每人90蚊人仔 ~~


喺宏村拖住啲行李左穿右插無數個小巷先可以到達松鶴堂客棧, 如果無人帶路我哋天黑前肯定都無辦法搵到間客棧呀………因為宏村的每一條小巷都好相似, 好容易迷路架!!

Monkey Emoticons

雙人標間260人仔一晚, 不過房間位置唔多好, 對正餐廳, 所以夜晚比較吵 ~~

而我訂的大床房位於二樓, 返房間首先要經過大飯廳, 然後要爬上呢條木梯, 再要經過條走廊方可到達房間, 所以如果有大行李的話會非常唔方便  ~~

放低行李之後趁仲未天黑我哋出去行咗一陣, 望吓周圍嘅環境, 順便影返幾張相 ~~

宏村位於中國安徽省南部的黃山腳下,是一座有著大量時期歷史建築的古村落。該村始建於北宋政和三年(公元1131年),最初叫作弘村,是汪氏家族的聚居地。村中還構建了完善的水系和頗具特色的「牛」形布局,是徽州民居的典型代表。2000,宏村和皖南古村落被列入世界文化遺產宏村大規模的古建築中,最大的特色就是有一套村落的供水系統,當時宏村村民將溪邊的河水引入村內,寬約1公尺的水圳在宏村中部形成半月型的沼澤,名為「月沼」~~


而喺客棧食嘅呢一餐晚飯係全個旅程之中最唔抵食, 而且又係最難食嘅一餐, 所以唔好提喇 ~~


Day 4 (3Apr2013) —

因為今日行程比較緊湊, 所以晨早6點半程師傅代我哋安排咗一個免費嘅導遊帶我哋參觀宏村一些值得一遊的景點 ~~

宏村早上月沼的景觀 ~~

月沼一早有好多村婦出來洗衫 ~~

原本經過見到好想試吓啲茶葉雞腿, 可惜約咗導遊趕時間無買到, 諗住轉頭參觀完之後再買, 點知搵唔返呢條小巷 ~~ Monkey Emoticons

晨早日出時候的宏村徽派建築倒映在南湖中,美得猶如一幅畫宏村又被譽為中國畫里的鄉村”  ~~ Monkey Emoticons

南部也形成一個弓形的沼澤,名為「南湖」,是宏村獨特的風貌;宏村的布局為牛形,雷崗山為牛頭、村口兩株古樹為牛角、月沼為牛心、南湖為牛肚、水圳為牛腸、建築群為牛身、四座古橋為牛腳。而南湖也是電影『臥虎藏龍』的拍攝場地之一 !!

導遊帶我哋遊覽完南湖之後就順便帶咗我哋去參觀南湖書院南湖書院位於南湖嘅北畔,原是明末興建的六座私塾,稱「倚湖六院」,清嘉慶十九年(1814年)合併重建為「以文家塾」,又名「南湖書院」~~

 


呢班學生無個專心聽書嘅 !!! Monkey Emoticons

導遊小姐等我哋影相等到呆晒 ~~ Monkey Emoticons

然後再參觀敬修堂 ~~

敬修堂位於月沼西側,建於清道光年間,約有180年歷史,現已變為書室,我哋只在前庭影呢棵過百年嘅牡丹花 ~~

來到宏村必定要參觀一下呢間最大嘅富人之家承志堂喇 ~~

承志堂是宏村最大的建築群體,建於西元1855(清朝咸豐5),是鹽商汪定貴的居所,佔地約為2100平方公尺由60多間房屋組成,包含三間迴廊式的正廳和後廳以及家塾廳、魚塘廳、吞雲廳(吸食鴉片專用)、排山閣(打麻將專用)等等,每間廳堂的木柱和額枋都有精細的雕刻,可看出當時大戶人家的富麗堂皇 ~~

屋入面又係有好靚既木雕,而且手工超精細 ~~

除咗木雕之外仲有極高藝術價值嘅石雕 ~~

一小時的宏村導賞團完咗之後, 我哋返客棧拎返啲行李然後準備出發去婺源 , 離開宏村嘅時候見到有一大批學生入村去寫生 ~~

約咗程師傅喺村口接我哋, 放晒啲行李上車之後我哋就喺村口搵咗間宏村特色小吃店食早餐 ~~

食飽早餐之後就立即爭取時間出發往婺源去喇 ~~

首先我哋今早要去睇的地方係呢個位於宏村隧道咁靚嘅協里風光 ~~

上午1125分我哋到達咗婺源, 今日計劃咗要去的第一個景點係「李坑」, 因為婺源面積都有2947平方米, 所以一日之內無可能遊覽晒咁多個景點, 只好揀幾個比較值得去的景點吧 ~~

李坑是個以李姓聚居為主的古村落,建村于北宋年間(西元1010年)。這裡本是個徽派民居建築的水鄉小村,一條小河穿村而過,春季時有大片油菜花田,本來應該十分有畫派意境, 不過現在整個村莊被圈起來作為旅遊景點,人多到嘔, 完全無晒古村落休閒寧靜嘅感覺, 而且仲要實行門票制添, 婺源全票係210人仔, 都幾貴吓 ~~

Monkey Emoticons

如果早兩星期到應該會見到周圍都係一片片好靚嘅油菜花田, 可惜花期已經過晒, 而且3月尾的幾場大雨已經將啲花摧毀晒喇 ~~

Monkey Emoticons

今早天氣麻麻地, 落毛毛雨 ~~


村民無論洗衫、洗魚或洗菜都係用呢條溪啲水, 你夠唔夠膽食呢?  Monkey Emoticons

行完一圈之後已經中午12點45分喇, 我哋為咗爭取時間所以搭咗呢啲2蚊一個人嘅接駁車出返去村口 ~~


個女車長送咗個油菜花環俾我呀, 個花環靚嗎 ??  

下一個景點係汪口古村落,汪口古稱永川,是一以俞姓主聚族而居的徽州古村落, 由宋朝議大夫(正三品)俞杲於大觀年間始建,距今有1100餘年歷史。因這前碧水汪,故名「汪口」。如今仍有500多戶1700多人口,90%以上的住房保留着明清时代的風貌 ~~

汪口我哋都係逗留咗大約一小時左右,因為汪口除咗多咗呢條汪口河之外, 啲徽派建築物同婺源其它的村落都差不多~~

離開前去咗參觀汪口村建於清代嘅俞氏, 宗祠內凡木質構件均飾以雕琢,有一百多組各種唔同嘅圖案 ~~

下午220分離開咗汪口之後程師傅就車我哋去食午飯先, 然後再繼續下午的行程 ~~ Monkey Emoticons

呢間位於江灣鎮曉起村路旁的梅花飯店啲小菜好好味、而且價錢又唔貴~~

食飽午飯之後下午325分去到曉起村 ~~ Monkey Emoticons

曉起村始建於唐朝年間 (787),始祖汪萬武逃亂至此時天剛破曉,驚魂初定的他就把這裡叫做曉起,故是叫曉川。後來,洪姓人家也在上游1公里處建村而居,也叫曉起,為彼此區別開來,人們把上游洪姓與江姓的居地稱上曉起,把原先汪姓居地稱下曉起。上曉起多為官宅,下曉起多為商家 ~~

 

曉起有著古樸典雅的明清民居, 不過曉起俾我嘅感覺麻麻地,因為商業味道很重,無論是大街還是小巷,差不多所有舖頭都是賣紀念品, 已經無咗古村純樸與寧靜嘅感覺喇 ~~ 

所以我只係影咗幾張花田相片咋 ~~

下曉起最特別的就係呢十幾棵百年老樹和成片的古樟樹林喇, 而以下呢棵古樟樹甚至有千年以上的樹齡呀 !!

下曉起有十幾棵百年老樹和成片的古樟樹林,村內小巷均鋪上青石 ~~

沿著小徑緩緩向山上走,可在較高處飽覽曉起村的景色 ~~

一圈好快行完, 程師傅又喺下曉起接返我哋, 然後繼續前往下一個景點 江嶺 喇 ~~

江嶺或許係婺源最值得去的地方,江嶺漫山遍野的油菜花呈梯田狀,從山頂鋪散到山谷下可惜我哋今次又錯過咗最靚的油菜花期, 所以未能目睹整片金黃色的江嶺梯田風光 ~~

Monkey Emoticons


江嶺被視為最好的賞花地,被評為婺源油菜花開得最靚嘅地方,  不過今年天氣較暖婺源啲油菜花開得較早,花期提前了, 所以我哋只能見到一片綠油油嘅油菜梯田, 因為只有油菜,但無花吖嘛……

影咗幾張油菜無花梯田相之後,傍晚5點半就起程出發去屯溪喇, 不過去到屯溪老街時已經天黑了, 所以首先搵咗我哋今晚要入住嘅徽舍民宿放低啲行李先~~

我哋揀嘅呢間係位於黃山市老街的徽舍民宿(Hui Boutique Hotel),  一間非常有特色嘅民宿, 係利用咗兩棟清代末期的徽州古宅修復而成的, 古宅保留了原有風貌,古典的​​裝修, 清末民國初的老家具, 客房內甚至具有古徽州價值連城的酸枝木雕花老床, 配以現代的洗浴設施和電視及無線網絡, 一共有11間風格各異的客房 ~~

雙人標間350人仔一晚 ~~

我哋晚上715分到達民宿取咗房, 放低行李之後就要趕住出去老街食晚飯喇, 因為平凡人同摩囉星今晚要搭930分嘅火車返香港吖嘛 ~~



呢間美食人家老街第一樓其實係同屬一家餐飲實業公司, 不過美食人家係平價版的老街第一樓”, 環境唔錯而且品質出眾, 集合徽州傳統菜餚點心小食幾百種選擇, 半開放式廚房, 點菜一目了然, 屯溪一遊嘅朋友一定不能錯過呀 !!

我哋食咗咁多嘢埋單才不過每人40蚊人仔咋 ~~



食完晚飯之後喺老街又見到毛豆腐, 佢哋又話想食, 咁咪又食多次囉 !!  計埋今次已經食咗3次毛豆腐喇, 其實毛豆腐係乜嘢黎架 ??
毛豆腐(又叫虎皮毛豆腐、徽州霉豆腐)是徽州地方特有的傳統名菜,這白嫩嫩的豆腐上, 有一層長長的鬚, 不必懷疑因為啲豆腐真係發霉喎!! 溫室裡面特定的一個溫度濕度, 經過23天的發酵而長出的白毛, 仲有一種毛豆腐係黑色的毛㗎!用辣椒、蔥、蒜拌炒過後嘅醬汁就係用來沾毛豆腐的, 雖然唔似臭豆腐咁臭, 但帶點發酵和沙沙的口感, 都係有少少怪。什麼的怪口味, 都有人愛食, 安徽的名菜, 難以形容, 一定要親自食過才能夠體會架~~



平凡人與摩囉星走咗之後
, 我哋都返民宿休息喇 ~~ Monkey Emoticons


Day 5 (4Apr2013) —


一早起床之後再細心欣賞一吓呢間民宿的古董擺設和花園, 因為就連國家都要求呢間民宿開放俾人參選, 所以有個屯溪老街社區博物館嘅展示牌喺門口 ~~

 


然後我哋就出去老街揾間地道小食店食早餐 ~~

食完個早餐見仲有少少時間所以就順便喺屯溪老街逛吓, 老街位列十大中國歷史文化名街,有活動著的清明上河圖之譽 ~~



離開屯溪老街之前又再試埋呢碗徽嫂餛飩, 人仔10紋一碗, 細細粒的一口餛飩, 食落唔覺有肉, 只食到餛飩皮咋 ~~



然後早上10點鐘約咗架包車在老街送我哋去杭州國際假日酒店, 不過一去到杭州市中心就開始車多又塞, 所以下午155分先到達酒店 ~~

Monkey Emoticons

到杭州一遊係因為我哋係經杭州飛返香港, 所以順道去西湖行吓, 而且我哋咁啱4月初到杭州又遇到太子灣公園有鬱金香花展, 而我最愛嘅花係鬱金香喎, 咁又點可以錯過呢? 所以就一定要去遊覽一吓啦 ~~

原本打算訂一間位於西湖邊嘅酒店架, 但遇啱清明節假期啲酒店貴咗好多, 只要位於西湖邊嘅就算只係3星級的普通酒店都要800人仔以上所以我就訂咗遠離西湖少少嘅國際假日酒店, 不過原來真係超唔方便, 等車搭車再加行路都浪費咗好多時間呀 !!

Monkey Emoticons

高級商務間 736 人仔 (15%) 包雙人自助早餐~~

房間街景 ~~

放低行李之後匆匆哋去咗酒店對面街是但搵咗間快餐店食個晏, 因為已經係下午3點喇, 所以想爭取多啲日光時間慢慢影吓太子公園啲鬱金香嘛~~

因為我哋知道西湖嗰邊好塞車, 所以決定食飽之後喺酒店門口搭K35公車去吳山公交站, 然後再行去太子灣公園~~

落咗公車之後問咗個當地人, 佢教路話行路去太子灣公園大約20分鐘就到, 所以我哋就沿住西湖嘅方向行去 ~~

行咗10分鐘左右就到咗南山路嘅西湖邊喇~~

杭州西湖是中國著名的旅遊勝地,以其湖光山色的美景與多處名勝古蹟聞名, 西湖位於浙江省杭州西面其中又以杭州西湖五景「蘇堤春曉」、「雷峰夕照」、「三潭印月」、「曲院風荷」、「斷橋殘雪」最為有名,是吸引遊客及當地民眾慕名前來的杭州著名特色景區, 另外五景分別係「平湖秋月」、「柳浪聞鶯」、「雙峰插雲」、「南屏晚鐘」以及「花港觀魚」 ~~

因為我哋今日嘅目的係去太子灣公園賞花嘛, 明天一早才打算再到西湖一遊, 所以路經西湖時我都只係停低腳步影咗幾張相咋~~

到達太子灣公園前會先望到『雷峰塔』, 呢座雷峰塔建於西元975, 明代時期燒毀且於1924年倒塌, 1999年重建雷峰塔並於2002年完工, 是一座八角形磚木結構的五層樓閣式石塔 ~~

從三月中旬到四月中旬,為期一個月的時間嘅鬱金香花展從1992年開始一直舉辦至今, 因為免門票而且又撞正係內地清明節的假期, 遊人實在多到嚇死人, 唔單止人多, 過咗南山路之後就車都一樣咁多, 人多車又多, 成條馬路塞住晒, 所以行路去太子灣公園肯定比搭巴士或的士快呀 ~~

Monkey Emoticons


又話行20分鐘就到? 結果係行咗48分鐘先到太子灣公園呀, 又再次俾人老點喇 !!

太子灣公園位於杭州西湖西南角, 春天滿園盛開絢麗多彩的鬱金香,數十萬株鮮花使太子灣公園成了花花世界, 除咗2010年的春天我在鬱金香的古鄉荷蘭Keukenhof公園睇過最靚嘅鬱金香花田之外, 呢次太子灣公園都算係有好多唔同品種嘅鬱金香喇 ~~


鬱金香色彩紛繁,有白色的、黃色的、紅色的、玫瑰紅的、橙色、紫色的、粉紅色等….. Monkey Emoticons


我哋無預料會睇到咁靚嘅日落架, 有驚喜呀 !! M<br /><br /><br /><br /><br /><br /><br /><br /><br /><br /><br /><br />
onkey Emoticons

行完太子灣公園離開時又再經過西湖, 傍晚的景觀比起明天的西湖景觀, 總算係見到杭州西湖清晰嘅面貌吖嘛~~ 


離開太子灣公園之後幾經辛苦先搵到一架收120人仔嘅面包車肯車我哋去杭州大廈嘅外婆家餐廳食晚飯, 晚上825分到達餐廳 ~~

我哋5人食咗8個餸加嘢飲, 埋單只不過係282人仔, 我覺得堅正囉 ~~

其實今次去杭州之前已經喺網上見到有大量網友推薦呢間外婆家餐廳㗎喇, 所以決定要去試吓!!

外婆家於1998年在杭州創立,主要以杭幫菜為主, 已經有 an>20多家分店了,全國加起來都有30家分店, 最主要係好吃, 菜色好精緻又有創意, 而且價錢一啲都唔貴。
不過佢生意超好, 一定要排隊等位先有得食架 ~~

 

Day 6 (5April2013) –

一早8點半落去食酒店自助早餐, 不過食物款式無乜選擇, 而且味道麻麻地 ~~

今日我哋搭下午3點半嘅班機返香港, 所以早上仲有啲時間所以就再搭車去西湖行吓, 不過今早天氣好差, 天色灰濛濛而且又落雨 ~~


一去到西湖, 感覺一片灰濛濛, 視野能見度頗低, 而且就算係落住毛毛雨但遊客依然好多, 咁嘅環境讓人很失望~~

根本乜都睇唔清楚, 位於白堤東端嘅『斷橋殘雪』景俾我嘅感覺係似彩虹橋多啲囉………!!

因為橋上企滿晒穿上五顏六色衫嘅遊人, 再加上七彩嘅雨傘, 乜唔似彩虹橋咩 ??  

Monkey Emoticons

不過好彩仲見到好多晚櫻, 可惜今日遇唔到好天氣, 不過尋日喺太子灣公園時有好天氣而且又見到靚靚日落, 都算賺咗啦 ~~


中午12點返到酒店執行李, 然後退房準備出發去機場喇  ~~ Monkey Emoticons   酒店幫我哋叫咗兩架的士, 120人仔一架, 25分鐘的車程我哋就到咗機場喇~~

一去到機場行入個離境大堂就見到有個靚女模特兒喺個離境大堂道影緊廣告相喎~~

睇完靚女之後趁仲有大把時間我哋就喺機場食個午餐先~~

然後就行去登機閘口等上機飛返香港啦 ~~  

呢次黃山和安徽古村之行雖然並未能夠全程遇到好天氣, 不過我哋玩得非常之開心呀, 個行程都總算好順利, 而且我哋喺黃山嘅體驗係十分之難忘嘅, 在此我要再次多謝平凡人, 摩囉星, 緣始人同埋另外3個團友在沿途上咁照顧我……………好希望在不久嘅將來我哋可以再有機會一齊去旅行呀 !!
Thank you soooo much my dear friends !!! 

 

(全篇完 )

水墨畫的真實版 – 黃山篇 「Part 1」

https://carinekok.com/?p=10

 

參考資料 :

2013最新門票價錢 (每人) :

黃山 230
轉乘車來回 38 索道來回
160
宏村
104
盧村
50
婺源全票
210

包瑞豐商務車2400人仔 (每人340)
Day 3
杭州徽州古城湯口

Day 5
湯口宏村
Day 6
婺源全日屯溪

膳食 (每人) :

Day 3 –

午餐地道安徽菜 43
湯口阿拉酒店晚餐 41

Day 4 –
湯口阿拉酒店早餐 20
黃山排雲樓晚餐 91

Day 5 –
三棵樹人家土菜館午餐 59
宏村松鶴堂晚餐 46

Day 6 –
宏村早餐 17
婺源曉起農家菜午餐 43
屯溪美食人家晚餐 41

Day 7 –
屯溪早餐 9
屯溪小餛飩 6
杭州外婆家晚餐 56

Day 8 –
杭州機場午餐 78