【首爾】即日來回一天購物遊

24October2010 (Sunday)

咁究竟我同我嘅蝦子餅今次去咗首爾幾多日呢 ?  連我自己都唔可以相信竟然係一個不可思議的即日來回一天購物遊囉…….好聽啲就話我係太熱愛旅遊, 唔好聽嘅應該叫做”又傻又癲”……從來都唔覺原來一日嘅時間可以去到咁多地方, 做咁多嘢又可以食到咁多餐, 我都服咗我自己呀, 難為了他要捱夜陪我癲囉 …..

Picture

我地乘坐國泰CX412號班機, 淩晨12時40分起飛, 早上0450到達仁川國際機場 ~

Time : 0505  晨咁早整個機場人影都唔多隻呀 ….

Picture

Time : 0535

我們乘坐5時35分開出的第一班往南大門嘅機場巴士6015,1萬韓won單程,上車付款 ~ 

Time : 0630  第一站南大門市場

南大門市場內的貨品全是平價貨,是買手信首選地方,也是遊客區熱門地點,所以好多店員都略懂中文,連餐廳餐牌有啲都有中英文對照 ~ 

Picture

因為太早天都未光,而南大門市場有好多餐廳和小量店舖係24小時營業嘅,所以先去南大門食個早餐先 ~

Picture

 

 

24小時營業嘅百貨店 ~~

紫菜

松茸

隨處亦都有好多賣手信嘅店舖 ~

Time : 0815

地鐵係首爾市內最方便嘅交通工具, 四通八達, 指示清晰, 大部份站名備韓, 英, 中文對照, 每個站名亦有號碼索引, 留意號碼就唔會找錯車站喇 ~

T–money 類似八達通嘅交通儲值卡, 適用於地鐵, 巴士及便利店等…售價韓圜2500, 卡需要另外增值, 每次增值最少為韓圜1000, 如果買單程車票, 出閘之後記得利用Deposit Refund Machine退回單程車票的500won按金 ~

太早喇…..連地鐵裡面都無乜人…..

Time : 0855  第二站景福宮

建於1395年的景福宮, 是韓國的象徵和韓國最出名嘅宮殿,亦是朝鮮皇朝的第一皇宮, 景福宮與東闕(昌德宮)、西闕(慶熙宮)相比,位於較北側的位置,因此又被稱為“北闕”

開放時間 : 上午0900至下午1800(逢星期二休息)

票價 : 韓圜3000(成人), 韓圜1500(小童)

勤政殿前的石階與石雕等,都是當時雕刻藝術的代表 ~

壬辰倭亂(1592~1598)期間,景福宮內大多數的建築物皆被燒毀,高宗(1852~1919)時期在興宣大院君的主導下,重新修建了約7,700間建築物 ~

 

有一對新人正在喺景福宮取景影相 ~

景福宮中最具朝鮮時期代表性建築物的慶會樓與香遠亭的蓮花池,至今仍保有當時的樣貌 ~

Time : 1000

由上午10點鐘開始,在慶會樓旁邊有一個免費為遊客提供傳統韓服試穿服務,穿戴完畢可以有5分鐘時間用自己嘅相機拍照留念 ~

當日個服務員幫我揀咗套男裝類似韓劇士兵嘅服裝,超搞笑呀!!!哈哈哈……. Picture

Time : 1020

Time : 1045

從景福宮行返去景福宮地鐵站,會經過國立故宮博物館,持景福宮入場券,更可免費參觀國立古宮博物館與國立民俗博物館, 所以我地都順道入咗去參觀...

Time : 1115   第三站 – 明洞

明洞站 -6號出口外便是明洞購物區的入口,這裡除了有樂天百貨公司和大型購物中心之外,由行人區組成的購物區更是包羅萬有,售賣的服飾更是韓國潮流指標 ~

首先食返個午餐先再慢慢行街街….

我好鍾意呢啲韓式一串串長長扁扁嘅辣魚蛋 ~

kimbap 紫菜卷

炸餃子

年糕 + 拉麵

泡菜湯

周圍都見到嘅街頭小食 ~

Time : 1400   第四站 – 樂天超市

樂天是韓國最著名的集團,樂天超市(Lotte Mart)位於首爾站1號出口, 超市樓高兩層,貨品應有盡有,入口處右邊亦有幫遊客免費寄存行李的服務  ~

Time : 1515    第五站 – 梨大

由梨大到弘大三個相連的地鐵站,有三間大學(梨花女子大學,延世大學及弘益大學),所以呢區的店舖都以大學生為目標,周邊亦有好多有品味嘅餐廳和咖啡廳,甚至酒吧區....

Yes apm – 9層高的購物商場,風格與東大門的差不多,都以少女風為主 ~

好好味嘅韓式雞串燒, yummy !!! Picture

Time : 1600   梨花女子大學

梨花女子大學 – 喺間有咁靚環境嘅大學上課,心情會唔會都靚啲嘅呢?上課又會唔會專心啲嘅呢?Picture

梨大購物街 – 在梨大至新村火車站大峴洞一帶,幾乎全是售賣以年輕女士服飾主嘅店舖 ~

Time : 1700

離開時我們在梨大新村路乘坐6002號機場巴士去仁川機場,喺車上影到嘅日落景 ~

Time : 1805

一小時嘅車程, 終於到達3樓機場離境大堂喇….

我最後喺機場嘅戰利品, 我擁有嘅第三個旅行頸枕, 右上角嗰隻可愛黑白乳牛頸枕 ~

Time : 1830

喺仁川機場4樓食埋個晚餐先上機飛返香港 ~

我們乘搭晚上8點05分起飛嘅CX419班機返香港, 2225到達香港, 話咁快就去咗一轉首爾喇…….

其實首爾係一個我自從2004年開始每個夏天或秋天都會去掃貨嘅地方,因為2004年我二哥的公司調派佢去首爾工作2年,所以我二哥一家4口就搬咗去首爾住,而我嗰兩個侄仔侄女亦都被安排在首爾的國際學校返學……..就係因為呢個原因,我2004及2005年一放假就帶媽媽去首爾探親,順便購物囉……..亦都係因為咁而愛上咗首爾!!!

首爾呢個城市,它乾淨,安全,交通方便,簡直係女士數一數二的購物天堂呀 ~ 賣化妝品,護膚品,衫褲鞋襪,首飾小物等等嘅店舖都無處不在呀,好多商場仲要係每日早上11點開始,營業到淩晨5點架 ~  所以除咗日本之外,首爾絕對係自由行或自遊行的首選城市之一 ……….

 

 

首爾,我們好快明年夏天又再見喇 !!! 

 

BYE FOR NOW !!!

Picture