遊記正式開始之前咖喱我首先要多謝我的團友之一嘅Samuel (馬生 )肯出手執筆用佢搞笑生動嘅文筆去幫我寫呢一輯詳盡嘅長篇新疆遊記,無言感激!! 這輯遊記除咗非常重要嘅文字敘述由馬生負責之外,遊記中的所有紀錄照片由我自己負責整理,當中包括一部份由馬生、大隊長、細孖以及發哥提供的精彩靚相,多謝晒咁多位 !!
新疆,簡稱新,古稱西域。總面積為166萬平方公里,約佔中國陸地面積六分之一;陸地邊境線達5600多公里,佔中國邊界總長度四分之一。 新疆地貌為「三山夾兩盆」,即擁有高山與盆地相間分布的獨特地形特徵。南北兩端分別為崑崙山脈和阿爾泰山脈,而橫跨中部的天山山脈則將新疆大致分為準噶爾盆地和塔里木盆地兩大部分,或以北疆和南疆俗稱。 在開始遊記前,首先簡略講解一下今次17天深度遊的行程概況。 起始地為喀什 》帕米爾高原 》塔什庫爾干-喀什 》和田 》貫穿塔克拉瑪干沙漠 》庫車 》巴音布魯克 》橫越天山山脈 》新源 》特克斯 》昭蘇 》伊寜 》賽里木湖 》終點站烏魯木齊。以下的新疆地圖可以先俾大家了解一下今次17天行程所到訪過的地區,由於主要在南疆遊覽,所以今輯遊記主題正式命名為 “南疆民族風情秘境遊” ~~