沙巴亞庇6天喪玩勁食自駕遊

首先介紹一下今次我地嘅10位沙巴團友先!!  由左邊數起嘅係負責駕駛12座van嘅司機Ron (緣人),搞手Carine (咖喱,下稱喱姐),負責寫今輯遊記嘅鑫鑫(Winnie),珊姐,CatCat,發哥,牛嫂(Jennifer),David,Samuel (馬生) , 咦…..!! 點解數來數去都只係得9位團友嘅?  原來仲差一位永遠都唔肯開樣而只鍾意叫人影佢背脊嘅CK,所以俾咗個朵佢叫做「 影後」囉 ~~

馬來西亞沙巴(Sabah)位於婆羅洲島北部,原名「北婆羅洲」,馬來西亞首都吉隆坡位於西馬,而沙巴在東馬。 沙巴係一個比較熱門的渡假聖地,愛陽光與海灘的人必定會嚟過呢個地方。今次能再次參加到喱姐搞的旅行團實在係我的榮幸,喱姐搞的團一向都有信心保證,食好、住好都不在話下,沿途的貼心照顧真係無以為報!我們沿途的爆笑事件薄真係要細心睇以下6日的遊記內容。 而我今次有幸被喱姐邀請我參與寫呢輯遊記,唔係一部份,而係全輯遊記交晒俾我負責寫。 平時睇就無問題,但要寫真係怕會失禮carinekok.com的讀者。 我既然有機會喺carinekok.com留低一條腳毛,我抱著遊記用嚟記錄低我地當時發生過嘅快樂情景,無論當時是開心與否都可以成為我地將來的一個記錄/ 回憶。我並無好好的文筆,希望大家見諒,有時只能做到平鋪直序,希望大家睇過我地呢輯沙巴遊記會同樣感受到我地於旅程當中的快樂啦 !!

yxh43

Continue reading