Day 2 (13November2010)
早上9點半由九份搭公車回去台北市然後轉乘計程車(NT110)去到旅店已經11點15分了, 不想浪費我們寶貴的時間, 所以在旅店休息了一會就開始出發去花博會了, 由旅店步行10分鐘前往淡水線的中山捷運站, 搭3個站就可以到達位於圓山站的花博會了, 非常的方便 ~
亞洲
悠遊【台北九份】為食之旅
這次重遊台北的4天之旅是出發前三天才決定要去的, 我唯有臨時臨急的調動我的假期然後即晚趕夜車上網找資料,編排行程, 買機票, 訂酒店等等…..那麼11月到底有什麼地方值得去呢 ???
咦…台北的國際花卉博覽會才剛剛開始了幾天吧了 ~ 我當然也要去看看啦 !!!
終於定下了以下的台北4天行程 :
Day 1 – 忠孝復興站 – 九份老街 – 豎崎路
Day 2 – 圓山站 -國際花卉博覽會 – 劍潭站 – 士林夜市
Day 3 – 袖珍博物館 – 北投溫泉博物館-地熱谷-淡水站 – 漁人碼頭 – 情人橋 -西門站 – 西門町
Day 4 – 台北車站 – 墊腳石圖書文化廣場 – 光南批發 – 桃園機場
【首爾】即日來回一天購物遊
24October2010 (Sunday)
咁究竟我同我嘅蝦子餅今次去咗首爾幾多日呢 ? 連我自己都唔可以相信竟然係一個不可思議的即日來回一天購物遊囉…….好聽啲就話我係太熱愛旅遊, 唔好聽嘅應該叫做”又傻又癲”……從來都唔覺原來一日嘅時間可以去到咁多地方, 做咁多嘢又可以食到咁多餐, 我都服咗我自己呀, 難為了他要捱夜陪我癲囉 …..
我地乘坐國泰CX412號班機, 淩晨12時40分起飛, 早上0450到達仁川國際機場 ~
Time : 0505 晨咁早整個機場人影都唔多隻呀 ….
我在【印尼爪哇】的週末
9月初香港剛開學而馬來西亞就剛剛相反, 正是開始放暑假嘅時候, 所以我大哥趁荷蘭航空(KLM)有特價機票就帶我3個侄仔侄女同埋媽咪去印尼玩3日 ~ 因為印尼太大喇, 所以今次主要只係去"茂物市" (Bogor, West Java, Indonesia)
3Sep2010 (星期五) – 我乘搭國泰航班CX719前往雅加達跟我的家人會合, 到達Novotel Mangga Dua Jakarta酒店見到佢地都已經係晚上9點喇………..
4Sep2010 (星期六)第二日一早8點食過酒店自助早餐之後我地就包架7人車連司機接載我地去今次由大哥plan好嘅行程, 第一站係小朋友好期待嘅野生動物園 "Safari Park Indonesia" ~
在野生動物園入口處有好多兜售紅蘿蔔和香蕉嘅攤販, 以供遊客買黎餵啲動物嘅…..
我地幫襯買紅蘿蔔同埋香蕉嘅嗰位印尼姐姐(上圖)靚唔靚女呢 ? hehehe………..
出發去safari 喇…. yeah !!!
你地見到我地嘅司機叔叔嗎?
大家見唔見到石頭上面有好多隻羊咩咩架 ???
啲動物完全唔驚人同埋一啲都唔怕羞架……一見到有車經過就會走埋黎車窗邊等人餵佢地架喇…..
可以非常非常的近距離接觸大自然和野生動物, 啲小朋友好開心又興奮 !!!
去到猛獸區就唔准再打開車窗, 因為真係好近好近啲獅子老虎, 同我地距離只係有10尺之隔咋 ~
離開Safari Park 之後, 我地又再去一個位於Bogor嘅高原渡假勝地, 沿途見到好多賣手信嘅店鋪 ~
由於印尼長年都係夏天, 天氣炎熱, 所以當地好多人都喜歡到這氣溫比較涼爽嘅高原渡假, 在這裡長年氣溫都係大約22-27度左右, 而附近亦種植了大量嘅茶葉…….
我好鍾意呢啲cottage屋仔, 感覺好似置身於歐洲咁囉 ~
我的細侄女Clare ~
我的大侄女Kasandra ~
大哥見叔叔咁可憐竟然幫佢買晒佢所有嘅粟米, 但係返到酒店發現有一半以上嘅粟米係爛嘅囉…..都好, 咁証明啲粟米無落農藥而係有機粟米囉 ~
然後再坐車去一個由荷蘭統治時代遺留落黎嘅公園 "Bogor Botanical Gardens"
不過當時塞車塞到暈, 塞咗2小時去到公園門口下午4點半竟然發覺公園已經close咗喎, 原來公園收4點架 ~ 唉 !!! 慘食閉門羹添 !!!
你地睇下交通情況幾恐怖 !!!
住咗兩晚嘅Novotel Mangga Dua Hotel, Jakarta
酒店最吸引就係佢嘅泳池, 好大呀 ~
雅加達機場裡面嘅一間手工藝店 ~
5Sep2010(Sunday) -回程我搭晚上2355起飛嘅CX798返香港, 好快咁結束咗個好短嘅三日兩夜印尼之旅喇 ~
印度首都【新德里】一天遊
10Mar2010 –
新德里New Delhi係一個我唔會考慮選擇去旅行的一個城市, 既然公司派到我去三天, 咁我當然順便去見識一下啦 ~
今次有一個靚女同事陪我同遊又可以
, 好開心呀 !!!
為咗安全起見, 我地經酒店幫我地安排咗一架的士, 600 rupees(約港幣110) 包六小時連司機, 載我地去想去的景點…….因為我地做完正經事, 喺夜晚返香港之前只能抽出6小時去觀光加購物, 所以只能揀酒店附近嘅景點囉 ~
以上黑色呢部 "的士"就係喇….
印度最普遍的出租車 “ Tuk Tuk”
車停喺紅燈前, 有可憐的小朋友上前行乞……
第一站 – 印度總統府 Rashtrapati Bhavan
總統府建于1929年，原名維多利亞宮，印度獨立後，改為總統府。總統府是一座氣勢雄宏的宮殿式建築，有覲見廳、宴會廳、圖書館等華麗的廳堂，還有無數噴泉水池、亭榭長廊。
我地唔能夠落車參觀同影相, 因為守圍森嚴, 有好多警察叔叔趕我地架車走, 所以只能坐喺車上影…..
第二站 – 印度門（India Gate）
紅砂岩建造的"印度門"，其地位宛如巴黎的凱旋門一般，是每位遊客前往德里必留下紀念照的景點，印度門位於拉加帕特街(Raj Path)東邊的道路中央。印度門樣式模仿凱旋門，高約42公尺，是為了紀念第一次世界大戰死亡的9萬名印度與英國軍人，和死於印度與阿富汗戰爭中的士兵所建，牆壁上刻有13500名陣亡將士們的名字。
第三站 – Art India 工藝店
第四站 – 舊堡Old Fort of Delhi – Purana Qila
第五站 – 姜帕特大街（Janpath Street）
康諾特廣場中的購物點Janpath是德里主要的觀光大街，每日充滿著來自世界各國的遊客。這裡販賣著各式各樣的印度工藝品、服飾、布燈籠、手工織布、抱枕套，和琳瑯滿目的紀念品。在這裡買東西首要法則當然是殺價，這些小販面對著來自全球的旅客早已練就一身好功夫，總是可以臉不紅氣不喘地開天價，就算讓你殺個5折還是不夠。所以切記「貨比三家不吃虧」的第一原則，再遵守著「先殺3折」的第二原則！
Janpath有賣古董和衣服的小攤，淘些回去也是不錯的。這里很多衣服都是外貿轉內銷的商品，非常便宜，但需要耐心講價。這里還有一些銀飾品和珠寶飾品，買的時候需要辨別真假。
公務員的宿舍
第六站 – 最後亦都係今個trip嘅主要景點 " Dilli Hat"市集, 可以俾我地再次發揮女士們的本能, 天生購物狂!!!
Dilli Hat, 好大的一個露天市集, 喺呢度可以揾到印度特色嘅手工藝品…..不過要收入場費架…每人15 rupees (約三蚊港元)
隨處可見好多女士們都好鍾意嘅Pashmina, wool , silk, 或者係cotton披肩, 樣樣顏色款式都一應俱全, 而且價錢比香港便宜三分二以上…
記住一定要講價, 但係啲印度男人”過份熱情”, 通常要成功減到理想價錢之前都已經被 “抽晒水”喇
(有好多相為証架, 不過答應咗她唔可以post上黎….) 佢地真係好”飛擒大咬”架…
..嚇死我嘅同伴靚女同事呀, 哈哈哈 !!!
帶大家睇下印度啲女廁先 ~ 以印度標準黎計, 算乾淨又無異味架喇 ~
我今次的戰利品 ~
回程同事去了一間藥房買眼藥水, 依家帶大家參觀下印度的藥房
乜啲貨擺得咁亂架 !!!
公司安排我地住的Taj Palace Hotel
原來喺印度只要有少少錢入住五星級酒店就可以享受到好似貴為皇室人員咁嘅招待, 服務水準超高, 可能佢地人手真係好充足, 無論大堂check-in counter, lobby, concierge, 健身室, 餐廳等等都會有好多職員等住接待你…
我地一早去coffee shop 食自助早餐, 都話明係 “自助” 嘛 …. 不過由你入餐廳開始, 有專人帶我地去餐枱, 一坐低就有好多好多個侍應生招呼我地, 倒咖啡有一人, 倒水又另一人, 又有一人專企喺度為我地倒果汁, 去到多士爐又有另一個專人幫我地烤多士, 去到取主菜又會有人幫我地開食物蓋, 再加好多個廚師為大家煮各式蛋 ~
咁就唔應該叫做自助早餐, 應改叫做 “殘障人餐”
hahaha……..
多謝大家觀看 !!!