呢一篇安徽省黃山和古村落的6天遊記將會由平凡人、摩囉星同咖哩妹一齊嘔心瀝血合併製作的，我哋希望用3支唔同嘅鏡頭同大家分享一下我哋呢6日喺旅途中的所有點點滴滴，包括在整個旅程中見到嘅所有靚景，住過嘅徽式古老建築的民宿客棧，以及試過嘅當地特色美食 ~~

我哋一共7人，4男3女，不過平凡人同摩囉星會比我哋5人早3日坐火車出發，而我同另外4人會在Day 3（3月31日）搭飛機直達杭州機場會合佢哋2人，然後一齊包車往黃山的湯口鎮：–

以下係我們6日的行程：–

Day 1 （31／3）：

杭州機場—湯口鎮
宿：湯口阿拉酒店

Day 2（1／4）：
黃山後山風景區
宿：黃山山上西海飯店

Day 3（2／4）：
黃山前山風景區— 盧村— 宏村
宿：宏村松鶴堂客棧

Day 4（3／4）：
協里風光— 婺源李坑— 汪口— 曉起— 江嶺— 屯溪
宿：屯溪徽舍民宿客棧

Day 5（4／4）
屯溪老街— 杭州—太子灣公園
宿：杭州國際假日酒店

Day 6（5／4）：
杭州西湖 — 香港

在遊記開始之前，先送大家一個錦囊，就係喺內地自由行要注意嘅地方，千其咪問當地人要行幾遠先到景點呀！點解？睇完篇遊記之後大家自然會知點解架喇…….嘻嘻！

我哋5人搭嘅係早上8時10分的港龍航空公司KA626班機, 早上6點半到達機場辦理登機手續之後, 坐低等咗一陣就喺早上7時30分登機喇 ~~

一落機即刻打俾我哋嘅包車師傅“程師傅”, 原來佢喺度舉住個寫咗我個大名嘅牌喺機場接機大堂等我哋, 所以佢一早已經同平凡人和摩囉星佢哋兩個相認咗喇 ~~
行到出去停車場, 然後放晒所有行李上車之後就開始出發喇……!

程師傅嘅呢架係一架超速都唔怕被影快相嘅瑞豐商務車，點解咁勁？因為佢係一架剛落地冇幾耐所以仲未有掛上車牌嘅車囉！呵呵…..!

中途我哋經過臨安呢個地方所以就落車去吓洗手間 ~~

其實當我地架車仲未進入安徽省之前的一大段公路兩旁的油菜花梯田仲靚過婺源嗰啲油菜花田呀，因為今年3月尾的幾場大雨早已經將婺源一帶大部份的油菜花摧毀晒喇！但因為全程都係高速公路所以我哋未能停低架車喺公路邊影返幾張相，唉….可惜可惜 !!!

只有駛入了安徽省之後我哋架車才有機會可以停喺路邊俾大家落車影吓相咋, 不過已經錯過咗喺浙江省嗰段最靚的梯田喇 ~~

見大家都咁肚餓，咁當然第一站先去食午飯啦，程師傅就帶我地去歙縣試下地道的安徽菜 ~~

下午2點40分終於到達我哋要食午飯的地方喇 ~~

當地的特色菜包括有臭桂魚, 毛豆腐, 茶樹菇等等……

不得不提吓安徽呢味怪名菜“臭桂魚” — 燒熱的油鍋, 一條看似美味的桂魚一上枱, 奇特的味道立刻撲鼻而來, 用奇特來形容, 係有原因嘅,因為條魚其實已經臭咗架, 但這偏偏就係安徽最著名的一道名菜。因為以前徽州商人出外經商, 魚在古時候無辦法保鮮，為咗保鮮，所以用木桶挑著鹽醃起來, 醃咗之後如果時間太長都係不能保鮮, 所以咪臭囉, 就因為節儉，唔捨得丟，於是演變成當地特有的佳餚 ~~

食飽之後行過一個街口就到咗徽州古城, 不過我哋並冇買門票入去參觀, 只係喺外面影幾張到此一遊相, 因為雖然古城內滿街都是古色古香的建築，但聽講商業味太重, 全都是商店, 仲係多數都係賣衫嘅, 所以真係冇乜吸引力呀 ~~

徽州古城

歙縣古稱徽州，是明清時期曾盛極一時的徽商的發祥地。
徽州古城（前稱新安郡）始建于秦朝，自唐代以來，一直是徽郡、州、府治所在地，故縣治與府治同在一座城內，形成了城套城的獨特風格。建于明、重修於清的歙縣古城，分內城、外廓，有東西南北４個門。其中西門城廓上的兩座譙樓，至今完好無缺。此外還保留著甕城、城門、古街、古巷等等……

然後就繼續前往我哋今日要到達嘅目的地湯口鎮, 呢段路的途中見到好多靚靚嘅油菜花田而我哋終於都可以隨時停低架車影吓相喇 ~~

下午5點終於到咗阿拉酒店喇 ~~

今晚揀住喺湯口的阿拉酒店係因為間酒店抵住之外, 位置仲好方便我哋明天一早行路去轉乘車站坐轉乘車到雲谷寺搭索道上黃山 ~~

酒店大堂 ~~

雙人標間, 人仔128一晚 ~~

酒店餐廳 ~~

取咗房之後就開始執拾明早上黃山的行裝喇, 我哋將會喺山上住一晚, 不過喺上黃山係無可能拖住個行李箱上石級嘅, 所以我哋每人只會帶一個背包同一啲日用必需品和嘢食上山去…..不過今次嘅黃山之行我都帶咗好多零食準備俾大家在行山途中補充吓體力嘅 ~~

由於通往山上住宿飯店之道路尚未闢建，無法以車輛運送物資往山上, 而飯店所有物資必須靠挑夫每日從山下挑往山上，備極艱辛。所以山上的小食或食物價格好貴, 都係喺山腳下補補貨就最好喇…………

然後我哋喺酒店對面嘅小型超市買咗雨衣同埋一啲小食,包括有即食香腸, 八寶粥, 康師傅即食麵, 同埋有多種餸以供選擇嘅“自焚飯”,個飯盒其實下面有一層化學品,當一打開個飯盒蓋之後佢會即時變得超熱,甚至出晒煙,然後喺好短時間之內你會食到一盒又熱又軟綿綿嘅飯架喇……! 買完之後先發覺原來酒店裡面都有得賣, 而且買咗雨衣之後但係如果山上冇落雨的話仲可以換其它貨品添 ~~

呢間阿拉酒店有一項幾特別的服務, 就係每晚的6時30分酒店都會喺位於大堂的餐廳裡面提供一個黃山攻略的講座, 第二日準備上黃山的酒店住客們可以一路食飯一路聽講座…..我覺得呢個係一個對酒店或住客都有好處嘅講座呀!! 一來可以留住啲住客喺酒店消費食飯, 二來個講座啲資料確實對於未上過黃山的住客非常的有幫助, 最有用嘅係佢派俾每人的一份黃山地圖, 我將佢影低咗同大家分享, 希望可以幫到即將出發去黃山的朋友計畫佢哋的黃山路線 ~~

跟住就返房早啲休息喇, 因為明天要早起出發上山去嘛 ~~

Day 4 (1/4) —

我哋今早6點30分約咗一齊食簡單的酒店早餐,不過每位20元的早餐券係要提早一晚在大堂櫃台買嘅 ~~

然後7點前要到達轉乘車站,因為酒店的講座貼士話如果過咗7點可能會有大量旅行團同一時間出現,咁可能就要排長龍先上到車喇……..出發前喺酒店門口叫路人幫我哋影返張團體相先 ~~

出發喇……!!!

從阿拉酒店行過去轉乘車站大約5至10分鐘, 車票每人19蚊人仔, 車程25分鐘就會到達雲谷寺的索道站 ~~

雲谷寺索道站 ~~

索道單程80人仔一人, 一架纜車最多可以坐8人, 短短的12分鐘索道我哋喺早上8點20分就到達黃山後山景區蘑菇亭的附近喇~~

黃山山上風光奇麗，景色如水墨畫，歷史文化豐厚，尤以奇松、怪石、雲海、溫泉、冬雪被譽為黃山「五絕」而享有盛名。而松，是黃山的「五絕」之一，爲黃山光禿奇異的怪石妝點出一片綠意與生機，可說是黃山的靈魂。黃山的松，漫山遍谷，或成林、或獨枝，奇形異狀，與黃山的嶙峋怪石、層巒疊嶂渾為一體，佳構天成。黃山奇松，破石而生，立根危崖，姿態萬千 ~~

我哋的行程從後山的白鵝嶺站開始。一為時間，二為腳骨力，三為近西海酒店, 我們選擇索道上山，免去約三小時上山嘅路程 ~~

我一路行一路掛住影山景, 行到上豎琴松的位置嘅時候發覺佢哋仲未跟到上黎, 回頭望竟然見到緣始人喺度撩女仔呀 ~~
有圖有真相架 ……我係用鏡頭zoom過去影到架……….!!!

佢話個台灣女仔一個人行黃山, 但唔小心扭親隻腳, 隻腳好痛又無同行朋友照顧好可憐喎, 咁佢係唔係好想背個台灣妹上山吖 ??
你哋睇吓佢笑得幾甜吖 !!

終於爬到上去始信峰喇, 呢個景點係阿拉酒店的講座強力推薦的一個必去景點, 佢話不上始信峰, 不見黃山松 !!

始信峰的確好靚呀 ~~

由始信峰行返落去之後摩囉星咁啱巧遇佢間母校的miss同埋師弟師妹喎….正所謂有緣千里能相會呀, 咁當然要一齊影返幾張相啦 ~~

黑虎松位於北海景區，樹齡約 700 年，是黃山十大名松之一，因外型像草書的「虎」字而得名 ~~

北海散花塢左側，有一孤立石峰，形同筆尖朝上的毛筆，峰頂巧生奇松如花，故名“夢筆生花” ~~

黃山為了保護山區的環境所以沒有開闢車道, 所有送上山的物資供應, 全靠這些挑夫的辛勞, 所有黃山的物資都係由這些挑夫挑上山的, 聽講挑夫一天就只能挑這麼一趟而且係從山腳下開始往山上逐步逐步行, 一趟只可以賺人民幣20元, 後來又睇到資料話係一斤1元人民幣, 不過無論點計算都係非常低的薪金, 的的確確係一份非常辛苦的工作, 我哋睇到挑夫嗰種艱辛，不禁地對他們心存敬意 ~~

上午11點10分我哋終於經過北海飯店喇, 然後繼續往猴子觀海的景點方向行去 ~~

猴子觀海呢區有好多野生馬騮, 好多途人餵啲馬騮嘢食 ~~

猴子觀海 ~~

從猴子觀海景區又要行返回頭路先可以再往白雲賓館的方向去西海飯店 ~~

遊客登上黃山，如果在山上住宿一晚的話就可以翌日一早出發去光明頂觀日出喇………我哋今早上山個個都身負滿載食物的背襄，所以先去到今晚入住的西海飯店安頓咗啲行裝減晒磅之後先再繼續今日嘅餘下行程會比較輕鬆啲嘛 ~~

下午12點50分終於行到去西海大飯店喇 ~~

雙人標間 1180人仔一晚 , 真係貴到喊呀!!

不過想起喺咁高嘅山上能夠有如此一間咁靚咁豪華嘅酒店, 而且呢道樣樣物品包括有啲建築物料都係要挑上去嘅, 床單都係一樣要挑落山去洗架, 咁我又覺得都幾抵住喇 ~~

我嘅房間望出去嘅景係西海飯店另外一棟比較舊嘅樓, 多人間的床位就係位於呢座舊樓裡面架喇 ~~

西海飯店的舊翼大堂 ~~

喺酒店附近我哋借咗挑夫嘅竹籮黎玩, 呵呵呵……………!!

今日天氣都已經唔算太好, 但唔落雨我都已經覺得好幸運喇, 上房安頓咗啲行裝之後，下午3點鐘原本打算再次出發去遊後山的景點以及趕在6點20分前上到去丹霞峰睇日落架, 不過下午天色突然又變得好暗而且好大霧, 咁大霧我哋深信都無乜機會睇到日落了, 所以我哋就改去飛來石囉 ~~

我哋住嘅西海飯店其實好近排雲樓, 大約5分鐘左右的路程, 行去飛來石, 光明頂或往前山的景區都會經過排雲樓嘅~

白茫茫的黃山…….無法可睇得清楚山與山綿延層層的感覺, 不過大霧中啲松樹的粒粒水珠都清晰可見 ~~

出發前問咗酒店職員, 佢話由西海大飯店行去飛來石大約20分鐘, 但最後我哋行咗48分鐘才到達飛來石呀 ~~

飛來石 — 其實我覺得佢似青蛙多啲喎, 應該叫“青蛙石” 先啱吖 !!

黃山上的物資同食物短缺, 所有而且所有山上的賓館或酒店其實都係同一個集團營運嘅, 你如果行到懼中途臨時想喺近一啲嘅餐廳用餐會有困難, 因為佢哋啲食材都係配給好嘅, 如果人數不多可能仲會食得到, 所以所有團餐都要一早預訂嘅, 並唔係行到邊都會有餐廳食嘢架, 所以一定要自備乾糧同飲用水, 我哋昨晚經阿拉酒店訂咗一圍排雲樓嘅8人團餐, 雖然我哋只有7人, 但係團餐最少要訂8人, 每位人仔80 ~~

跟住就返酒店早啲休息喇, 因為明天要半夜2點半起床執嘢退房出發去光明頂睇日出嘛 ~~

Day 5 (2/4/2013) —

鬧鐘一嚮就已經打俾樓下大堂問今日睇日出既機率高唔高，佢地話資料都係無更新到，維持喺55%….咁好啦！既然一生人一次，多5%就去啦！ (不過喺房度用電筒射出去，大霧到酒店出面嗰三支旗桿都睇唔到，其實有啲擔憂…)

開始出發喇！(其實呢度有四個人，見唔見到？)

其實可能大家會問，點解日出時間係5點57分但我地要4點鐘咁早出發呢？

就因為尋日西海酒店職員話行去光明頂要個幾兩個鐘，咁我哋又怕行得慢會錯過咗日出時間，所以咪2點幾起床執嘢食埋嘢，然後3點50分退房出發囉！而且呢段路都幾金吓，大霧到連視線都只有2尺左右咋, 如果熄咗電筒根本連自己嘅手指都見唔到架, 啲霧水又喺樹上係咁滴到大家全身濕晒…..仲要全程都係往上行的石級，點知就係因為大霧到全程只可以靠電筒照住啲石級, 見步行步咁一級一級咁專心地往上行，所以話咁快我哋喺4點半已經到達行知亭，而4點54分終於見到第一支路燈喇，心諗如果開始有路燈應該好快就到喇！

5點10分終於行到上去光明頂喇！唉….又中伏！！昨天上去飛來石啲人又老點我哋，今日又係因為資料錯誤所以早咗出發，早知咁快行到就俾我喺間靚酒店度瞓多45分鐘啦………..嗚嗚嗚嗚嗚……!!!

光明頂是黃山的主峰之一，海拔1860米，為黃山第二高峰，與天都峰、蓮花峰並稱黃山三大主峰。頂上平坦而高曠，可觀東海奇景、西海群峰，煉丹、天都、蓮花、玉屏、鰲魚諸峰盡收眼底。明代普門和尚曾在頂上創建大悲院，現在其遺址上建有黃山氣象站。因為這裡高曠開闊，日光照射久長，故名光明頂。由於地勢平坦，所以是黃山看日出、觀雲海的最佳地點之一 ~~