北九洲自駕遊【PART 1

今個日本北九州之旅係去年9月已經計劃好的，刻意同公司申請今年2015年3月的大假，因為想春天去豪斯登堡賞鬱金香。 豪斯登堡位於九州長崎縣的佐世保市，是一個綜合性的度假樂園。豪斯登堡的荷蘭語 ” Huis Ten Bosch ” 是森林之家的意思。 而其廣大的園區就是以荷蘭街道以及歐洲地區的造景作為設計藍圖。裡面除了有美麗的花園、宏偉的歐式建築之外，還有各式精采有趣的娛樂設施，更會配合不同時節舉辦特別的大規模活動。我們今次3月去同時會見到2個主題，就係冬天的「光之王國」以及春天的花祭「鬱金香王國」，同一時間可以參與2個主題活動，實在太好了 !!

而今次我們一車4人，同行的有我嘅好姊妹Cris、佢嘅媽媽Linda和我的蝦子餅，真係非常期待今趟的自駕遊呀 ~~

今次北九州的6天行程 :

Day 1 (12/3)

– 香港直飛福岡(Fukuoka)

– 博多駅購物廣場

宿: Hotel Tokyu Bizfort Hakata

Day 2 (13/3)

– 長崎(Nagasaki)

– 豪斯登堡Huisten Bosch「鬱金香王國」& 「光之王國」

宿：長崎思案橋里士滿酒店(Richmond Hotel Nagasaki Shianbashi)

Day 3 (14/3)

– 哥拉巴公園

– 長崎大型購物站Amu Plaza

– 稻佐山夜景

– Cocowalk 購物廣場

宿：長崎思案橋里士滿酒店(Richmond Hotel Nagasaki Shianbashi)

Day 4 (15/3)

– 大分湯布院溫泉小鎮

– Yufuin Floral Village

宿：Poppoan溫泉旅館 (一泊二食)

Day 5 (16/3)

– 金鱗湖

– 門司港「旦過市場」

– 福岡Aeon Centre 購物廣場

– 天神購物區（地下街、三越、大丸）

– 中州夜市（河邊地道特色大排檔，屋台）

宿：JR Kyushu Hotel Blossom Hakata Central

Day 6 (17/3)

– 博多運河城

– 福岡飛回香港

Day 1 (12/3/15) —

我們乘搭上午11時10分開出的港龍航班KA380，由香港前往福岡的飛行時間只係短短的2小時又40分鐘，喺機上食咗個午餐，睇咗套電影然後休息咗一陣好快就開始降落喇 !! 班機喺當地時間下午3點就降落咗福岡機場，比原定抵達的時間仲要早咗15分鐘喎 ~~

一行出機場以為天氣咁好又有咁大個太陽應該好暖啦，原來氣溫都相當涼，下午都只得7度咋，都係著返件褸穩陣啲 ~~

我們的自駕遊明早先正式開始，所以明天一早先去博多站取車 ~~

過了關取了行李之後已經接近下午4點了，我們就照著機場的指示牌走去搭巴士出福岡市中心 ~~

在福岡機場國際線大樓出市區，以前首先要乘搭接駁巴士到國內線大樓才能到達地鐵站，然後再轉地鐵前往博多或天神地區~~

不過由去年開始西鐵巴士在國際線大樓新設了出市區的巴士路線，下圖呢架係前往博多站的巴士，車程約18分鐘，車票每人￥260。如果搭前往天神地區的巴士車程則約33分鐘（￥310）。如果多行李的話，乘搭巴士的確比乘搭地鐵需要上上落落來得方便呀 ~~

4點25分去到博多車站(Hakata Station) 落車。來到九州，福岡機場必定是第一選擇的出入口，從福岡機場搭地鐵進市區，抵達博多車站只需十分鐘，博多車站是九州第一大站，絕對是九州最重要的交通樞紐。因與博多站直結，且配合2011年九州新幹線開通， 2011年底全新落成的JR Hakata City大樓，可說是九州最重要的地標之一 ~~

這一棟博多車站共構建築，其中商業設施可分為四大結構：阪急百貨、AMU PLAZA、TokyoHands與博多一番街（美食地下街），而我們今晚就住在這博多車站附近 ~~

預先喺香港鴨寮街買咗呢張電話上網卡，港幣120可用7日嘅1.8GB 流量數據，呢個年代去旅行如果手機開到Google Map會方便好多，搵酒店位置都容易好多，而且隨時可以上網搵資料同分享照片，所以呢啲上網卡真係唔慳得㗎 ~~

春暖花開，連馬路邊啲花花都已經開得咁靚，非常期待今次去豪斯登堡的鬱金香王國呀 !!

今晚我們入住嘅係位於博多站旁邊嘅Hotel Tokyu Bizfort Hakata ~~

港幣763一間雙人房，日本啲酒店房間一般都好細，不過喜歡佢簡約舒適的風格 ~~

安置好啲行李之後就立即出發去地下街食午餐 ~~

褔岡博多站地下街是位于褔岡JR博多車站的博多出口地下的地下商業街，內分6條不同特色的小街。博多站地下街共有時裝店、禮品店、雜貨店、美食店等各種店鋪150多家，是博多車站的乘客經常光顧以及外來旅遊者必經的地下街 ~~

話明係搵嘢食，咁當然要行去博多一番街先啦 !!

其實當時已經5點鐘，下午茶時間都過咗啦，但食晚飯又太早，一於搵一間食啲無咁飽肚嘅刺身先啦，今晚再去食燒烤 ~~

美食加啤酒，無得輸 !! 呢餐7400 yen ~~

因為今晚無其它行程，所以食飽就喺博多站地下街同埋Hakata City大樓閒逛 ~~

一諗起喺日本shopping就一定會諗起啲美侖美奐又吸引到暈嘅靚靚包裝，就算忍到手唔買，window shoppping齋睇都覺得好開心 ~~

我當然唔會放過我最愛的食品區啦，哈哈…..!!

啲嘢食包裝真係靚得好過份好吸引呀 !!

連啲bento飯盒都咁靚同咁多選擇，懶煮飯嘅當地人太幸福喇 !!

又見到我一直好想試但又無膽試嘅雞泡魚 ~~ onion-head1

行到差不多晚上8點鐘，我們就喺博多站附近食晚飯喇 ~~

因為剛食過下午茶無幾耐而大家都唔太肚餓，所以搵咗間可以坐得舒服啲嘅烤肉BBQ餐廳 ~~

呢餐賣單才4000 yen，好抵食 !!

明天就係今次北九州之行其中一個我最期待嘅自駕遊行程「豪斯登堡」喇，所以要早啲休息準備明天一早出發 !!

Day 2 (13/3/15) —

今日首先要去的係長崎市，由褔岡出發向南行，路程大約係153公里。九州是日本西南部的一個島，為日本本土四大島之一。首先俾個九州地圖大家了解一下九州啲地區，今次我們所玩嘅地區主要係北部，包括福岡縣、長崎縣以及大分縣。而南九州 (鹿兒島縣和宮崎縣) 就會留返明年自駕遊再去玩過 ~~

早上8點半我們喺酒店嘆返個自助早餐，要先去酒店前台買早餐卷，每位1000 yen ~~

酒店的餐廳 ~~

然後十點鐘退房 ~~

以下係日本酒店常見的「自動退房裝置」。辦理退房手續時只需插入房咭然後按指示就搞掂，好方便 ~~

跟住就出發行過去位於博多站後面嘅日產租車店取車喇 ~~

因為我約咗11點取車，我們早咗30分鐘到達但我們訂嗰架車未到，所以唯有喺旁便間咖啡店食件蛋糕飲杯嘢再坐多陣啦 ~~

11點正終於見到我們架戰車喇，原來早到係無用㗎 !!

Set好個GPS導航就開始出發喇……!!

一出市區就好快上高速公路，一路上車都唔算多，而且今日天氣又唔錯 !!

途中經過第一個高速公路休息站「金立」，就一於停低架車入去行吓順便去洗手間 ~~

Cris and Linda兩母女 ~~

日本高速公路的休息站分作PA和SA，PA是Parking Area的簡寫，只提供洗手間和停車服務，SA為Service Area，結合賣店與餐飲，「金立」就較符合我們對休息站的印象 ~~

Cris已經忍唔住買咗啲嘢食俾家中嘅3個寶貝仔喇 ~~ Free Monkey Emoticons Part2

繼續向長崎嘅方向前進 ~~

下午1點45分我們過咗呢個收費亭就正式進入咗長崎縣喇 ~~

預計今晚由豪斯登堡出返黎肯定會接近半夜12點，所以我們先去長崎市今晚住的酒店取房，擔心酒店會唔留房間到深夜俾我們因為網上訂房但未付款，而且日光日白搵酒店會比較容易嘛 ~~

我們會住2晚呢間長崎思案橋里士滿酒店 (Richmond Hotel Nagasaki Shianbashi) ~~

標準雙人房每晚港幣923，包2人早餐 ~~

放低晒啲行李我們就立即開車出發去豪斯登堡 ~~

由長崎市出發去豪斯登堡仲有66km的車程，而且唔係高速公路，所以都好遠路程 ~~

下午3點20分終於到達豪斯登堡了，停車場全日泊每架車 800 yen ~~

泊好車就一直向城門嘅方向走 ~~

入場券¥6200，在官網票券介紹的網頁有列出特惠遊園券可以免費玩的遊樂設施，以及需要另外付費的遊樂設施費用以及其它資料 ~~

http://chinese01.huistenbosch.co.jp/ (繁體中文) http://chinese01.huistenbosch.co.jp/guide/passport/

買完門票之後，由入場口進入基本上得一條路，就順著路往前走即可 ~~

每年3月中至4月初的鬱金香祭時，30萬株鬱金香花開茂盛，五彩繽紛 ~~

開始走進園區的大門，一映入眼簾的就是有著各種鮮豔色彩的鬱金香。靠近仔細一看，不同品種的鬱金香，除了顏色不同，就連花瓣和大小都不太一樣，好似下面照片裡中間那些粉紅色帶點白色的鬱金香，花瓣上有著蕾絲狀，好特別呀 !!

豪斯登堡位是以17世紀荷蘭為主題的休閒渡假主題樂園。豪斯登堡的街道是根據12至20世紀的歐洲街道所設計，田園區､新市街區､舊市街區､港町區以及森林區等共11個區域、約150多棟歐風洋溢的建築物呈現了濃厚的歐洲風情 ~~

會先經泰迪熊博物館，從 1900 年代的古董熊到各種品牌的熊，展示應有盡有，約 1500 種的熊。不過上次係韓國濟州島參觀過一次，所以今次興趣不大，都係趁日落之前快啲去花田賞鬱金香好啲 ~~

再往前行就見到接載遊人到豪斯登堡園內的巴士 ~~

豪斯登堡園裡有隨著季節的變化，綻放不同的花卉，如今次3月春天的鬱金香、夏天的繍球花、秋天的玫瑰花及大理菊、冬天的三色堇，不論任何季節只要來到豪斯登堡，園內總是綻放著美麗的鮮花 ~~

我們接著來到荷蘭風車區，幾十萬株的鬱金香，開出一整片像彩虹般色彩繽紛的鬱金香花海 ~~

鬱金香加上荷蘭風車，這樣美麗的景色真的猶如來到了荷蘭一樣 ~~

豪斯登堡的鬱金香都係以荷蘭直接進口的品種為主，據說鬱金香從荷蘭冷凍空運到日本之後，會再請日本當地的農家栽種，然後開出來的鬱金香就跟荷蘭嗰啲一樣咁靚 ~~

好不容易離開了大家流連忘返的鬱金香花海與風車，我們再往前行到去園區內各項娛樂設施所在的新城區。其實豪斯登堡是以觀賞歐式建築和花為主，是讓遊客猶如身在歐洲的休閒設施，事實上來過這裏的人都會感覺好似去到了歐洲，因此豪斯登堡跟其他的遊樂設施比較之下難免會感覺不足。對於純粹是想要玩遊樂設施的人而言會覺得不夠，但係如果想要找個地方好好休息一下或係散散心，豪斯登堡應該係不錯的選擇。如果遇著星期六、日到來到更有煙花睇，不過假日遊人一定比較多，想拍到一張無人的花海照片相信一定不容易吧！!

就連垃圾桶都咁有荷蘭特色 ??

園區內除了荷蘭風車之外，當然少不了德姆特倫高塔以及環繞園區的運河 ~~

去到德姆特倫高塔的位置終於見到有餐廳了 ~~

所以就求其搵咗間食中式拉麵的餐廳坐低食午餐 ~~

擔擔麵 ~~

再行遠少少原來仲有幾間賣博多拉麵嘅餐廳㗎 !!

然後再行過一啲就來到一旁面海的海灣區 ~~

前面嗰隻就係海賊王卡通裏「魯夫」他們所乘坐的【千陽號】了 ~~

然後經過一排日式餐廳，因為今晚打算喺園內食晚飯然後再繼續玩到10點鐘閉門時先離開樂園返酒店，所以我們就順便搵定今晚想食嘅餐廳先 ~~

決定咗今晚食邊間餐廳之後我們再去另外一區 “阿姆斯特丹廣場” 行吓 ~~

原來呢區一樣有好多不同品種的鬱金香 ~~

我同Cris用電話 + 自拍神棍影咗好多花花自拍照呀 ~~

已經快七點了，天色開始暗了，深藍色天空的magic hour又開始出現了，阿姆斯特丹廣場周邊都是餐廳跟商店，站在昏黃的燈火映照中，彷彿置身於歐洲的街道上，感覺很浪漫 ~~

一入夜之後，無數閃亮的燈飾點綴著豪斯登堡的建築，景色非常迷人 ~~

蝦子餅耐心地坐在一旁等我們同花花影相 ~~

仲有立體投影秀，正呀 !!

阿姆斯特丹廣場上仲有表演節目 ~~

一到夜晚豪斯登堡搖身一變成為「光之王國」，就是今年2015冬季最推薦的光之祭典，係一個超過了1100萬球的燈光秀。走進光之王國，就好似來到了一個壯闊的夢幻燈海中，所以如果有計劃要來日本長崎旅行的朋友，一定、一定要來睇睇，絕對值回票價喔！! 就係因為光之祭典是晩上的關係，我們今日才延後了入園的時間，就係怕如果太早入園的話就要由早行到晚會太攰喇 ~~

晚上7點15分舉行的光之花車遊行 ~~

仲有噴泉運河燈光秀，只要運河遊艇駛過，兩側的行道樹及水底的燈光，便會不停的變幻著各種色彩，五顏六色十分精采 ~~

無數閃亮的彩色燈飾點綴著豪斯登堡，實在太夢幻太靚喇 !!

睇完運河燈光秀之後我們就先去”花之家”食晚餐，4人餐總共係 ¥11650 ~~

食飽之後我們一路沿著藍色的燈光走去，過咗條橋我們來到了光之藝術花園 ~~

閃耀著藍色燈光的花園，就好像是一整片的海波浪，浪漫極了。這世界最大的光之祭典，點亮了豪斯登堡整個夜空。這個夢幻燈海，現場看到的那種感動，講真並唔係一兩張照片及文字可以形容的，太靚喇 !!

如果這樣還不過癮，仲可以登上豪斯登堡最高的塔德姆特倫高塔，從八十公尺的瞭望台上欣賞園區內的彩燈、運河、及歐風建築，美景通通盡收眼底，不過我們好攰又懶爬上去，所以放棄了。我們真係玩到最後一刻園內廣播話關門時間已到我們才離開，返到長崎思案橋里士滿酒店都已經夜晚11點50分了，今日玩到咁夜真係要好好休息下喇 ~~