走過南美的土地 – PART 4【利馬篇 】

 DAY 12 (2Mar2016) —

我們今天一早由La Paz飛到返去利馬(Lima),南美行程總算去到最後一站了。 前文Part 1都有提過我和Winnie 2人係經荷蘭轉機飛去Lima, 而Joelle、Jennifer和Vanora她們3人就經美國Dallas轉機飛去利馬,所以回程都係一樣兵分兩路,我們都各自安排咗唔一樣嘅尾段行程 ~~

9點抵達機場之後由預先安排好嘅私家車接載我們去今晚嘅住宿,每部車費美元$30 ~~

利馬分為舊城及新城兩區,舊城區四處都保留殖民地時期的特式建築,街道井井有條充滿歐陸風情,包括馬丁廣埸、武器廣場等…..而新城區米拉弗洛雷斯 (Miraflores)就雲集了眾多企業、酒店、靚餐館和酒吧,算是利馬治安比較好的高上商業住宅區。 我和Winnie這兩晚就入住新城區Miraflores的2房apartment,而Joelle、Jennifer和Vanora她們3人就會今晚坐夜機去Dallas轉機返香港 ~~

2房Urbano Apartments Miraflores Pardo 的一晚租金係美元$104,有個廳和設備齊全嘅廚房 ~~

房間睡床都好乾淨舒服,最唔滿意嘅就係全屋又無冷氣,點解利馬啲住宿無空調㗎? 夏天真係好熱呀!!

最開心嘅就係有個設備齊全嘅廚房,既然有廚房咁就可以自己煮少少嘢食啦,終於可以唔需要每一餐再食嗰啲鹹到苦嘅秘魯菜喇 ~~onion-head105

頂樓有個類似會所嘅地方 ~~

戶外仲有個BBQ地方以及一個小小泳池 ~~

Joelle、Jennifer和Vanora她們3人今晚先出發去機場坐夜機去Dallas轉機返香港,所以趁今日仲有半天時間就安排咗5人一齊去附近嘅景點觀光 ~~

   

今日我們去參觀的是其中一個位處於新城區Miraflores中心地帶的胡亞卡普拉納遺址 (Huaca Pucllana) 。 下午2時我們從Urbano Apartments出發步行去,大約15分鐘的路程就到達Huaca Pucllana景區 ~~

 門票係每人 S/.12 ~~

其實要了解秘魯的古老文明的話,除咗可以老遠跑到去安第斯山脈去之外,利馬本身都有一大堆遺跡 “Huacas”,一些比印加文明還要早的文明遺跡,這些遺跡遍佈全個利馬市。 其中Huaca Pucllana就是一個例子,它是一座公元400年建立的類金字塔的祭壇,城市中心數百年歷史的金字塔和廟宇,這裏展示了一些考古發現和遺骸。

這裏並非只是一個供人參觀古跡的地方,在這裡還可以一探Huaca Pucllana歷史珍寶的究竟。這些遺跡是約 1500 年前建造的商業中心,直到最近才被挖掘出來。下圖係Huaca Pucllana的模型,導遊正為遊客講解當中的歷史 ~~

Huaca Pucllana在公元 5 世紀開始動工興建,比印加人開始建造馬丘比丘還要早約一千年。 Huaca Pucllana 意思是“祭祀聖地”,因此這個地方很可能是用來舉行祭祀的。原住民在這居住了 300 年,直到瓦里人占領這座城市。這個神聖的建築群佔地曾達 16 公頃,約有 44 座廟宇。現在只挖掘出很小一部分,只能看到 7 座金字塔和部分較低矮的建築。 馬丘比丘和卡拉爾等著名古城都是用大塊花崗岩修建,但Huaca Pucllana並非如此。這裡的建築是用粘土和手工磚修建的。走近你會發現磚塊砌得歪歪扭扭,但這並非是建造馬虎;古代的建築工人特意用這種方法砌磚是為了抵御地震。這裡的廟宇已留存 1500 年,事實驗證了他們的技術水平 ~~

考古學家不斷挖掘出古代文物, 最近剛發現一具木乃伊 ~~

Huaca Pucllana裡面有一個小小動物飼養區,見到有幾隻可愛的羊駝和天竺鼠 ~~ yxh54

仲有一大片好靚嘅芒草,啲顏色比香港嗰啲芒草好不一樣,比較紅一啲深色一啲 ~~

Huaca Pucllana巨大的金字塔和古代磚石建築與周圍的現代化環境形成鮮明對比 ~~

參觀完之後我們去咗Urbano Apartments對面的超市”Supermercado Vivanda”,我要買煲湯材料嘛 ~~

雖然買唔到新鮮嘅肉類,但行程去到Day 12終於有啖住家湯飲吓,太感動了 !!

用紅蘿蔔、洋蔥、馬鈴薯、蕃茄和胡椒粒煲成的雞湯,簡單但有益~~ yxh75

甜品有剛才超市買的牛油果雪糕,不過我覺得個味道有啲奇怪,我麻麻地喜歡牛油果味 ~~ monkeys57

飲完湯食埋雪糕之後佢哋3個喺apartment逗留到晚上九點半然後由我安排車送佢哋去機場,而我同Winnie就留低繼續我哋嘅利馬行程 ~~

onion-head100   onion-head100

 

DAY 13 (3Mar2016) —

昨天喺超市買咗沙律材料整早餐同Winnie兩個慢慢嘆 ~~ yxh55

食飽之後我哋就出發搭的士去遊覽利馬市中心(Centro)一帶的歷史城區。 利馬歷史城區於 1988 年成為聯合國世界文化遺產。到利馬(Lima)的遊客相信無人會錯過包括大廣場(Plaza Mayor、或武器廣場 Plaza de Armas)及聖馬丁廣場(Plaza San Martin)。

一落車就見到一架當地的旅遊觀光巴士載住一團遊客 ~~

我哋2人都喺跟住Google Map嘅路線沿住呢條街一直向前走 ~~

西班牙人於 1535 年建立利馬時,跟很多南美殖民城市一樣,以武器廣場為中心規劃出棋盤狀的城市。 離大廣場幾個街口之遙是聖馬丁廣場(Plaza San Martín),紀念 1821 年從西班牙殖民者解放利馬兼秘魯首任總統聖馬丁(José de San Martín)。雖然廣場旁邊同樣有古色古香的建築物,但聖馬丁廣場的歷史便短得多,只是 1921 年為慶祝獨立 100 週年而建成 ~~

今天廣場北邊的總統府(Palacio de Gobierno)仍代表著秘魯的政府權力中心,每天正午有衛兵換班儀式,不過遊客只能隔著鐵窗遠看 ~~

廣場西邊是利馬市政廳(Palacio Municipal de Lima)和秘魯軍政界的會所總部(Club de la Union)~~

南邊是兩座古色古香的商業大樓 ~~

但遊客最感興趣的相信是東面可入內參觀的大教堂(Basílica Catedral Metropolitana de Lima)和大主教宮殿(Palacio Arzobispal de Lima)~~

除了兩座廣場四周,歷史城區的街道上都築有很多殖民地建築,其實今日路經的多座建築物我都唔清楚係乜嘢地方,不過見到咁有特色就影低紀錄一下咁囉 ~~yxh75

穿過Calle Del Arzobispado呢條街來到Jirón de la Unión 步行街 ~~

我同Winnie喺步行街掃咗好多手信以及秘魯紀念品,款式多選擇而且價錢平過Cusco添 !! onion-head68

    

左穿右插又行到去一個購物廣場,又係一個專賣當地特色手工藝品嘅地方,人不多,很好逛 ~~

最吸引人嘅就係呢啲五顏六色、顏色好鮮艷又好sharp嘅手工藝品 ~~

連啲手工布袋啲顏色都好靚 !!

仲有好多大大小小嘅羊駝毛公仔 ~~

好可愛嘅黑炭BB呀 !! yxh04

掃完貨我哋今日下一個要去嘅地方就係”唐人街” ~~

路經一個文具市場 ~~

步行差不多15分鐘就到咗秘魯利馬嘅唐人街牌坊了,不過唔似得美加、澳洲或歐洲嘅唐人街咁多中國人,見到嘅大部份都係南美洲人居多 ~~

不過都好有中國特色,整條步行街上由街頭至街尾會有十二生肖的圖案 ~~

呢一區容易見到中文字,亦有好多間中菜餐廳 ~~

就連韓國食品超市都有 ~~ onion-head83

我同Winnie打算喺唐人街食午餐,就求其搵咗一間都幾好生意嘅”湯繼城”坐低諗住簡簡單單食碗雲吞麵啦 ~~

望吓啲侍應,無一個似喺中國人,連個餐牌都只有西班牙文,一粒英文或中文字都無嘅,我哋唯有見到”sopa wantan”就靠估佢喺wonton soup啦,點知碗嘢捧到埋來……….

我叫嘅竟然係碗咁樣衰嘅叉燒厚皮雲吞雞肉麵 !! onion-head72

望見個賣相已經知道一定超難食啦,哈哈 !! onion-head75 真估唔到秘魯啲嘢食麻麻地啱口味,連中餐都唔合格,唉 !!

順便一提,唔單止我哋利馬嘅住宿無冷氣,原來就算係餐廳都完全係無冷氣㗎,只得啲吊扇咋,陰公!! 利馬嘅特色相信係一路食就一路滴汗囉 ~~ onion-head62

返到去Miraflores區之後我哋去逛咗一陣Saga Falabella百貨公司 ~~

返去apartment稍作休息之後,晚上我哋步行去附近呢間著名餐廳PANCHITA食晚餐 ~~

   

以下呢碟係吞拿魚,類似辣嘅吞拿魚刺身沙律 ~~

另外仲有串燒八爪魚同蔬菜,一樣係味道偏鹹 ~~

當地嘅糯米粟,好大粒,顏色偏白,口感煙韌,屬於主糧 ~~

明天利馬行程將會結束,明晚要坐2程長途飛機一定會超級攰,所以今晚要爭取時間好好休息先,晚安!! onion-head24

 

DAY 14 (4Mar2016) —

我哋今日上機之前嘅主要行程就係踩單車遊利馬海岸線,今朝又係食自製早餐,有蘑菇長通粉、沙律以及哈密瓜 ~~

食飽之後9點半就出發步行去單車店,路經一間秘魯手工藝店,順道入去行咗一圈參觀一下 ~~

大約10分鐘的步行路程,好快就去到MMA Store Peru商場,單車店Lima Bike Tours and Rental位於商場3樓,4小時車租才美元$10 ~~

以下係我哋今日嘅單車路線 :

Óvalo de Miraflores 迴旋處出發 》》AV. José Pardo 》》Alameda de la AV. Pardo 》》Parque Miguel Grau 》》Circuito de Playas 》》Antonio Raimondi Park 》》Miraflores Lighthouse 》》Parque del Amor 》》Costa verde 》》Cala 》》Playa Barranco 》》Larcomar shopping mall 》》AV. José Pardo 》》MMA Store Peru還車

出發喇!!! onion-head105

首先往海岸線嘅方向踩過去 ~~

沿著整條太平洋海岸線的單車徑,一路踩一路觀賞壯觀的海灣,利馬是全南美洲空氣污染程度最嚴重的城市,今日出現了難得一見嘅利馬藍天,風景真係好靚呀!!yxh06

我同Winnie嘅戰車 ~~ monkeys311

岩邊有多間特色餐廳 ~~

以下係沿路停低影嘅幾張照片 ~~

以下見到嘅Costa Verde 海灘區就係我哋下一個目的地喇,要準備由高處衝落去,諗起都覺得刺激呀!!onion-head2

Miraflores Lighthouse ↓↓

   

Parque del Amor ↓↓

   

Costa Verde ↓↓

單車由高處衝落去低處的海灘區就好容易,完全無難度,但係要踩返上去對於我呢啲體能一般嘅就好高難度喇,所以我哋決定連人帶車搭的士返上去懸崖邊的Larcomar shopping mall ~~ monkeys57

Larcomar shopping mall ↓↓

我哋2架戰車就吊泊咗喺商場內有專人看管嘅單車停車場裡面 ~~

今日天氣炎熱胃口麻麻,所以我和Winnie決定只食雪糕當午餐 ~~

食甜嘅雪糕總好過又食啲鹹到苦嘅午餐啦 ~~ onion-head29

Hea咗一陣之後下午2點鐘就踩返去還單車了。Urbano Apartments Miraflores Pardo 的屋主同意了我哋延遲到今日下午4時30分才退房,然後由屋主安排專車下午5時送我哋2人去利馬機場,車費US$30。 我和Winnie的第一程回航機係飛往阿姆斯特丹 (Amsterdam)的荷蘭航空KL0744號班機,飛行時間係11小時又40分鐘 ~~

 

DAY 15 (5Mar2016) —

因為時差嘅關係,我哋到達荷蘭Amsterdam Schiphol Airport時已經係3月5日的下午3時20分了 ~~

喺呢個機場我要同Winnie分道揚鑣講bye-bye了 onion-head19 因為第二程航班佢將會自己一人飛返去香港,而我就會搭今晚的荷蘭航空KL0809號班機飛往我的家鄉吉隆坡 ~~ 

而我就自己一人無無聊聊咁喺機場禁區行來行去兼呆坐,因為我下一程機係開晚上8時50分嘛 ~~onion-head54

唯有周圍逛吓手信店打發吓時間啦 ~~

好彩有wifi可以上網吹下水 ~~yxh50

第二程飛行時間係12小時又5分鐘,又係長途機 !!  onion-head72好彩今班機有個靚佬坐我隔離,有靚佬陪坐感覺都好啲,仲見到好靚嘅雲海同日出添 ~~ onion-head29

   

降落吉隆坡機場之前派嘅早餐 ~~

DAY 16 (6Mar2016) —

3月4日傍晚由利馬機場離開,抵達目的地吉隆坡已經係3月6日嘅下午3時50分,唔見咗2日時間,真誇張!! onion-head41

以上係我今次秘魯以及玻利維亞的戰利品,我唔打算再去第二次,所以今次點都要買多少少手信先對得住自己嘛,嘻嘻 !! onion-head23

 

全篇完 ,謝謝收看 !!

 

走過南美的土地 – PART 1【秘魯庫斯科篇 】

走過南美的土地 – PART 2【馬丘比丘篇 】

走過南美的土地 – PART 3【玻利維亞篇 】

走過南美的土地 – PART 4【利馬篇 】

 

 

秘魯參考資料 :

國家概況、地理、位置:

秘魯位於南美洲赤道附近的南半球,雖然不算是十分大的國家,但地形變化多端,西部是安第斯山高地,有多座海拔六千米以上的雪山;東北部為亞馬遜熱帶雨林,南部太平洋海岸卻是十分乾旱的沙漠地區。秘魯分別跟厄瓜多爾、哥倫比亞、巴西、玻利維亞和智利接壤。

首都:利馬 (Lima)

氣候:基本上一至四月為雨季,五至九月為旱季,南部沙漠地則長年乾旱,但海岸在一至三月常有海霧。亞馬遜地區較炎熱多雨,首都利馬則幾乎全年無雨,高地晚間氣溫有時會接近零度。

貨幣:秘魯的貨幣是新索爾(Nuevo Sol / PEN,一般簡稱 Sol,代號 S/

時區:UTC-5PET),較中、港、台時間慢 13 小時。

電壓:220V 60Hz,多是A型雙扁頭插座,亦有三腳的B型插座和C型雙圓頭插座

語言:(拉丁美洲的)西班牙語。在最熱門的旅遊區如馬丘比丘和庫斯科用英語比較容易,但其他地方會說英語的仍只屬少數。

宗教:大部分人信奉天主教。

簽證:持香港特區護照或 BNO 護照可免簽證到秘魯旅遊。

衛生:只要注意一般旅遊衛生,基本上應該沒有大問題。唯在亞馬遜地區則需格外留心衛生,應注射黃熱預防針和服用預防瘧疾藥丸。秘魯頗多旅遊點如 Cuzco 位於高海拔,要注意高山反應的問題。

安全:我認為秘魯是一處旅遊時需加強提高警覺的地方,但也不要過分擔心,只要注意一般旅遊安全措施如時常提高警覺、財不可露眼、錢財分開擺放、避免到僻靜的地方、不要太夜回酒店等,遇劫和被偷去東西的機會應可大幅減少。

 

南美行李/裝備溫馨提示 :

除要記得帶備護照、身份證和足夠美金之外,以下係小小的溫馨提示:

(1) 打算浸溫泉的團友請自備泳衣同毛巾。
(2) 帶備雨傘/雨衣和水鞋/鞋套,因為2月是雨季。
(3) 帶備最少25% Deet成份的蚊怕水。
(4) 早晚溫差極大,夜晚氣溫可能在零度以下,夏天衣物、禦寒衣物、太陽帽、太陽眼鏡、防曬都必須帶備。最好以洋蔥式穿著。
(5) 大型行李篋可能要放車頂,最好每人多帶一個跟身背囊放貴重物品,以及一個可摺得埋的手提袋以便購物。
(6) 如沿途需要上網的話可在Lima機場落機後購買電話上網卡。
http://ironshoetravel.com/?p=2845
(7) 南美插頭係兩腳扁型或雙腳圓型插頭,所以充電器要用轉插器。
(8) 某些地區可能夜晚會停電,所以要帶備電筒仔。
(9) 帶備高反藥物和其它旅行必備的藥物例如止屙和感冒藥物等…
(10) 高原地區建議帶備朱古力和得力素。
(11) 申請Bolivia簽證必須打印和準備的文件。
(a) Details of accommodation in Bolivia
(b) Flight arrival and departure
(c) Copy of your credit card and financial proof / salary slip / bank statement.
(d) Copy of your passport
(e) Passport size colour photo X2
(f) Yellow Fever Certificate, a copy and the original

(12) 入境紙的存根要好好保管,如果遺失了會好麻煩,導致出唔到境或受重罰。

 

南美Budget (每人):

HKG-AMS-LIM-AMS-HKG 機票 :HK$15920

22/2 (LIM-CUZ) 機票US$121.60

26/2 (CUZ-LPB) 機票US$82.60

27/2 (LPB-UYU) 機票US$164.15

29/2 (UYU-LPB) 機票US$161.99

2/3 (LPB-LIM) 機票US$436

24/2 – 25/2 (Machu Picchu Tour) US$506

27/2 – 29/2 (Salt Flat Tour) US$600

21/2 ( 1 night at B&B Wasi Aeropuerto) US$33

22/2 – 24/2 ( 2 nights at Tiarra Viva Cusco Centro) US$77

24/2 – 25/2 (remain 1 room to keep all luggages) US$15

25/2 – 26/2 (1 night at Tiarra Viva Cusco Centro) US$38

24/2 – 25/2 ( 1 night at Aguas Calientes) price included in the Machu Picchu Tour.

26/2 – 27/2 ( 1 night at Casa de Piedra Hotel Boutique in La Paz)
US$48

27/2 – 29/2 ( 2 nights at Luna Salada) price is included in the Salt Flat 3 days Tour.

29/2 – 2/3 ( 2 nights at Casa de Piedra Hotel Boutique in La Paz) US$96

2/3 – 4/3 (Urbano Apartments Miraflores Pardo in Lima) US$104
 
Food and Local Transportation : $165

(US$2483= HK$19368)

Total =  HK$35288

 

至於秘魯當地嘅電話data SIM card,唉!我今次遇到唔愉快嘅經歷,講起我都激氣呀! 秘魯較有名的電話網絡供應商有 Claro 和 Movistar,Cusco市的小店買嘅data SIM card都係呃人嘅,俾咗錢係冇可能用得到啲數據流量,而且所有SMS短訊全部都係西班牙文,真係搞佢唔掂,而我都試過分別去兩間當地最大間嘅電訊服務商(Movistar and Claro)求助,亦都無辦法開通到,諗住投降再俾錢買過一張電話data SIM card 啦,點知原來申請電話數據咭嘅過程係超級繁複,又要用護照登記,登記完之後又要去排隊付款(二百幾蚊港幣一張),付款完又要再排隊開通,整個過程用咗接近兩小時,浪費晒啲觀光時間,最慘係開通完都要等兩日先用到數據流量,但兩日後我又離開秘魯飛去玻利維亞,咁咪即係混吉?即係俾咗錢又用唔到囉!

在大城市如 La Paz,訊號都不會有問題,在天空之鏡的落腳小鎮 Uyuni 也收到3G;但離開了Uyuni,進入到鹽湖的沙漠地帶時,就沒有訊號了。