概述 : 這次這個聚會是由蘿記網友在香討吹雞嘅一個2天自駕美食增肥團, 目的地係去龍兄嘅家鄉廣東新會, 由佢幫我地安排晒所有行程, 酒店和膳食, 食盡當地道地美食。 今次亦係我第一次參加網友搞嘅自駕遊, 參加人數竟然有21人, 一共7架車, 可想而知蘿記的魅力和號召力有幾強勁啦!!!
因為今次個行程並不是我負責plan的, 我係只負責食, 飲, 玩和影相咋 ~
Day 1 的路線
深圳 – 廣深高速公路 – 虎門北柵 – S358 0 – 渡輪 – 亭角 – 廣澳高速 – 中江高速 – 江珠高速 – 禮樂
26/11/2011 (星期六) – 我地一早8點約了龍兄喺上水火車站一齊經羅湖過關, 去一嗨攞車之後我地就前往“同樂檢查”站, 10點左右等齊6架車就一齊出發喇 ….(乜唔係7架車咩 ? 點解得6架嘅 ? 原來蘿記嗰架車要等埋豪哥同埋Ava收工之後先出發 ~ ) 因為勁塞車, 所以大家決定搭橫渡珠江兩岸虎門渡輪 ~
廢話少講喇…去片先 !!! 短片請click以下網址 !
http://www.youtube.com/watch?v=YFmad38V-I8
我地啲車正在排隊上船 ~
上咗船啲隊友紛紛落車吹吹風順便吹吓水 ~
大約2點左右我們終於去到新會的金港明珠園林酒樓食午飯 ~
以上呢個類似朱古力果凍嘅大家估唔估到係乜餸呢 ? 好好味架 !!!
食飽飽之後就先去酒店攞房, 今次龍兄為我地安排嘅係位於新會圭峰山龍潭景區內嘅
新會龍泉度假酒店(地址 : 新會區會城圭峰山龍潭景區 )
這是全程都非常恩愛的一對, 真係sweet到暈呀 !!!
揀呢間酒店的原因主要係貪佢有個燒烤場俾我地嘻嘻哈哈癲返晚 , 順便同蘿記慶祝佢10年首次的解放日, 佢嗰晚風騷到吖…….. 有video為證架, 不過未經當事人同意, 恕難公開喇………
以下就係我地專登請返黎為大家燒嘢食嘅大師傅喇…..佢地燒嘅雞翼特別好味架, 如果下次你地搞燒烤聚會的話, 不妨考慮吓聯絡我幫你搵佢地幫手 , 哈哈…..!
Day 2 (27/11/11) 一早7點鐘我趁起得早而且仲有一小時先退房, 所以就自己一個人喺酒店範圍內行一圈睇吓周圍環境 ~
酒店泳池
不過附近都無乜嘢睇, 勝在環境夠清靜 ~
Day 2 的路線行程
古井 – 珠江高速 – 中江高速 – 廣珠西線 – 順德 – 廣珠西線 – 廣州繞城高速 (南二環) – 廣澳高速 – 亭角 – 渡輪 – s358 – 廣深高速
今日的節目實在太豐富喇……龍兄預早訂了兩圍枱8點30分先在”岡州賓館”飲早茶 ~
我好鍾意的鮑汁鳳爪 ~
飲完茶之後龍兄帶咗我地去圭峰山買靚陳皮 ~
「陳皮、老薑、禾稈草」是廣東傳統三件寶,而新會陳皮居三寶之首 , 係用新會出產嘅大紅柑剝皮後曬乾而成嘅, 所以新會被譽為中國陳皮之鄉,古稱岡州,是江門最大最古老的城區 ~
所以一場黎到, 點都要入返啲貨嘅……….我地啲團友就係掃呢隻25年的陳皮喇……..!
alt=”” src=”https://lh6.googleusercontent.com/-VlwYmUM35-0/TtM9cAOuUVI/AAAAAAAAmxQ/kFU4FeYnpU8/s512/IMG_0930.JPG” width=”384″ height=”512″>
呢個老闆真識做生意呀 , 佢話 : “睇相佬呃你10年8年, 我呢啲陳皮如果打粉沖水飲, 有胃氣或新咳舊咳即刻見效呀 ! ” , 結果團友們一聽佢咁講完, 個個排晒隊叫佢將啲陳皮打粉帶返去 ~
大合照
然後龍兄又帶我地去咗梅江睇吓到底新會啲陳皮係點黎嘅…….依家秋天起正好係啱曬柑皮嘅季節 ~
嘩 !!! 滿地黃柑呀 !!!
如果有興趣買啲果皮返去自己曬嘅話, 每斤售價人仔38 ~
我們的午餐 – 古井食燒鵝
然後我地去咗順德買手信 ~
再去食下午茶 (雙皮奶)
一日勁食咁多餐, 返香港之前仲要食埋個晚餐先走, 每餐個個都食到要搓住個肚dum離開餐廳架……!!!
為咗幫助消化迎接下一餐, 我地就行咗一轉步行街, 不過無乜特別 ~
我地啲車就泊喺清暉園隔離個停車場 ~
6pm – 又再食晚飯 ~
晚飯後就立即起程趕返香港喇…因為租車公司收10pm, 要趕住還車嘛……!