清邁是僅次於曼谷的泰國第二大城市，位於曼谷北方700公里, 地處海拔300公尺高的山谷 , 有泰北玫瑰城的美譽 ~

地方節慶︰ 潑水節 (4月) 水燈節 (11月) 花節 (2月第一個周末)

今年撞啱我5月頭有假放, 為咗同媽咪慶祝母親節我地特地到清邁享受5天的假期 ~

因為係想俾媽咪enjoy吓休息吓, 所以呢個係一個無行程安排嘅旅程, 每日瞓醒想去邊就去邊……幾正吖 !!! 就係因為無行程所以呢輯遊記只係一輯想同大家分享嘅清邁相片 ~

今次揀咗清邁杜錫D2酒店(Dusit D2 Hotel), 港幣750一晚。 這間D2是泰國Dusit集團首次打造的時尚精品酒店, 位於Chang Klan Road ,可步行至清邁市中心和其出名的夜市, 好方便~

在大堂坐下等職員幫我地辦入住手續，職員馬上為我地送上一杯welcome drink “凍斑蘭葉茶”，好香好好味 !

間房都算舒適….窗外無乜景觀, 係個枕頭硬啲, 冷氣嘈啲之外, 其它都還算可以 ~

我二哥之前去過清邁兩次, 所以介紹咗一個佢好熟又可靠嘅Tuk Tuk司機Khom俾我 ~

每日都由佢載我地出入 ~

呢間Central Airport Plaza係一間規模比較大嘅商場, 嗰foodcourt都有好多地道嘢食, 值得一去….我地今個trip都去咗2次, 因為多嘢食又多嘢睇, 又有冷氣歎吖嘛….

食食食 !!! go go go !!!

呢啲甜品顏色又靚又好味 !!!

你睇吓幾得意 !!!

吃飽飽，逛吓商場, 傍晚回去酒店逛逛夜市 , 其實夜市就喺正酒店門口, 這裡也算熱鬧，只是我媽咪真的不熱衷shopping ~

呢啲糖果髮夾好得意呀 !!!

我地連續兩日都喺酒店對面馬路邊的車仔檔食地道泰式早餐, 媽咪非常鍾意佢嘅清湯豬肚肉丸金邊粉 ~

另外一個媽咪最鍾意嘅節目, 就係行吓當地人嘅街市了解一下清邁人通常買啲乜餸 ~

呢個街市位於河邊 ~

無咗以上嘅指天椒, 睇怕泰國人都好難煮出好味道嘅地道泰國菜喇……

過咗街市往前行就可以去到一個專賣嘢食手信嘅地方 ~

然後我地去咗河邊搵間餐廳坐吓, 飲杯嘢relax吓 ~

午餐喺呢間餐廳食咗碟乾炒河和泰式大蝦仁炒飯 ~

食飽之後有乜做? 梗係去歎吓做吓”馬殺雞”啦….呢個咁正嘅節目當然要做足4日啦……哈哈 !!!

清邁是寺廟佛塔之城，市內有各種佛塔和寺廟三百多座。清邁古城門附近可見眾多舊佛寺和各式紀念碑。其實清邁寺廟不及曼谷眾多，但融合緬甸、斯里蘭卡和泰國本土特色 ~今天一早我們叫阿Khom帶我地去其中2間著名嘅寺廟參觀和參拜一下。

我們第一間參觀的是清挽寺”Wat Chiang Mun ” , 這間是清邁現存最古老的佛寺，建於1296年，正宗泰北建築風格。寺內有兩尊小佛像，一尊是高約30厘米的大理石佛像，大約二千五百年前由印度傳入。另一尊水晶像，高約10厘米，一千八百年前由羅布里傳入。

這是一座以大象支柱為裝飾的佛塔，顯示了受錫蘭佛教建築的影響。

第二間 – Wat Chedi Luang “查狄郎寺”

清邁市內有六大寺廟，其中最著名的是查狄郎寺，寺中有一座宏大的四方形佛塔，建於 1411年，高八十米，寬45米。1545年清邁發生一次大地震，佛塔的尖頂一夜之間塌毀，現在所見是平頂的佛塔，且露出塔內的金身佛像 ~

呢一日我地去咗我二哥推介嘅餐廳試下 ~

呢個蝦餅好香口, 好特別好好味 !!!

因為間餐廳喺香格里拉酒店對面, 所以我地順路入去參觀吓 ~

然後我地去咗另一間購物中心行街街 ~

再去歎杯咖啡先 ~

然後午餐返去酒店附近搵咗間花園餐廳食晏 ~

海鮮冬陰公

濕炒河

泰式蒸魚

清邁天氣清爽宜人，不似曼谷般悶熱，應該係一個度假嘅好地方, 可惜貴人出門招風雨, 5月開始係雨季, 我地整個旅程每日傍晚就開始落大雨, 又周圍水浸………….搞到我地每晚都唔想出街, 留喺酒店度休息, 瞓覺做豬, 瞓醒就落去酒店餐廳食晚餐 ~

水浸成咁點行夜市呀 ???

今晚就一於留返喺酒店嘅餐廳食算吧啦…….

今次整個旅程, 食同瞓佔咗一大半嘅時間……………呵呵 !!!

7May2011(Saturday) – 話咁快就要離開清邁返去喇…..我地一早搭Airasia AK763班機,下午12點20分到達吉隆坡 ~