DAY 7 (25Sep2012) —
今早起床收拾好行李之後，我地就趁女主人未整好早餐之前再去草原上行下~~
白粥加酸菜和辣菜~~
10時從木屋離開，坐村民的車去轉乘中心，然後再坐區間車出返去賈登峪 ~~
11時30分左右就由文師傅開返佢架越野車岀發去烏爾禾，因為今日車程都幾長而且途中會經過布爾津，所以我地打算喺布爾津先食午餐 ~~
下午3時40分到達餐廳喇, 這碗粉叫做“爛砂窩＂, 其實係辣湯底的QQ薯粉，可加不同的配料，好好味架!!! 
食飽之後就馬上趕路前往烏爾禾，大約6時才到達我地今晚要住的臥龍賓館，放底行李之後就岀發去魔鬼城了，因為又係黃昏睇日落的最佳時候嘛 ~~
好嘢 !!! 今晚終於可以沖涼洗頭喇……!!! 
魔鬼城位於烏爾禾礦區，距離克拉瑪依約一百公里，和第一天去的五彩城和第二天的五彩灘同為新疆雅丹地貌的代表。不過這三個地方造成雅丹地貌的原因各地不盡相同，烏爾禾這裡除了因為酷熱乾燥，也因為長時間的風蝕作用，才形成了如此獨特的景觀，加上入夜後，狂風夾帶沙石在土丘間穿行，發出陣陣鬼哭狼嚎的聲音，給人一種陰森恐怖之感，於是就有了「魔鬼城」這樣的名號。另一方面，雖然同為雅丹地貌，各地欣賞的重點都有些差異，五彩城係欣賞顏色，魔鬼城就係睇各式各樣的形狀 ~~~
因為已經係傍晚, 只有很少的遊客, 我們應該是最後的一批遊人。我們要乘景區的小火車才能到達景點，呢區中午比較熱但傍晚的天氣較涼快， 所以很舒服 !! 
在夕陽下，土堆變得有立體感，顏色也變得很鮮豔 ~~~
右下角的黑色人影就係我喇 !!! 
大家見到呢啲一座一座的山丘嗎？如果大家想影到夕陽西下照到金金黃黃的景色的話，就必需爬到山丘上去影喇，因為在山丘上先可影到全景和日落照片架！不過日落只係短短的十幾分鐘，所以要趁未日落盡快爭取時間由一座小山丘跑到另一座小山丘上影多幾張相片喇 ~~
今次呢個旅程裡面一共睇咗3次靚靚嘅日落景， 好開心啊!!!
離開魔鬼城已經係晚上8時35分了， 跟住去咗一間食川菜的小餐廳食晚飯， 呢一餐應該算係整個旅程最豐富又最平的一餐喇， 一共8個大大碟的餸, 賣單只不過係120人仔， 好抵呀 !!!
DAY 8 (26Sep2012) —
今日要返去烏魯木齊喇, 早上9時15分文師傅又帶了我地去食啲非常地道的大肉和羊肉包子，只係一元一個包，亦有鹹豆花和豆漿 ~~
然後就出發返去烏魯木齊了~~
經過3個小時的車程之後， 我地經過一片花開遍地的棉花田， 當然第一次親眼見到棉花樹嘅我一定要落車玩吓啦，嘻嘻…..!
好雪白啊 !!! 
車再走多一段路大約2時20分我地又經過一個葡萄園， 得到園主的同意之後我地就入咗去任影任摘和任食喇， 正呀!!! 
你地睇吓樹上有幾多紅提子!!!
我地真係好開心見到咁多仲掛在樹上的新鮮提子囉 ~~
然後我地就3點10分到了一家食紅燒大頭魚的餐廳食午飯喇 ~~
傍晚6時35分我地終於到達烏魯木齊的八音和酒店了， 呢間係全程我最期待住的一間酒店。 無錯, 係酒店唔係賓館, 更加唔係什麼民宿木屋， 感覺好似由地獄返到人間咁， 終於有個乾淨的靚浴室用喇，亦唔需要好似野人一樣再喺路邊的草叢小解喇 ~~
取咗房間放低行李之後，我地就行路去二道橋和國際大巴扎掃街， 其實來到烏魯木齊幾乎人人都會往二道橋和大巴扎，巴扎“PASAR ” 即係市場的意思~~
第一樣試的係辣到噴火的烤面根 ~~
原來新鮮的無花果係咁甜咁好味嘅 ~~
二道橋果然名不虛傳， 附近幾條街都人潮湧湧， 寸步難行，幾乎清一色是維吾爾族人， 而且遊客不多， 只係天開始黑的時候行去到大巴剎商場外面就人流明顯疏落些 ~~
第三樣試的係烤羊肉串， 呢種係要夾埋空心麵包一齊食嘅 ~~
第四樣試的係什錦果仁糖 ~~
第五樣試的係鮮榨石榴汁，酸酸甜甜好醒胃架 ~~
第六樣試的係雲呢嗱甜品， 不過呢樣我無試到 ~~~
行完街街就返酒店享受吓間靚靚房嘅設施， 最重要當然係要沖返個靚涼啦……!! 
DAY 9 (27Sep2012) —
住靚酒店就當然連覺都瞓得香甜啲啦，嘻嘻…..!!
今日要飛返深圳喇， 快啲落去食返個自助早餐先 ~~
坐在窗邊會望到街上小販賣的地道早點， 所以我地食完早餐就落咗街行吓 ~~
結果買了成箱好濃味的黑葡萄和一些無核的脆肉葡萄，黑葡萄的味道似足日本出名的巨峰葡萄一樣 ~~
另外又買了幾個囔返香港, 不過原來凍咗會好硬, 似芝麻餅多啲 ~~
11時退咗房之後然後文師傅又車我們去批發市場去買乾果和手信 ~~
批發市場 ~~
新疆著名各種品種的葡萄乾 ~~
前往機場前文師傅又再帶我地去食午餐 ~~
北方餃子
下午1時10分時就到咗機場喇 ~~
上機之前在閘口的最後衝刺， 繼續買手信 ~~
回程機上的薯仔雞粒飯 ~~
我今次帶返黎的手信~~ 
整個旅程可以那麼順利和完滿地結束, 真的不能不稱讚一下我們的包車師傅＂文師傅＂，全靠他的細心安排，也非常感激他沿途上的照顧。例如在第二天我的同行朋友在鹽田弄髒了她的行山鞋, 文師傅立刻幫她洗，晚上在山區看見我們覺得冷就幫我們加被子，又每天切哈密瓜給我們吃， 在山丘上見我爬不上去就拼命的拉我上山去，每餐都擔心我們吃不飽又擔心我們睡不好，什麼都先為我們著想，真像個爸爸一樣的照顧我們。
其實我們的協議裡面只説明了包車的費用是包括了9月19日由烏魯木齊機場出發, 至到9月26日回到烏魯木齊的八音和酒店為止的。不過他送了我們到酒店之後還堅持陪我們到大巴扎，因為他擔心我們的安全，而且一路上不停的爭付錢請吃飯，又買了好多水果請我們吃，他的為人又老實，在路上我們是無所不談的，連他的家庭呀，愛情故事呀，什麼也一一的說給大家聽，感覺他是以心待人的，而且在27日我們出發到機場之前還親自來酒店帶我們去吃午餐，又車我們去批發市場去買手信，然後又送我們到機場去，而且他還買了一共40公斤的哈密瓜和乾果，幫我們打包好讓我們帶回香港，這一切一切他其實是沒有義務去為我們做的，因為這些都沒有包括在包車的服務裡面的嘛，所以我們實在的被他感動了 ~
文師傅，你這個朋友我交定了, 謝謝你！
新疆之旅溫馨提示Must Bring Items : (特別適用於貪靚的女士們) :
– 秋天早晚天氣温差大， 山上有機會落雪， 請帶備羽絨褸、 禦寒衣物、 暖包、 舒適的鞋以便行山和沙漠地區 etc…
– 相機、 攝影腳架、 多頭的轉插器(三頭轉兩頭)， 因為通常房間只有一個插頭，但2人共用房間可能同時有電話、 相機電池等等的小型電子用品要充電 etc…
– 記得帶小量零食， 有時車程長又未必有餐廳， 而且住山區， 附近無嘢食賣
– 買定一兩支瓶裝水可以寄艙帶去
– 帶止痛藥 (Panadol) 速治靈 (Imodium) 以防萬一
– 小型電筒
– 睡袋
– 沖涼的毛巾 (木屋沒有提供的)
– 牙膏牙擦和所有必需品, 包括廁紙請自備
– 濕紙巾
– 長裙, 因為方便在路邊荒地小解 (路上未必有廁所)
– 帶風筒, 因為所有賓館或木屋都無風筒吹頭的, 但係每晚可能好夜先有機會洗頭, 尤其係長頭髮的女士可能洗完頭幾小時都唔乾
-旅遊証件 + 人民幣 (RMB)
– 記得記得要帶”開心和偷快的心情”呀 !!!
2012年9月景點門票價格 :
禾木古村落維護費 = 20元
禾木旅遊觀光車票 = 100元
禾木旅遊門票 = 60元
喀納斯旅遊門票 = 150元
喀納斯旅遊觀光車票 = 80元
五彩灘門票 = 50元
魔鬼城門票 = 50元