喜馬拉雅山下的尼泊爾之行「Part 1」 – Kathmandu篇

尼泊爾是個充滿宗教文化色彩的國家,我一直想去看看尼泊爾這個地方是因為她的地理位置很特別,北邊與西藏接壤,東、西、南三面被印度包圍,並在喜馬拉雅山南邊山腰,應該算是全世界最奇特的國家。而世界上14座最高的山峰的其中8座海拔8000米以上的高峰都是在尼泊爾,而且有著世界上各種的氣候 ~~

 

這次的尼泊爾之行最想的是可以親眼看看喜馬拉雅山到底有多壯觀,以及好想去參觀3座富有特色的古城,所以非常期待這一次的旅程啊!

出發之前安排行程並冇想像中咁困難,編排好晒8日我們打算去的地方同景點之後,發覺最頭痛嘅係交通上的安排,幸好喺網上搵到在加德滿都經營小型旅行社的Harish Rimal。他以前都是一位trekking guide, 不過因為娶了一個住在悉尼的香港女仔,已經決定幾個月之後就移民到澳洲去了。所以這次並不是由他親自帶我們,不過他幫我們安排了最煩的所有陸路交通上的問題,包括由Kathmandu飛往Pokhara的內陸機票,而且還分別在不同的地區幫我安排了很好的導遊帶我們到處觀光 ~~

尼泊爾8天之行的行程表:Day 1 (18Sep) –  Hong Kong fly to Kathmandu (KA192 STD1810)

– Stay at Hotel Ambassador Garden Home

Day 2 (19Sep) – 

– Pashupatinath 

– Boudhanath Stupa

– Kathmandu Durbar Square

– Stay at Hotel Ambassador Garden Home.

Day 3 (20Sep) –

– Take Buddha Air domestic flight 603 to Pokhara

– Old Pokhara

– Bindabasini Temple

– Seti Gorge

– Devi’s Falls 

– Gupteshwor Cave

– Tibetan Refugee Camp

– Boating at Fewa Lake

– Peace Pagoda 

– Stay at Temple Tree Resort and Spa

Day 4 (21Sep) –

– Sarangkot 

– Sarangkot trek to Naudanda 

– Stay at Temple Tree Resort and Spa 

Day 5 (22Sep) – 

– 6 hours drive by tourist bus to Chitwan National Park

– Stay at Sapana Village lodge in Chitwan

Day 6 (23Sep) – 

Elephant Jungle Ride & Bathing With Elephant

– Stay at Sapana Village Lodge

Day 7 (24Sep) –

– 6 hours drive by tourist bus to Kathmandu

– Nagarkot

– Stay at Club Himalaya Hotel at Nagarkot 

Day 8 (25Sep) – 

– Enjoy sunrise and mountain view from Nagarkot in the early morning 

– Changu Narayan 

– Bhaktapur

– Boudha, Kathmandu

– Stay at Shambaling Boutique Hotel in Boudha

Day 9 (26Sep) – 

– Monkey Temple「Swayambhunath」

– Patan Durbar Square 

– Shopping at Thamel Area

– Kathmandu fly back to Hong Kong (KA191 STD2330 ETA0620)

Day 1 (18Sep2013) –

我們乘搭的港龍KA192班機, 在傍晚6時15分準時起飛前往尼泊爾的首都加德滿都(Kathmandu), 航機途經孟加拉的首都達卡(Dhaka) ~~

今日係農曆八月十四,因為明天係中秋節所以起飛之後望出左邊個飛機窗外見到好光好圓的月亮呀,喺飛機上賞月都算係第一次咯 ~~

A330的飛機上的座位上並沒有個人電視,所以用自己的iPad無無聊聊咁播放咗2套旅遊節目,食咗飛機餐之後休息咗一陣,經過6個多小時的飛行時間,飛機終於在晚上10時20分降落在加德滿都國際機場喇! 因為預先喺香港已經辦好咗旅遊簽證,所以過關都算好快好順利 ~~

拎咗寄艙行李過咗海關之後就見到有間找換店,我地換咗少量尼泊爾Rupee, 因為唔知整個行程要用幾多Rupee, 所以打算每次唔夠先再換, 反正尼泊爾旅遊區周圍都有找換店的 ~~

之後就往停車場方向行出去,而Harish跟司機就已經一早在機場外面的接機區等候我地喇!在夜幕下首次黎到加德滿都呢個地方感覺神秘而又陌生,雖然加德滿都係尼泊爾的首都,但這城市建設上冇乜高樓大廈,很像中國的一個縣城,甚至更落後。

大約6公里左右的路程司機就將我地送到去呢兩晚所住的酒店「Hotel Ambassador Garden Home」。去到酒店都已經晚上11時10分了,所以取咗房之後就返房休息準備迎接明早一連串的市內觀光節目 ~~

我們的豪華大床房間在4樓,而呢間酒店係冇電梯的,所以上落都要爬樓梯架〜

Deluxe Bedroom 房價係52美元一晚連2人早餐 ~~

雖然呢間房間望落並無乜特別,但已經算係市內一間口碑好而且條件唔錯架喇, 有冷氣,2晚都無停電所以都瞓得好好,房間內有獨立洗手間, 有熱水又有美味早餐 ~~

Day 2 (19Sep2013) –

早上的天氣好清涼, 坐喺酒店的戶外花園食咗個豐富的西式早餐。之後就到處參觀一下這間小型酒店, 因為昨晚太夜到達酒店, 周圍都黑麻麻, 今早再細心欣賞一下酒店大堂各様的傢俱同擺設 ~~

好豐富的早餐呀,啲紅茶同咖啡都唔錯 !!

食飽咗早餐之後見仲有少少時間, 因為約咗Harish早上9點到酒店接我地去佢公司搞埋啲手續, 所以到酒店門口條購物街行吓熟悉吓周圍嘅環境先 ~~

我地呢2晚住喺Thamel區,係加德滿都最旺又有最多購物店的地方, 好似毛毯、高山羊絨披肩Pashmina、紙燈籠、尼泊爾特色的T恤、還有富有民族色彩的手工製作的各類飾品,琳瑯滿目。而當中最多的就是賣登山用品的店舖,而這些著名的登山用品品牌例如The North Face、 Columbia, Lafuma 等可能都是在尼泊爾製的A貨,價錢比香港要便宜一半以上,但是手工真的不錯。 所以我們都打算為明年秋年的四川稻城亞丁之行添啲行山裝備……..可惜今早無時間行街, 不過在最後一日的行程安排咗shopping時間 ~~

9點鐘Harish準時到酒店接我們去他的辦公室取明天飛Pokhara的機票, 巴士票同解釋俾我聽呢幾日佢幫我地安排的行程同交通安排等, 以下就係Harish喇 ~~

Harish的辦公室其實好近我地的酒店, 所以佢就帶我地一齊行過去 ~~

沿路見到當地居民喺啲古老嘅流水浴池度取水沖涼, 洗頭同埋洗衫 ~~


尼泊爾少見嘅型男呀 !!

又順便影吓啲民居, 見到最多係尼泊爾啲特色藍色或木雕門窗 ~~

然後我叫Harish帶我去買張當地嘅3G電話卡方便我全程可以上到網搵當地的資料同保持聯絡,因為好多時酒店房間係冇wifi的, 只有酒店大堂先收到wifi訊號,所以自己有張3G電話卡始終沿途都方便得多嘛 ~~

唔同數據用量data package的價錢表 ~~

不過一定要講一講呢個買3G SIM card嘅騎呢過程呀! 原來喺尼泊爾要出一張3G SIM card 係咁鬼麻煩嘅, 首先要一張彩色照片, 又要填一張煩到嘔嘅申請表格,咁我冇預先準備到彩色照片所以又要俾錢個店主幫我影幾張即影即有照片,然後要將照片和申請表格用電腦scan去個Ncell總台嗰邊開通個sim card ~~

唔同國家嘅電話卡我都買得多喇,真係未曾試過買一張電話卡要搞咁多手續嘅〜

onion-head54

結果我用咗Rs1200去出咗呢張有1Gb數據用量嘅電話卡,應該夠我用8日卦!

搞掂之後就立即去會合我個導遊,開始出發去今日嘅景點喇,go go go! monkeys54

在尼泊爾的馬路上大部份見到的都係呢類小型車, 因為啲路係超窄而且路面又爛 ~~

早上10時45分司機車咗我們同導遊去到今日在加德滿都的第一個景點「帕斯帕提那寺」~~

帕斯帕提那寺(Pashupatinath)係供奉印度大神濕婆(Shiva)的寺廟中最神聖的一座, 印度教最重要的節日濕婆誕辰節(Maha Shivaratri)就是在這座寺廟中慶祝的。只有印度教的信徒才被允許進入帕斯帕提那寺, 而嗰啲不是信徒的遊客只能在巴哥馬蒂河(Bagmati)對岸或附近高地遠眺寺廟建築。不過就算不被允許進入寺廟中但遊客們在寺廟附近的巴哥馬蒂河畔參觀也必須買門票的,門票Rs1000一張 ~~

入口有好多擺賣拜神的祭品和紀念品的攤販 ~~

呢啲在身體臉上塗上各式各樣的油彩圖案, 手裡還拿著拐杖等各種法器的係印度教苦行僧, 不過如果你企正面前影佢地或想同佢地合照 , 啲苦行僧就會用好純正嘅英語同你講 …….“Money” 或者係 “One dollar” ,而我地一般會俾 50盧比 , 即係 4蚊港幣左右 !!

將手按住對方頭部係給予祝福的意思 ~~

周圍行吓欣賞吓啲建築物 ~~

我覺得啲木雕門窗襯托起啲紅磚牆好特別好靚 ~~

當時我在完全沒有心理準備之下被導遊帶了去參觀巴哥馬蒂河畔舉行的火葬儀式,因為我之前冇睇過Pashupatinath的資料,所以跟著導遊一邊行一邊聽他解說印度教的故事, 不知不覺中原來我已經到了Bagmati河岸邊的火葬場Arya Ghat火葬台。

當我經過Bagmati河岸嘅時候, 突然間導遊同我講話我旁邊不遠處就係一具被焚燒緊嘅屍體, 我當時即刻覺得好不安同有啲驚驚呀 !! yxh63

下圖金色的那座就是帕斯帕提那寺「Pashupatinath」~~

這露天火葬台(Arya Ghat)係尼泊爾最大的火葬台, 尼泊爾的印度教徒死後都希望能在此神聖的地方進行火葬儀式,他們相信死後用火葬儀式燃燒軀體,並將骨灰撒入河中,靈魂就可以藉此脫離軀殼獲得解脫而進入天堂, 火葬燒屍體儀式的進行並不忌諱有外國觀光客在附近觀看, 全世界就只有印度的瓦納那西恆河以及這裡才可以公開不忌諱的讓外國觀光客觀看此露天火葬燒屍體的儀式 ~~

然後行到上對岸的高地望返過去火葬台嗰邊, 能清楚地望見整個火葬儀式同過程。就好似喺印度的瓦納那西恆河的火葬儀式一樣, 當印度教徒的先人過世後就會盡快喺同一天進行火葬儀式。火葬前,死者的長子會在河邊剃光全身毛髮, 走進聖河中淨身, 舉行簡單的儀式後,用白布包起死者的遺體, 然後在河邊的平台上搭起架子火化, 焚燒約3小時後就將啲骨灰灑入河中, 而長子還需齋戒禁慾13天, 因為佢地相信咁做, 死者的靈魂才能離開軀體獲得解脫,融入神界 ~~

下午2點15分離開咗Pashupatinath之後我地就去了參觀下一個景點「Boudhanath Stupa」,門票Rs150 ~

買了門票從入口往博達那「Boudhanath Stupa」的方向走過去, 從遠處一望見這座佛寺已經俾「嘩」一聲的印象了, 這白色的大圓形佛塔再加上藍天我覺得真的美呆了!

Boudhanath Stupa大佛塔是全世界最大的佛塔, 藏傳佛教各教派喇嘛廟共數十家圍繞著大佛塔而建, 形成一個超大型藏傳佛教聚落, 來這裡朝聖的信徙,多為穿傳統服飾的西藏人, 加上佛塔四周有不少西藏人聚居, 故有尼泊爾「小拉薩」之稱號 ~

Boudhanath Stupa始建於二千年前,並在十一世紀曾作重修,傳說佛塔由神仙轉世的女子康瑪  (Kangma) 所建,當時她要求國王賜與一塊水牛皮可以覆蓋的土地給她建廟,而國王答應了,聰明的她便把水牛皮剪成細條連接起來,圍成一片廣大土地,正是今日Boudhanath Stupa 的所在 !!

佛塔建在層層寬階上,塔頂四面都畫有佛眼,表示佛法無邊,無所不見之意;佛眼下面好似鼻哥嗰個,係尼泊爾文嘅 “一” 字,代表一元復始,萬物起源之意 ~~

這區是藏人朝聖禮佛的聚集地,每天有數不盡的西藏人或來自全世界的佛教徒,或各國遊客也好,都會入境隨俗以「順時鐘」方向,繞著大佛塔轉圈祈福 ~~

很多時候還可以看到虔誠的藏人以「五體投地」的方式膜拜,通常藏人手上轉著祈禱輪,口中唸著六字真言咒語「嗡嘛呢叭咪吽」「Om-Ma-Ni-Pek-Meh-Hom」,也可轉動鑲嵌在牆上的「轉經筒」,以單數圈繞著大佛塔轉圈修行祈福 ~~

大佛塔四周圍也有許多藏人經營的商店,出售藏傳佛教手工繪製的宗教圖畫「唐卡」、各式各樣的佛像、法器、經幡、唸珠等宗教用品,第二、三樓層也有許多咖啡店、餐廳和茶館等。這裡也是著名好萊塢電影「小活佛」的拍攝外景地 ~~

我們參觀了其中一間喇嘛廟 ~~

往上登高視野比較好,可望見大佛塔全景~~

然後我地都行上去大佛寺兜個圈 ~~

掛在佛塔上嘅彩旗 , 其實係一張一張 “佛經” , 佢地隨風飄揚時 , 亦意味著為善信們代勞誦經 ~~

望見好多人餵啲野鴿 ~~

然後司機就開車往下一個景區【舊皇宮杜巴廣場】出發 !

走在這個城巿裡面, 加德滿都俾我嘅印象就係每條馬路都堆滿泥頭、沙堆、細石、路勁爛、冇行車線、冇乜紅綠燈; 巴士、私家車、電單車,單車同行人都撈亂咁行,響銨不停,險象環生。不過去到其它區例如哲旺(Chitwan)和波卡拉(Pokhara)就比較少車同行人,所以馬路上明顯冇咁混亂 ~~

點解有咁多西方國家遊客喜歡到尼泊爾旅遊呢 ??  原來尼泊爾擁有8大世界遺產 World Heritage的景區 ~~

世界遺產 World Heritage 可分為四大類: 文化遺產、自然遺產、兼具文化與自然的綜合遺產、及口述和無形的人類文化遺產。 而尼泊爾的世界遺產 World Heritage包括有以下1979年入選的8大景區的【文化類遺產】:

【PUSHUPATINATH TEMPLE】(帕蘇帕帝那斯~神廟、濕婆神廟)

【BOUDHANATH STUPA】(博達那~大佛塔)

【SWAYAMBHUNATH STUPA】(斯瓦揚布那斯~佛塔、四面天神佛塔、猴廟)

KATHMANDU ~ DURBAR SQUARE】(加德滿都~舊皇宮杜巴廣場)

PATAN ~ DURBAR SQUARE】(巴丹~舊皇宮杜巴廣場、帕坦)

【BHAKTAPUR ~ DURBAR SQUARE】(巴卡塔布~舊皇宮杜巴廣場、巴特岡)

【CHANGKU NARAYAN TEMPLE】(昌古~納拉揚神廟)

【LUMBINI】(倫比尼~佛祖出生地) 1997年入選

以及2個【自然類遺產】 景區:

【ROYAL CHITWAN NATIONAL PARK】(皇家奇旺~野生動物國家公園) 1984年入選

【SAGARMATHA NATIONAL PARK】(薩迦瑪莎~國家公園、聖母峰國家公園園) 1979年入選

而我地今早參觀完Pashupatinath Temple 以及Boudhanath Stupa兩個世界遺產景區之後, 下一個要參選嘅係Kathmandu Durbar Square(舊皇宮杜巴廣場)~~

加德滿都其實主要係由三座古城組成:加德滿都「Kathmandu」帕坦「Patan」和巴卡塔布爾「Bhaktapur」。二百多年以前,這三個古城分別是三個不同的國家,它們都有各自的皇宮和皇宮廣場,在藝術和建築風格上看似一樣但其實係各有不同的。城市建築都是以磚紅色為主,用毫無粉飾的紅磚和深栗色的精製木雕加上密集的寺廟和佛塔構成了特有的建築風格。而我地今日首先要參觀嘅係Kathmandu Durbar Square~

Kathmandu Durbar Square內共有五十多座寺廟。 自 12 世紀馬拉王朝定都於此後, 一直到 18 世紀, 呢度都係尼泊爾嘅權力中心所在地 ,所以又稱為 “舊皇宮廣場” ~~

到了Kathmandu Durbar Square 之後,導遊首先帶我地去食午餐,呢間天台餐廳Festive Fare Restaurants咁受遊客歡迎係因為坐係天台可以望住個古城風景用餐 ~~

但因為當時突然間落毛毛雨, 所以我地選擇坐喺室內的座位 ~~

試了一餐好正宗的尼泊爾菜, 味道同我家鄉的印度咖喱好相似, 而呢度所有做遊客生意的餐廳價錢都差不多,都係大約Rs300至Rs500一道菜左右 ~~

舊皇宮廣場上 , 寺廟與神像真係多不勝數, 所以要了解尼泊爾嘅歷史同文化, 一定要嚟打番個 白鴿轉架 !!

以下這座白色的舊皇宮(Nine Storied Palace)曾經發生了一件震驚全球的尼泊爾皇室喋血滅門慘案!!

2001年5月31日尼泊爾國王比蘭德拉和王后在加德滿都的一次王室成員集體刺殺案中遇刺身亡。受重傷一直處於昏迷不醒狀態的王儲迪彭德拉在繼位後也於6月4日早在加德滿都的醫院死亡。尼泊爾樞密院於同年6月4日正式宣佈王儲的叔叔賈南德拉親王為尼泊爾新的國君,這是尼泊爾四天之內的第三位國王。 有消息說,國王比蘭德拉的兒子,儲君迪彭德拉王子在王室成員的一次宴會上使用半自動槍械槍殺了其他人之後自殺。

當時,很多尼泊爾人, 包括我的尼泊爾導遊都相信國王賈南德拉就是2001年尼泊爾皇室滅門慘案的幕後策劃人。 他述說前國王比蘭德拉及其家人怎樣被槍殺,賈南德拉是怎樣厚顏無恥的在反對的聲音下當上沙阿王朝第12代君主等,使我這個外國人也頓時對賈南德拉產生反感。 尼泊爾制憲會最後議決廢除兩百多年來的君主政制,宣佈尼泊爾為聯邦民主共和國,而國王賈南德拉及其子等人貶為平民 ~~

我們跟住導遊爬咗9層上到去舊皇宮頂去睇風景 ~~

加德滿都的舊皇宮廣場上最神秘莫測的便是“活女神”(Kumari Bahal), 傳說在馬拉王朝年代 , 塔雷珠女神成為尼泊爾皇室獨有的守護神後 ,晚上會化身成人形與國王談話玩骰。 有一日, 國王對女神起咗邪念震怒之下嘅女神拂袖而去 ,在國王苦苦哀求、保證不再冒犯的情況下,女神才答應以神聖不可侵犯、純潔女童之身重回皇宮, 呢個就是現今尼泊爾「活女神」嘅由來。

活女神等於係塔雷珠女神的化身, 而她住係庫瑪莉寺院內, 由於佢係神仙,所以雙腳不可著地 ,進出不是坐轎子就是有人抱 ,平日生活,就只有在寺中,每年只有在宗教節慶中才可離開庫瑪莉寺院, 而活女神一旦受傷流血,或初經來臨時,就需要退位重新挑選,每年固定三次坐轎出外為民眾祈福 ~~

(下圖係「活女神」將會出巡坐的轎)

「活女神」預定會下午4點出巡,所以4點已經有大批人喺廣場等候喇 ~~

每一代嘅活女神, 必須從釋迦家族的金匠或銀匠氏族中挑選出來,候選女童年約四至五歲,身體必須極為健康,從未生病、流血、身上沒有任何斑點、也不可缺少任何牙齒; 而她必須附合三十二項特質、身體完美無暇、且占星家確定這女孩的星座與國王的星座相合 ~~

(下圖就係庫瑪莉寺院 )

最後,還要將女童帶到下圖這間廟中大殿接受十分恐怖的考驗,在掛著血淋淋的水牛頭旁,許多帶著面具扮成惡魔的人故意嚇她 ,翌日面無懼色走出來 ,從頭到尾都能保持沈著冷靜的女孩 ,就可以當新一任活女神,但要離開父母, 住喺庫瑪莉寺院中 ~~

當活女神任期結束之後,女孩就可帶著財富,離開寺院 ,自由地結婚生子。 但是尼泊爾人相信與卸任的活女神結婚將會早死 ,適婚年齡的男子則認為當過庫瑪莉的女孩 ,多年來過慣優裕富足的生活 ,一下子要她們為人母 ,必定難以勝任 , 所以目前活著的前任活女神 ,大多數都沒有結婚 ~~

等呀等呀等呀…..!! 抬住「活女神」的花轎終於喺傍晚6點出現喇 ~~

而今次我地的尼泊爾之行好好彩咁啱撞正係一年一度的宗教節慶, 所以有幸親眼目睹「活女神」的風采, 其實我地並唔係刻意安排今日到來舊皇宮廣場去參加這個宗教節慶的, 係去到舊皇宮廣場的時候見到有好多人喺度等「活女神」出現, 一問之下先知道原來今日係宗教節慶, 所以「活女神」將會坐轎出外為民眾祈福, 這一切都純屬巧合和緣份吧 ~~

離開Kathmandu Durbar Square的時候在途中見到個天係紫色架 ,好靚呀 !! onion-head16

然後我地就喺酒店附近搵咗間食意大利菜的餐廳食晚餐 ~~

玩咗一整日而且明天一早要搭飛機去波卡拉(Pokhara), 所以我地食飽之後就返房執行李然後早啲去休息喇 ~~~ onion-head100

 

喜馬拉雅山下的尼泊爾之行「Part 2」 – Pokhara篇