喜馬拉雅山下的尼泊爾之行「Part 2」

Day 3 (20Sep2013) —

今天一早要出發去波卡拉(Pokhara)了，在酒店吃完個早餐之後就收拾行李，然後7點30分由Harish安排一架的士車我地去加德滿都的內陸機場，準備搭飛機到波卡拉去。波卡拉在加德滿都以西約二百公里，是以湖光山色和雪山而聞名於世，到過的遊人無不被那裡的美景所吸引 ~~

去波卡拉其實可以經陸路，車票就有兩種，有冷氣嘅大巴就US$20，而冇冷氣嘅大巴就大約係US$6，車程大約係7小時左右，而搭飛機就只係20分鐘的飛行時間就可以到達波卡拉喇，咁我哋今程揀搭飛機嘅主要原因當然係舒適同慳時間啦，其次係因為好想體驗一下小型飛機低飛尼泊爾時可以從飛機上欣賞一下尼泊爾宏偉山峰的景觀 ~~

而加德滿都有2個機場，分別係International Airport同埋Domestic Airport，內陸機就當然係Domestic Airport啦，不過一去到個機場感覺成個機場似個未完工嘅地盤，個樣又殘又舊，真係唔講都唔知原來佢係一個機場 ~~

排隊辦登機手續 ~~

我地乘搭的係早上8點30分的Buddha Air 603航班 ~~

去到登機閘口等上機，坐咗一陣就有架小巴接載啲乘客去到停機坪登機 ~~

我揀咗個窗口位坐因為我要影靚靚風景嘛 ~~

咦……點解會有隻小蜘蛛喺兩塊飛機窗嘅鏡片之間嘅？

架雙螺旋小型飛機在8點45分駛入了跑道，滑行了短短幾十米後就騰空而起，衝向藍天喇 !

順帶一提，由加德滿都乘內陸機到樸卡拉，要坐喺右邊，因為如碰到晴空萬里嘅好天氣，就可欣賞到喜馬拉雅山脈的嘅雄姿架，可惜今日全機滿座而小妹嘅座位係喺左邊。不過沿途景觀都十分壯麗，連綿不斷嘅山脈，飛機越接近波卡拉時，一片綠油油的梯田加上藍天白雲實在令人眼睛為之一亮呀！

只係好短的22分鐘飛行時間，飛機好快地在早上9點07分降落在波卡拉機場喇！

一下機就直接行過去Arrival Hall度等我地嘅托運行李 ~~

然後就行出去停車場搵Harish預先幫我哋安排好接機的當地司機 ~~

司機首先送我地去呢2晩入住的渡假酒店取咗房間先，然後我地吩咐司機和今日的導遊11時再到酒店接我地去今日要參觀嘅景點 ~~

這間位於費娃湖(Phewa Lake) 的Temple Tree Resort and Spa就係我地在波卡拉呢2晚入住嘅渡假酒店喇 ~~

房間佈置都好有尼泊爾的特色和風格，房價港幣811一晚連早餐 ~~

還有個小陽台 ~~

好天嘅時候望出窗外遠處都可以望到少許喜馬拉雅山景架 ~~

酒店有個泳池仔，可惜我地今次冇帶到泳衣 ~~

返房擺低啲行李之後，我地就出咗去湖邊的大街搵money changer再換啲尼泊爾盧比。沿著湖邊嘅大街便是遊客最愛逛嘅商店街，餐廳、工藝品店、露天茶座、旅館林立，是個一應俱全的小鎮，無論中國餐廳如四川菜、泰國菜、當地尼泊爾特色菜，西餐甚至係韓國菜都有，呢兩日我地都係打算喺湖邊唔同嘅餐廳用餐 ~~

喺波卡拉周圍都可以見到呢啲旅行社，遊客可以報名參加一啲當地好特別嘅一啲活動，例如不同類型的喜馬拉雅山健行團，小型飛機觀光團，玩滑翔傘(paragliding，ultra light flight, zip flyer) 等……..

行喺尼泊爾嘅街上及寺廟都好很容易見到呢啲牛牛，原來尼泊爾政府於 1962 年正式宣佈呢啲黃牛為國獸，並頒佈了保護黃牛的《國獸法》，而每年的8 月為聖牛節 ~~

行咗一陣就返酒店去喇，因為約好咗司機同導遊11點到酒店接我地去參觀波卡拉巿內幾個主要嘅景點 ~~

一返到酒店門口就見到個導遊同司機等緊我哋喇，咁就嗱嗱臨起程啦…..!!

只係10分鐘的車程，導遊首先帶咗我地去Bindabasini Temple ~~

Bindabasini Temple 位於鄰近波卡拉舊城區的一個小山丘上，是波卡拉人的信仰中心之一，由呢條樓梯一行上去就可以見到間廟喇 ~~

Bindabasini Temple始建於1845年，供俸的是印度教女神Durga，每週有幾天會有動物獻祭的儀式 ~~

小山丘上可望到啲民居 ~~

當地婦女 ~~

第二個景點係Seti River Gorge，門票係Rs50一人 ~~

Seti River Gorge嘅河水係來自呢條Seti River ~~

河水呈奶白色而且係非常冰凍嘅河水，可能係源自雪山的河水，見當地人用個桶取水後，好似灑聖水咁灑喺身上 ~~

接住落黎下一個景點係波卡拉郊外的瀑布 (Devi’s Fall) , 門票係Rs20一人 ~~ ~~

瀑布直穿地底，非常壯觀 ~~

而魔鬼瀑布附近有一個印度教徒朝聖的大山洞「Gupteshwor Cave」, 門票係Rs100一人 ~~

這是山洞的入口 ~~

又黑又濕的一個山洞裡面竟然有一座喺2千多年前已經存在嘅印度廟，不過嚴禁拍照 ~~

然後我哋再行去附近嘅一個波卡拉西藏難民營(Tibetan Refugee Camp) ~~

中共佔領西藏後，大批不願被共產黨統治的西藏人民，跋山涉水歷經千辛萬苦，逃抵波卡拉，所以喺辛吉亞（Hyengia）、貝登（Baidam）及帕迪（Pardi）湖濱有幾個藏民聚集區，波卡拉街道上也經常可見到藏民 ~~

西藏難民營，顧名思義就係村裡聚居了一群背鄉離井的西藏人，不過有人稱之為富有的難民營。實情上，西藏難民營是一個設備齊全的社區，除了房屋外，還有編織坊、工藝品售賣場、學校、遊樂場、球場等。根據公開的秘密流言，這一條西藏難民村的一切經費是由英國人、德國人和美國人透過一些所謂慈善機構、團體捐獻出來的 ~~

好可愛的尼泊爾小男生 ~~

一路上遇到嘅尼泊爾小朋友都很有禮貌，對遊客又非常友善。尼泊爾雖然很窮，但不窮教育，普遍都有機會接受教育，而每當我哋遇到啲學生或小朋友時，佢哋都很主動地與我們打招呼，還會問我們叫什麼名字，從什麼地方來，還有這句尼泊爾的問候語「Namaste」常常都掛喺尼泊爾人嘅嘴邊。即使他們再窮，只要父母同意俾孩子上學，學校都會免費發給一套整齊的校服俾學生 ~~

接著我們要去參觀以手工紡織地毯聞名的「藏民村」~~

這些藏民有啲擺地攤和同開小店舖賣藏式的手工藝品，例如項鍊、耳環、雕塑品、銀飾、法器、Pashmina毛衣、祈禱輪、尼泊爾彎刀等……

下午1點20分參觀完以上幾個景點之後，導遊介紹我哋返去費娃湖邊嘅Moondance餐廳食午餐 ~~

呢間專做遊客生意嘅餐廳格局就幾靚幾特別喇，嘢食都可以，不過價錢就比較偏貴咗啲 ~~

尼泊爾咖哩飯 & 泰式炒金邊粉 ~~

食飽之後返酒店沖返個涼，然後hea咗一陣之後下午4點再出發前往費娃湖 (Phewa Lake)泛舟遊湖去 ~~

費娃湖上出租的小船色彩非常鮮艷可愛，每小船可坐3~5個人，租一隻小船一小時的費用係Rs800 ~~

費娃湖係尼泊爾第二大湖泊，座落於波卡拉的西南方。湖區遼闊且又群山環抱，四周景緻秀麗。大家悠閒咁坐喺小船上，我哋嘅船伕坐船頭而我坐喺船尾，船伕緩慢地划著小船喺湖面上移動，令我想起今年去桂林陽朔時在遇龍河上坐竹筏遊河時的情景 ~~

碧綠嘅費娃湖景色會隨著天氣的變化而改變，在天色晴朗嘅時候, 遊人不但能望見喜馬拉雅山景，仲可目睹閃爍著銀光的魚尾峰（Mt. Machhapuchhare）倒映在平靜嘅湖面上，但喺天色陰暗，或者係雲霧繚繞之時，以上描述的美景卻唔會展現出來 ~~

真可惜今日天上聚著厚厚嘅雲，所以喜馬拉雅山脈又再一次咁躲起來，所以我哋睇唔見期待可望見「魚尾峰」嘅倒影，以及安娜普娜群峰(Annapurna)嘅真貌。失望，係有啲失望，不過竟然又俾我喺湖上遇到一道小小嘅彩虹喎，失望中又帶點驚喜，真開心！

美麗寧靜的費娃湖 ~~

既然一場黎到費娃湖但又睇唔到魚尾峰和倒影，咁睇下雲霞同湖景都唔錯吖！

其實我係一個好愛好愛看雲的人，了解咖喱妹嘅朋友都知道咖喱妹很愛看花看紅葉，除了愛看花同紅葉之外，其實咖喱妹更愛看雲，最愛看雲嘅變化，尤其是雲海啊！

我喜歡見到藍天白雲，係因為「雲」俾到我好舒服嘅感覺，能使我心情平和、輕鬆愉快，而且雲的形態有太多太多，真係百看不厭嘛………而且我總覺得每當有藍天白雲嘅時候，無論點樣嘅風景都可以影到好似一幅畫咁靚架 ~~

就係因為呢啲咁特別嘅雲先能夠襯托出一個咁靚嘅湖景咋 ~~

遊完湖之後差不多傍晚5點鐘, 司機就接我哋去和平佛塔(World Peace Pagoda) ~~

車停喺山坡下, 我哋一落車就見到波卡拉地區嘅一大片田園風光 ~~

然後我哋往和平佛塔嘅方向慢慢行咗二十分鐘嘅路程上去 ~~

沿路可以眺望費娃湖的美景 ~~

和平佛塔(World Peace Pagoda)係日本佛教徒組織為促進世界和平而修建的 ~~

不管你是否信徒都可以隨意上去和平佛塔參觀，不過開放的地方只有兩層圓環的位置，佛塔內部是不可進入的，踏上圓環參觀前必須先脫下鞋子，赤腳上去 ~~

山門前用漢字寫著「日本山妙法寺」, 因為這座佛塔係在2000年的嘅時候, 由尼泊爾、日本、泰國跟斯里蘭卡合資蓋的，不過日本人出資最多，捐了一百萬美元, 所以理所當然是用日本漢字題字啦 ~~

落山之後就前往費娃湖邊嘅一間露天韓國菜餐廳食晚餐 ~~

食飽飽之後當然又係做豬嘅時候啦 !! 因為明早要凌晨3點幾起床出發去Sarangkot呀 !!

Day 4 (21Sep2013) —

凌晨4點鐘司機準時到酒店接我哋到莎朗可(Sarangkot)山腳下, 然後由trekking guide帶住我哋摸黑登上去莎朗可山的最高點 (1592m)睇日出 ~~

莎朗可山係尼泊爾好著名的觀日出地方，因為站在瞭望台可以看到Annapurna Range全景。其實，Annapurna並不是一座山，是一連串的山脈，它包括了以下的每一座山峰，如Annapurna South (7219m), Annapurna I (8091m) Hiunchuli (6441m), Machhapuchhare魚尾峰 (6993m), Annapurna III(7555m) ,Annapurna IV(7525m) Annapurna II(7939m), 及 Lamjung Himal (6905m)。而成個山脈由東向西伸延約50km, 位於Porkhara的北面。南坡的山腳就有很多著名和熱門的行山徑(trekking route), 例如Annapurna Base Camp(ABC), Dampus Trek, Poon Hill Trek,等…..

(以下的Annapurna Range圖片係取自網上以供參考的)